48 ގައުމުގެ ފީފާ ވޯލްޑް ކަޕްގެ ބޮޑު ފައިދާ އެފްރިކާ އަށް

Jun 28, 2026, 10:49 PM
އެމެރިކާ، މެކްސިކޯ އަދި ކެނަޑާގަައި ކުރިއަށްދާ ފީފާ ވޯލްޑް ކަޕްގެ މެޗުތަކުުގެ ތެރެއިން ކޮންގޯގެ އައިކޮނިކް ސަޕޯޓަރު ލުމުމްބާ.

އެމެރިކާ، މެކްސިކޯ އަދި ކެނަޑާގަައި ކުރިއަށްދާ ފީފާ ވޯލްޑް ކަޕްގެ މެޗުތަކުުގެ ތެރެއިން ކޮންގޯގެ އައިކޮނިކް ސަޕޯޓަރު ލުމުމްބާ.

ލޮސް އެންޖެލްސް، ޔުނައިޓެޑް ސްޓޭޓްސް (ޖޫން 28) - ފީފާ އިން މި ފަހަރުގެ ވޯލްޑް ކަޕް ފުޓްބޯޅަ މުބާރާތް، 48 ގައުމުގެ މެދުގައި ކުރިއަށްގެންދަން ނިންމައި، މުބާރާތުގެ ފުރަތަމަ 72 މެޗާ އެކު، ގްރޫޕް ސްޓޭޖުގެ ކުޅުން ނިމުނުއިރު، އެންމެ ބޮޑު ކުރިއެރުމެއް ލިބިގެންދިޔަ ބައްރަކަށް އެފްރިކާ ވެއްޖެ އެވެ. 

އެ ގޮތުން، މުބާރާތުގެ ގަދަ 32 ޓީމު ވާދަކުރާ ނޮކައުޓް ބުރުގެ ކުޅުން ފަށާއިރު، އެފްރިކާ އިން މި ފަހަރުގެ ވޯލްޑް ކަޕްގައި ކުޅުނު 10 ޓީމުގެ ތެެރެއިން ނުވަ ޓީމެއް މި ބުރުގައި ކުޅޭނެ އެވެ. މިއީ، ވޯލްޑް ކަޕްގައި ކުޅުނު އެފްރިކާ ޓީމުތަކުގެ ނިސްބަތަށް ބަލާއިރު، އެފްރިކާ 90 ޕަސެންޓް އެވެ.

އެ ގޮތުން، ނޮކައުޓްގައި ކުޅޭނެ އެފްރިކާ ޓީމުތަކަކީ، ދެކުނު އެފްރިކާ، މޮރޮކޯ، ސެނެގާލް، އައިވަރީ ކޯސްޓް، ކޮންގޯ، ކޭޕް ވާޑް، މިސްރު، އަލްޖީރިއާ އަދި ގާނާ އެވެ. މީގެ ތެރެއިން ކޭޕް ވާޑް އަކީ މުޅިން އަލަށް ވޯލްޑް ކަޕްގައި ވާދަކުރާ ގައުމެކެވެ. 

Advertisement

ފުޓްބޯޅައިގެ ތަޖުރިބާކާރުން ދެކޭގޮތުގައި، މި ފަހަރުގެ ވޯލްޑް ކަޕްގައި އެފްރިކާގެ ކުރިއެރުން ފެންނަ މައިގަނޑު ސަބަބަކީ، ފޯމެޓް އޮތްގޮތުން ރަނގަޅު ލެވަލަށް ތައްޔާރުވެގެން މެޗުތަކުަގައި ކުޅެން ލިބުމާއި، ފާއިތުވި އަަހަރުތަކުގައި އެފްރިކަން ކަޕް އޮފް ނޭޝަންސްގެ. ވާދަވެރިކަން ވެސް ރަނގަޅު ފެންވަރަކަށް މައްޗަށް ދަމުން އަންނާތީ އެވެ. 

އެމެރިކާ، މެކްސިކޯ އަދި ކެނަޑާގަައި ކުރިއަށްދާ ފީފާ ވޯލްޑް ކަޕްގެ މެޗެއްގެ ތެރެއިން ކޮލަމްބިއާގެ ސަޕޯޓަރެއް.
އެމެރިކާ، މެކްސިކޯ އަދި ކެނަޑާގަައި ކުރިއަށްދާ ފީފާ ވޯލްޑް ކަޕްގެ މެޗެއްގެ ތެރެއިން ކޮލަމްބިއާގެ ސަޕޯޓަރެއް.

ދެ ވަނަ އަށް އެންމެ ނަތީޖާ ރަނގަޅު ބައްރަކަށް އޮތީ ދެކުނު އެމެރިކާ އެެވެ. ދެކުނު އެެމެރިކާ އިން ވޯލްްޑް ކަޕްގައި ވާދަކުރި ހަ ގައުމުގެ ތެރެއިން، އުރުގުއޭ ފިޔަވައި ބާކީ ފަސް ގައުމު ވެސް ގަދަ 32 ގައި ކުޅޭނެ އެވެ. އެއީ، ބްރެޒިލް، އާޖެންޓީނާ، ކޮލަމްބިއާ، އެކުއެޑޯ އަދި ޕެރަގުއޭ އެވެ. ޕަސެންޓަށް ބަލާއިރު، ދެކުނު އެމެރިކާ އިން ވޯލްޑް ކަޕްގައި ފެނުނު ގައުމުތަކުގެ ތެެރެއިން، 83 ޕަސެންޓް ނޮކައުޓް ބުރުގައި ވެސް ފެންނާނެ އެވެ. 

ވޯލްޑް ކަޕުން އެންމެ ގިނަ ސްލޮޓް ލިބެނީ ޔޫރަަޕަށެވެ. އެ ގޮތުން، ޔޫރަޕުން 16 ގައުމެއް މި ފަހަރުގެ ވޯލްޑް ކަޕްގައި ކުޅުނުއިރު، އޭގެ ތެރެއިން 13 ޓީމެއް ނޮކައުޓްގައި ކުޅޭނެ އެވެ. އެއީ، މުބާރާތުގައި ކުޅުނު ޔޫރަޕްގެ އަދަދަށް ބަލާއިރު، 81 ޕަސެންޓް އެވެ. ނޮކައުޓް ބުރުގައި ފެންނާނެ ޔޫރަޕްގެ ޓީމުތަކަކީ، ޖަރުމަނު، ފްރާންސް، ސްވިޑެން، ނެދަލެންޑްސް، ޕޯޗުގަލް، ކްރޮއޭޝިއާ، ސްޕެއިން، އޮސްޓްރިއާ، ބޮސްނިއާ، ބެލްޖިއަމް، ނޯވޭ، އިންގްލެންޑް އަދި ސްވިޒަލެންޑް އެވެ. 

އުތުރު އެމެރިކާ އިން ބަލާއިރު، ވާދަކުރި ހަ ގައުމުގެ ތެރެއިން ތިން ގައުމަށް ނޮކައުޓުން ޖާގަ ލިބުނެވެ. އެއީ، މުބާރާތް ހޯސްޓްކުރާ ތިން ގައުމު ކަމަށްވާ އެެމެރިކާ، މެކްސިކޯ އަދި ކެނަޑާ އެވެ. މިއީ، ކެނަޑާ އިން ނޮކައުޓްގައި ކުޅޭ ފުރަތަމަ ފަހަރެވެ. އުތުރު އެމެރިކާ އިން ނޮކައުޓްގައި ކުޅޭ ތިން ޓީމާ އެކު، އެ ޓީމަށް ގަދަ 32 އިން ފުރުސަތު ލިބިފައިވާ އެ ސަރަހައްދުން ވާދަކުރި ޓީމުތަކުގެ ނިސްބަތަކީ 50 ޕަސެންޓް އެވެ. 

އޭޝިއާ އިން މި ފަހަރު ނުވަ ގައުމެއް ވަނީ ވޯލްޑް ކަޕްގައި ކުޅެފަ އެވެ. އެކަމަކު، ގަދަ 32 ޓީމު ކުޅޭ ނޮކައުޓްގެ ފުރަތަމަ ބުރުން، ފެންނާނެ އޭޝިއާގެ ދެ ގައުމަކީ ޖަޕާން އާއި އޮސްޓްރޭލިއާ އެވެ. މިއީ، އޭޝިއާ އިން މި ފަހަރުގެ ވޯލްޑް ކަޕްގައި ކުޅުނު ގައުމުތަކުގެ އަދަދަށް ބަލާއިރު، 22 ޕަސެންޓް އެވެ. 

އޯޝެނިއާ އިން މި ފަހަރުގެ ވޯލްޑް ކަޕްގައި ކުޅުނީ  ނިއު ޒީލެންޑް އެކަންޏެވެ. އެ ޓީމު ވަނީ ވާދަކުރި ގްރޫޕްގެ ފުލަށް ދިއުމުން މުބާރާތުން ކަޓައިފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox