ކުރިން ވޯޓު އެއްވަރުވީ މީދޫ ކައުންސިލުގެ ރައީސް ކަމަށް ބޮޑު ތަފާތަކުން ޕީއެންސީގެ ސުހާ

Jun 13, 2026, 11:51 PM
ދ. މީދޫ ކައުންސިލުގެ ރައީސްގެ އިންތިހާބުގެ އިތުރު ބުރުގެ ވޯޓުގެ ވޯޓު ގުނުން ކުރިއަށް ދަނީ: މި ދާއިރާގައި އިތުރުބުރެއް ބާއްވަން ޖެހުނީ ދެ ކެނޑިޑޭޓުންގެ ވޯޓު އެއްވަރުވުމުން --- ފޮޓޯ: އިލެކްޝަންސް ކޮމިޝަން

ދ. މީދޫ ކައުންސިލުގެ ރައީސްގެ އިންތިހާބުގެ އިތުރު ބުރުގެ ވޯޓުގެ ވޯޓު ގުނުން ކުރިއަށް ދަނީ: މި ދާއިރާގައި އިތުރުބުރެއް ބާއްވަން ޖެހުނީ ދެ ކެނޑިޑޭޓުންގެ ވޯޓު އެއްވަރުވުމުން --- ފޮޓޯ: އިލެކްޝަންސް ކޮމިޝަން

ނިމުނު ލޯކަލް ކައުންސިލް އިންތިހާބުގައި ވޯޓު އެއްވަރުވެގެން އިތުރު ބުރެއް ބޭއްވި ދ. މީދޫ ކައުންސިލުގެ ރައީސްގެ މަގާމު ތަފާތު ބޮޑު ނަތީޖާއަކުން ޕީއެންސީގެ ކެނޑިޑޭޓު ސުހާ އިބްރާހިމް މިއަދު ކާމިޔާބުކުރައްވައިފި އެވެ. 

އިލެކްޝަންސް ކޮމިޝަން (އީސީ) އިން އާންމުކޮށްފައިވާ ވަގުތީ ނަތީޖާއިން ދައްކާ ގޮތުގައި ސުހާއަށް 529 ވޯޓު ލިބުނުއިރު އޭނާއާ ވާދަކުރި އެމްޑީއޭގެ ކެނޑިޑޭޓު، މުހައްމަދު ޝާހިދަށް ލިބުނީ 449 ވޯޓެވެ. މި ނަތީޖާއާއެކީ މީދޫ ކައުންސިލުގެ ހުރިހާ ގޮނޑިއެއް ވަނީ ޕީއެންސީއަށް ލިބިފަ އެވެ. 

މީދޫ ކައުންސިލުގެ ރައީސްގެ މަގާމުގެ އިތުރު ބުރެއް ބާއްވަން ޖެހުނީ، ހައި ކޯޓުން ކުރި ހުކުމަކާ ގުޅިގެން އަލުން ވޯޓު ގުނިއިރު ސުހާ އާއި ޝާހިދުގެ ވޯޓު އެއްވަރުވެގެންނެވެ.

މިދިޔަ އޭޕްރިލް މަހު ބޭއްވި ކައުންސިލު އިންތިހާބުގައި، މީދޫ ކައުންސިލުގެ ރައީސް ކަމަށް ކުރިމަތިލީ ސުހާ އާއި ޝާހިދުގެ އިތުރުން އަމިއްލަ ގޮތުން ވާދަކުރި އިބްރާހިމް ނަސީމެވެ.

މި ދާއިރާގެ ވޯޓު ފޮށިތައް ފުރަތަމަ ގުނާ ނިމުނުއިރު، ސުހާއަށް ލިބުނީ 393 ވޯޓެވެ. ޝާހިދަށް ލިބުނީ 392 ވޯޓެވެ. ނަސީމަށް ލިބުނީ 100 ވޯޓެވެ. 

ސުހާއަށް ލިބުނު ވޯޓެއް ބާތިލުވީ ކަމަށް ކަނޑައެޅީ، ލ. ފޮނަދޫގައި ބެހެއްޓި ވޯޓު ފޮއްޓަށް، ވޯޓު ލުމުގެ ހައްގު ނެތް މީހަކު ވޯޓު ލާފައިވާކަން ސާބިތުވުމުންނެވެ. އެ ވޯޓު ފޮށި އަލުން ގުނުމުން، އެއް ވޯޓުގެ ތަފާތުން ޝާހިދު ކޮޅަށް ނަތީޖާ އެނބުރުނެވެ.

ނަމަވެސް، ސުހާ ވަނީ އޭނާއަށް ލިބުނު ދެ ވޯޓު ކަރުދާހެއް ބާތިލުކުރީ ގޯސްކޮށް ކަމަށް ބުނެ ހައި ކޯޓަށް މައްސަލަ ހުށަހަަޅާފަ އެވެ. މި މައްސަލައިގައި ކޯޓުން ވަނީ ބާތިލުކުރި އެއް ކަރުދާހަކީ ސައްހަ ވޯޓެއް ކަމަށް  ކަނޑައަޅާފަ އެވެ. 

މީދޫ ކައުންސިލުގެ އިތުރު ބުރުގެ ވޯޓުގައި 1049 މީހަކަށް ވޯޓު ލުމުގެ ހައްގު ލިބުނުއިރު، 978 މީހަކު ވޯޓުގައި ބައިވެރިވި އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox