ޑޮލަރުގެ ސަޕޯޓު މެދުކަނޑާލި ވާހަކަ ލިޔުމުން ބީއެމްއެލް އިން އަދަދުގެ މައްސަލަ މީޑިއާ ކޮމިޝަނަށް ހުށަހަޅައިފި

Jun 3, 2026, 2:26 PM
ޝަރީފް

ޝަރީފް

ވިޔަފާރިތަކަށް ޓީޓީ ހަދަން ބޭންކް އޮފް މޯލްޑިވްސް އިން ދެމުން އައި ޑޮލަރު ސަޕޯޓު މެދުކަނޑާލި ހަބަރު އަދަދު އިން ލިޔުމުން ބޭންކުން މި ނޫހުގެ މައްސަލައެއް މީޑިއާ އެންޑް ބްރޯޑްކާސްޓިން ކޮމިޝަނަށް ހުށަހަޅައިފި އެވެ. 

މި ނޫހާ ދެކޮޅަށް ބީއެމްއެލް އިން ހުށަހެޅި މައްސަލަ ބަލަން ނިންމާފައިވާކަން މީޑިއާ ކޮމިޝަނުން ވަނީ މި ނޫހަށް އަންގައިފަ އެވެ. އަދި އެ މައްސަލައިގައި ޖަވާބުދާރީވާން މި ނޫހަށް ވަނީ ހަތް ދުވަހުގެ މުހުލަތެއް ދީފަ އެވެ. 

އޭޕްރީލް 20، 2026، ގައި ޝާއިއު ކުރި އެ ހަބަރު މި ނޫހުން ގެނެސްދީފައި ވާނީ ބައެއް ވިޔަފާރިވެރިންގެ ބަސް ހިމަނައިގެންނެވެ. އަދި ކޮމެންޓެއް ހޯދަން ބީއެމްއެލްއަށް ވެސް މި ނޫހުން ގުޅާފައިވާނެ އެވެ. އެކަމަކު، ހަބަރު ޝާއިއު ކުރިއިރު ވެސް ބީއެމްއެލް އިން ކޮމެންޓެއް ދީފައެއް ނުވެ އެވެ.

ބީއެމްއެލްގެ ޑޮލަރު ސަޕޯޓު ކުއްލިއަކަށް ހުއްޓާލައިފި ކަމަށް ބައެއް ވިޔަފާރިތަކުން ބުނެފި

ބީއެމްއެލްއިން ވިޔަފާރިތަކަށް ޓީޓީ ހެދުމަށް ދެމުން އައި ޑޮލަރު ސަޕޯޓު ކުއްލި ގޮތަކަށް މެދުކަނޑާލުމާ ގުޅިގެން، މުދާ އެތެރެކުރާ ކުންފުނިތަކަށް ބޮޑެތި ގޮންޖެހުންތަކެއް ވަނީ ކުރިމަތިވެފަ. މިކަމުގެ ސަބަބުން ކަޅު ބާޒާރުން ބޮޑު އަގުގައި ޑޮލަރު ގަންނަން މަޖުބޫރުވެ، ބާޒާރުގައި ތަކެތީގެ އަގު އިތުރަށް އުފުލުމުގެ ބިރު އެބަ އޮތް

އޭގެ ފަހުން ބީއެމްއެލް އިން ވަނީ، ޑޮލަރު ސަޕޯޓު މެދުކަނޑާލާފައިނުވާނެ ކަމަށް ބުނެ ނޫސް ބަޔާނެއް ނެރަފަ އެވެ. ވަކި ހަބަރެއްގެ ގޮތުގައި އެ ބަޔާން ވެސް މި ނޫހުން ކަވަރުކޮށްފައިވާނެ އެވެ. 

ޑޮލަރު ސަޕޯޓު މެދުކަނޑާލި ހަބަރު މި ނޫހުން ގެނެސްދިނީ ރާއްޖެއަށް އެންމެ ގިނައިން މުދާ އެތެރެ ކުރާ ބައެއް ކުންފުނިތަކުގެ އިސް ވެރިންނާ ވާހަކަ ދެއްކުމަށްފަހު އެވެ. ތަކެތި އަގުބޮޑުވުމުގެ އެންމެ ބޮޑު ސަބަބަކީ ވެސް ޑޮލަރު ނުލިބުން ކަމަށް އެއިރު ވިޔަފާރިވެރިން ބުނެފައިވެ އެވެ. 

"މިއީ ވަރަށް ބޮޑު ގެއްލުމެއް. އަޅުގަނޑުމެން ދެން ޖެހެނީ މުދާ އެތެރެކުރަން އަގުގެ 100 ޕަސެންޓަށްވާ ޑޮލަރު އަމިއްލައަށް (ކަޅު ބާޒާރުން) ހޯދަން،" ރާއްޖެއަށް އެންމެ ގިނަ މުދާ އެތެރެކުރާ އެއް ކުންފުނީގެ ޑިރެކްޓަރަކު ވިދާޅުވި އެވެ.

އެފަދަ ހަބަރުތަކަށް ވާހަކަ ދައްކާއިރު ނޫހުގައި ނަން ނުޖަހަން ވިޔަފާރިވެރިން އެދެ އެވެ. އެއީ ސިޔާސީ ގޮތުން އެމީހުންގެ ވިޔަފާރިތަކަށް އުނދަގޫ ކުރަން ސަރުކާރުން މަސައްކަތް ކުރާތީ އެވެ. މަސްދަރަށް ލިބިދާނެ ގެއްލުމަކަށްޓަކައި ނަން ސިއްރު ކުރުމަކީ ނޫސްވެރިކަމުގައި ބަލައިގަނެފައިވާ އަދި އެހެން ގައުމުތަކުގައި ވެސް އަމަލު ކުރަމުން އަންނަ އުސޫލެކެވެ. 

މި ހަބަރު ޝާއިއުކުރުމާ ހަމައަށް މިކަމުގައި ބީއެމްއެލްގެ ބަހެއް ލިބިފައެއް ނުވެ އެވެ. 

މީޑިއާ އެންޑް ބްރޯޑްކާސްޓިން ކޮމިޝަނުން މި ނޫހަށް ފޮނުވި ސިޓީގައި ބުނެފައި ވަނީ ބީއެމްއެލްގެ ޝަކުވާ ވެސް މި ނޫހަށް ފޮނުވާފައިވާނެ ކަމަށެވެ. ނަމަވެސް އެ ކޮމިޝަނުން ފޮނުވި އީމެއިލްގައި އެ ޝަކުވާ އެޓޭޗްކޮށްފައެއް ނެތެވެ. 

އޭގެ އިތުރުން، ކޮމިޝަނުން ފޮނުވި ސިޓީގެ ތާރީހުގެ ގޮތުގައި ލިޔެފައި ވަނީ ޖޫން 13، 2026، އެވެ. މީގެ ކުރިން ވެސް މީޑިއާ ކޮމިޝަނުން މި ނޫހަށް ފޮނުވި ބައެއް ސިޓީތަކުގައި ނުރަނގަޅު މައުލޫމާތާއި ލިޔުމުގެ ގިނަ ކުށްތައް ހުރިކަން ފާހަގަ ކުރެވިފައިވެ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox