ވޯލްޑް ކަޕްގެ ނާކާމިޔާބީގެ ޒިންމާ ނަގައި ސައުދީ ފުޓްބޯޅަ ރައީސް ޔާސިރު އިސްތިއުފާ ދީފި

Jun 29, 2026, 4:21 PM
ސައުދީ ފުޓްބޯޅަ ފެޑެރޭޝަންގެ ރައީސް، ޔާސިރު އަލް މިސެހާލް: އޭނާ ވަނީ މަގާމުން އިސްތިއުފާދީފައި.

ސައުދީ ފުޓްބޯޅަ ފެޑެރޭޝަންގެ ރައީސް، ޔާސިރު އަލް މިސެހާލް: އޭނާ ވަނީ މަގާމުން އިސްތިއުފާދީފައި.

ރިޔާދު، ސައުދީ އަރަބިއްޔާ (ޖޫން 29) - އެމެރިކާ، ކެނަޑާ އަދި މެކްސިކޯގައި މިހާރު ކުރިއަށްދާ ފީފާ ވޯލްޑް ކަޕް ފުޓްބޯޅަ މުބާރާތުގައި ސައުދީ އަރަބިއްޔާ އިން ނެރުނު ދަށް ނަތީޖާތަކުގެ ޒިންމާނަގައި، އެ ގައުމުގެ ފުޓްބޯޅަ ފެޑެރޭޝަންގެ ރައީސް، ޔާސިރު އަލް މިސެހާލް މަގާމުން އިސްތިއުފާދީފި އެވެ. 

ވޯލްޑް ކަޕްގެ ގްރޫޕް އެޗްގައި ވާދަކުރި ސައުދީ ދިޔައީ އެ ގްރޫޕްގެ އެންމެ ފުލަށެވެ. ފުރަތަމަ މެޗުން އުރުގުއޭ އަތުން 1-1 އިން އެއްވަރުވި ސައުދީ ދެ ވަނަ މެޗުގައި 4-0 އިން ސްޕެއިން އަތުން ބަލިވި އެވެ. ތިން ވަނަ މެޗުން މޮޅުވެގެން ކުރިއަށް ދިއުމުގެ ފުރުސަތު އޮތް ސައުދީ ކެޓީ ފަހު މެޗުގައި ކޭޕް ވާޑްއާ 0-0 އިން އެއްވަރުވެގެންނެވެ. އުރުގުއޭ އާއި ސައުދީ ފަހަތަށް ޖައްސާލައި މި ގްރޫޕުން ނޮކައުޓަށް ދެން ދިޔައީ މުޅިން އަލަށް ވޯލްޑް ކަޕްގައި ކުޅޭ ކޭޕް ވާޑް އެވެ. 

"ވޯލްޑް ކަޕްގެ ނޮކައުޓް ބުރަށް ސައުދީ އަރަބިއްޔާ ކޮލިފައިނުވުމަކީ އަހަރެމެން އުންމީދު ކުރި ގޮތާ ހިލާފަށް ދަށްކޮށް ދިޔަ ކަމެއް. އެ ކަމުގެ ފުރިހަަމަ ޒިންމާ އަހަރެން ނަގަން. މި ޓީމު މި އަށް ވުރެން ރަނގަޅު ހިސާބެއްގައި އޮންނަން ޖެހޭ ކަމަށް ގަބޫލުކުރާ އެންމެންގެ ކިބައިން އަހަރެން މާފަށް ވެސް އެދެން،" އެކްސްގައި ޔާސިރު ލިޔުއްވާފައިވެ އެވެ. 

Advertisement

"މިހާ ހިސާބުން އަހަރެންގެ ޒިންމާ އަކަށް ވަނީ އާ ޗެޕްޓަރެއް ލިޔުމަށް ފުރުސަތު ދިނުން. އެހެންވެ، އަހަރެން މި ނިންމީ މި ދައުރުގައި ބާކީ އޮތް މުއްދަތުގައި ވެސް ރައީސްގެ މަގާމުން ވަކިވެލަން،" 

ޔާސިރު އަކީ ސައުދީ ފުޓްބޯޅަ ރައީސްގެ މަގާމުގައި ފާއިތުވި ހަތް އަހަރު ހުންނެވި ފަރާތެވެ. ސައުދީ އަށް 2034 ވަނަ އަހަރުގެ ވޯލްޑް ކަޕް ހޯސްޓްކުރުމުގެ ފުރުސަތު ލިބިގެންދިޔައީ ޔާސިރުގެ މިންނެތް މަސައްކަތުންނެވެ. ސައުދީ އަރަބިއްޔާ އިން މި ފަހަރުގެ ވޯލްޑް ކަޕްގައި ކުުޅުނުއިރު، މިއީ ޖެހިޖެހިގެން އެ ޓީމުން ވާދަކުރި ތިން ވަނަ ވޯލްޑް ކަޕް އެވެ. ސައުދީގެ އެންމެ ރަނގަޅު ވޯލްޑް ކަޕް ތަޖުރިބާއަކީ 1994 ވަނަ އަހަރު އެމެރިކާ އިން ހޯސްޓްކުރި މުބާރާތުގެ ގަދަ 16 ގައި ކުޅުމެވެ. 

އޭޝިއާ އިން މި ފަހަރު ނުވަ ގައުމެއް ވަނީ ވޯލްޑް ކަޕްގައި ކުޅެފަ އެވެ. އެކަމަކު، ގަދަ 32 ޓީމު ކުޅޭ ނޮކައުޓްގެ ފުރަތަމަ ބުރުން، ފެންނާނެ އޭޝިއާގެ ދެ ގައުމަކީ ޖަޕާން އާއި އޮސްޓްރޭލިއާ އެވެ. މިއީ، އޭޝިއާ އިން މި ފަހަރުގެ ވޯލްޑް ކަޕްގައި ކުޅުނު ގައުމުތަކުގެ އަދަދަށް ބަލާއިރު، 22 ޕަސެންޓް އެވެ. 

މި ފަހަރުގެ ވޯލްޑް ކަޕް ފުޓްބޯޅަ މުބާރާތުގެ ގްރޫޕް ސްޓޭޖުން ދެކުނު ކޮރެއާ ކެޓުމާ އެކު، އެ ޓީމުގެ ކޯޗުގެ މަގާމުން ހޮންގް މިޔުން ބޯ އިސްތިއުފާދިންއިރު، އެ ޓީމަށް މި ފަހަރުގެ ވޯލްޑް ކަޕްގައި ދިމާވި ކަންތައްތައް ބެލުމަށް ދެކުނު ކޮރެއާގެ ރައީސް، ލީ ޖައެ މިޔުން ވަނީ ގޮވާލައްވައިފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox