ވިލާ ކޮލެޖާއި ޔުނިސެފް ގުޅިގެން "ޕޭރެންޓިން ސިމްޕޯޒިއަމް" ބާއްވައިފި

ވިލާ ކޮލެޖާއި ޔުނިސެފް ގުޅިގެން ބޭއްވި "ޕޭރެންޓިން ސިމްޕޯޒިއަމް" ގެ ތެރެއިން -- ފޮޓޯ: ވިލާ ކޮލެޖު

ވިލާ ކޮލެޖާއި ޔުނިސެފް ގުޅިގެން ބޭއްވި "ޕޭރެންޓިން ސިމްޕޯޒިއަމް" ގެ ތެރެއިން -- ފޮޓޯ: ވިލާ ކޮލެޖު

ވިލާ ކޮލެޖުގެ މާސްޓާސް އޮފް ކްލިނިކަލް ސައިކޮލޮޖީ އަދި މާސްޓާސް އޮފް ކައުންސެލިން ޕްރޮގްރާމްގެ ދަރިވަރުންނާއި ޔުނިސެފް ގުޅިގެން، ކުޑަކުދިންގެ ތަރުބިއްޔަތާއި ހެދިބޮޑުވުމަށް އަމާޒުކޮށްގެން ކުރިއަށް ގެންދިޔަ "ޕޭރެންޓިންގ ސިމްޕޯޒިއަމް 2026" ބާއްވައިފި އެވެ.

"އާލީ އިޔާސް މެޓާ: ސަޕޯޓިން ޕޭރެންޓްސް ތުރޫ އިންޓަގްރޭޓެޑް ސިސްޓަމްސް" ގެ ޝިއާރުގެ ދަށުން ކުރިއަށްގެންދިޔަ މި ސިމްޕޯޒިއަމްގެ މަގްސަދަކީ ވަކިވަކިން މަސައްކަތްކުރާ މުއައްސަސާތަކުގެ ބަދަލުގައި، ސިއްހީ، ތައުލީމީ އަދި އިޖުތިމާއީ ހިދުމަތްތައް ގުޅިފައިވާ ހަރުދަނާ ނިޒާމެއްގެ ތެރެއިން ބެލެނިވެރިންނަށް އެހީތެރިކަން ފޯރުކޮށްދޭނެ ގޮތްތަކާ މެދު ފުޅާ ދާއިރާއެއްގައި މަޝްވަރާކޮށް ހައްލުތަކެއް ހޯދުމެވެ.

މި ރަސްމިއްޔާތު ޝަރަފުވެރިކޮށްދެއްވައި، ސިމްޕޯޒިއަމް ހުޅުއްވައިދެއްވުމުގެ ގޮތުން ވާހަކަފުޅު ދެއްކެވީ ޔުނިސެފުން ރާއްޖެއަށް ކަނޑައަޅުއްވާފައި ހުންނަވާ ރެޕްރެޒެންޓޭޓިވް ޑރ. އެޑްވާޑް އައްޑާއީ އެވެ. އޭނާ ވާހަކައިގައި، ކުދިންގެ މުޅި އުމުރުގެ ސިއްހަތާއި އުނގެނުމާއި ދުޅަހެޔޮކަން ބައްޓަންވުމުގައި ޅަފަތުގެ ދުވަސްވަރުގެ މުހިންމުކަމަށް އަލިއަޅުވާލައްވައި، ކުދިންނަށް އެހީތެރިވުން ފެށެނީ ސީދާ ބެލެނިވެރިންނަށް އެހީތެރިވުމާ ހިސާބުން ކަމަށް ވިދާޅުވި އެވެ.

Advertisement

މީގެ އިތުރުން، ސިއްހީ، ތައުލީމީ އަދި އިޖުތިމާއީ ހިދުމަތްތައް އެންމެ ޅަފަތުން ފެށިގެން އެއް ޓީމެއްގެ ގޮތުގައި ގުޅިގެން މަސައްކަތްކުރާނަމަ، އާއިލާތަކަށް ބޭނުންވާ ފުރިހަމަ އެހީތެރިކަން ލިބި، ކުދިން ކުރިއަރައި، މުޅި މުޖުތަމައު ބާރުވެރިވެގެންދާނެކަން އޭނާ ފާހަގަކުރެއްވި އެވެ.

މި ރަސްމިއްޔާތުގައި ވާހަކަފުޅު ދައްކަވަމުން ވިލާ ކޮލެޖުގެ ވައިސް ރެކްޓާ، ޑރ. އަލީ ނަޖީބު ވިދާޅުވީ، ވިލާ ކޮލެޖުން ގަބޫލުކުރާ ގޮތުގައި ތައުލީމަކީ ހަމައެކަނި ކްލާސްރޫމަކުން ނިމޭ ކަމަކަށް ނުވެ، އޭގެ ފައިދާ ސީދާ މުޖުތަމައަށް ފޯރަންޖެހޭ ކަމަށެވެ.

މި ސިމްޕޯޒިއަމް ރާވައި ކުރިއަށް ގެންދިއުމުގައި ވިލާ ކޮލެޖުގެ މާސްޓާސް ޕްރޮގްރާމްތަކުގެ ދަރިވަރުން ކުރި ބުރަ މަސައްކަތަށް ތައުރީފުކުރައްވައި، އެ ދަރިވަރުން ހަމައެކަނި ތިއަރީ އުނގެނުމުގެ ބަދަލުގައި، ދިވެހި އާއިލާތަކަށް އަމަލީ ހައްލުތައް ހޯދައިދިނުމުގައި ނަމޫނާ ދައްކަވާފައިވާކަން ޑރ. ނަޖީބު ފާހަގަކުރެއްވި އެވެ.

ކުއްޖަކަށް އެހީތެރިވުމަށްޓަކައި އެންމެ ފުރަތަމަ ބެލެނިވެރިޔާއަށް އެހީތެރިވާންޖެހޭކަން ފާހަގަކުރައްވައި، ބެލެނިވެރިންނާއި ކުދިން ބަލަހައްޓާ ފަރާތްތައް އެ މަސައްކަތް އެކަނި ކުރައްވަން ނުޖެހޭނެ ކަމުގެ ޔަގީންކަން ދެއްވައި އޭނާ ވިދާޅުވީ ބެލެނިވެރިންނާ އެކުގައި ސާބިތުވެ، އެކުގައި އުނގެނި، އެހީތެރިވުމުގައި ވިލާ ކޮލެޖު އަބަދުވެސް ދެމިއޮންނާނެ ކަމަށެވެ. 

މި ސިމްޕޯޒިއަމްގެ އެންމެ މުހިންމު އެއް ހަރަކާތެއްގެ ގޮތުން ކުރިއަށްދިޔަ ޕެނަލް ޑިސްކަޝަންގައި ބައިވެރިވީ ވިލާ ކޮލެޖުގެ ދަރިވަރު އަޒްރާ މޫސާ، އަމީނިއްޔާ ސްކޫލުގެ ސްޕެޝަލް އެޑިޔުކޭޝަން ޓީޗަރު ޒަހީނާ މުފީދު، މިނިސްޓްރީ އޮފް އެޑިޔުކޭޝަންގެ ޑިރެކްޓާ ޖެނެރަލް އަދި ޖޮއިންޓް ޕޭރެންޓިން ޕްރޮގްރާމް ސްޓިއަރިން ކޮމިޓީގެ ޗެއާ ފާތިމަތު އައްޒަ، ހުޅުމާލޭ ހޮސްޕިޓަލުގެ ސީނިއާ ސައިކޮލޮޖިސްޓް ފާތިމަތު ޝަހުރު އަދި ޔުނިސެފްގެ ހެލްތު އެންޑް ނިއުޓްރިޝަން ސްޕެޝަލިސްޓް އާމިނަތު ޝަހުލާ އެވެ.

މި ޕެނަލްގައި މައިގަނޑު ގޮތެއްގައި އަލިއަޅުވާލާފައިވަނީ، ޅަފަތުގައި ހެދިބޮޑުވުމަށް ބޭނުންވާ ސިއްހީ، ތައުލީމީ އަދި އިޖުތިމާއީ ހިދުމަތްތައް ވަކިވަކި މުއައްސަސާތަކުން ދިނުމުގެ ބަދަލުގައި، ގުޅިފައިވާ އެއް ނިޒާމެއްގެ ތެރެއިން ޢާއިލާތަކަށް އެހީތެރިކަން ފޯރުކޮށްދިނުމުގެ މުހިންމުކަމުގެ މައްޗަށެވެ.

ކުދިން ބެލެހެއްޓުމުގައި އާއިލާތަކުން ތަހައްމަލު ކުރާ އިދާރީ އަދި ނިޒާމީ ދަތިތަކާއި އޭގެ ސަބަބުން ބެލެނިވެރިންނަށް ނަފްސާނީ ގޮތުން ކުރާ އަސަރުތަކުގެ މައްޗަށް ވެސް ޕެނަލިސްޓުން ވަރަށް ފުޅާކޮށް ވާހަކަދެއްކި އެވެ. ކުއްޖާގެ ހެދިބޮޑުވުމާމެދު ކަންބޮޑުވުން އުފެދޭ ވަގުތުތަކުގައި، ގުޅިފައިވާ އެހީތެރިކަމުގެ ނިޒާމެއް ނެތުމުގެ ސަބަބުން ސިއްހީ އަދި ތައުލީމީ ދާއިރާތަކުން ހިދުމަތް ހޯދުމަށް ބެލެނިވެރިން އުފުލަންޖެހޭ ބުރައާއި ދަތިތަކަށް ހާއްސަ ސަމާލުކަމެއް ދިނެވެ. 

އުމުރުގެ ފުރަތަމަ ފަސް އަހަރަކީ ކުއްޖާގެ ސިކުނޑިއާއި ވިސްނުމުގެ ތަރައްޤީއަށް އެންމެ މުހިންމު ދުވަސްވަރުކަން ފާހަގަކޮށް، ހެދިބޮޑުވުމުގައި ހުންނަ މައްސަލަތައް ވީ އެންމެ އަވަހަކަށް ދެނެގަތުމުގެ މުހިންމުކަން ޕެނަލިސްޓުން ފާހަގަ ކުރި އެވެ. އަދި ސްކްރީން ޓައިމް ގިނަވުމާއި އިޖުތިމާއީ ގުޅުން މަދުވުން ފަދަ މާހައުލީ ސަބަބުތަކުން ދިމާވާ ވާހަކަދެއްކުމާއި އިޖުތިމާއީ ހުނަރުގެ ލަސްތައް ވަކިކޮށް ދެނެގަތުމުގެ ބޭނުންތެރިކަން ފާހަގަކުރައްވައި، ކުރީކޮޅު މިފަދަ ކަންކަން ދެނެގަނެ އެކަށޭނަ އެހީތެރިކަން ފޯރުކޮށްދިނުމުން ދުރުރާސްތާގައި ކުރާ ނޭދެވޭ އަސަރުތައް ކުޑަކުރެވޭނެކަން ފާހަގަކުރެއްވިއެވެ.

މެންދުރުފަހުގެ ދަންފަޅީގައި ކުރިއަށްދިޔައީ ވިލާ ކޮލެޖުގެ ދަރިވަރުންގެ ފަރާތުން ހުށަހެޅި ރިސާޗް ޕޭޕާ ޕްރެޒެންޓޭޝަންތަކެވެ. މި ދިރާސާތަކުގައި، ދިވެހި މުޖުތަމައާ ސީދާ ގުޅުންހުރި މުހިންމު މައުޟޫތަކަށް ފުން ދިރާސީ ނަޒަރަކުން އަލިއަޅުވާލާފައިވެ އެވެ. ހަމައެއާއެކު، ވިލާ ކޮލެޖުގެ ސައިކޮލޮޖީ މާސްޓާސް ދަރިވަރުން އިންތިޒާމުކޮށްގެން، އަމަލީ މަސައްކަތު ބައްދަލުވުންތަކެއް ވެސް ބައިވެރިންނަށް ކުރިއަށް ގެންދިޔަ އެވެ. 

މި ސިމްޕޯޒިއަމްއަކީ، ދިވެހި މުޖުތަމައުގައި ކުޑަކުދިން ތަރުބިއްޔަތުކުރުމުގައި ބެލެނިވެރިންނަށް ބޭނުންވާ ފުރިހަމަ، އަދި އެކި މުއައްސަސާތައް ގުޅިފައިވާ އެހީތެރިކަމުގެ ނިޒާމެއް ބިނާކުރުމަށް އެޅުނު މުހިންމު ފިޔަވަޅެއް ކަމަށް ވިލާ ކޮލެޖުން ބުންޏެވެ. ވިލާ ކޮލެޖުން ބުނީ އެ ކޮލެޖު ދެމިއޮންނާނީ، މިފަދަ އިލްމީ އަދި ފަންނީ މަޝްވަރާތައް ކުރިއަށް ގެންގޮސް، ހަރުދަނާ ދިރާސާގެ އަލީގައި މުޖުތަމަޢަށް އަމަލީ ހެޔޮ ބަދަލު ގެނައުމަށް މެދުކެނޑުމެއްނެތި މަސައްކަތްކުރުމުގަ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox