ބީއެމްއެލްގެ ޑޮލަރު ސަޕޯޓު ކުއްލިއަކަށް ހުއްޓާލައިފި ކަމަށް ބައެއް ވިޔަފާރިތަކުން ބުނެފި

Apr 20, 2026, 7:27 AM
ބީއެމްއެލްގެ މެނޭޖިން ޑިރެކްޓަރު ޝަރީފު

ބީއެމްއެލްގެ މެނޭޖިން ޑިރެކްޓަރު ޝަރީފު

ބޭންކު އޮފް މޯލްޑިވްސް (ބީއެމްއެލް) އިން ވިޔަފާރިތަކަށް ޓީޓީ ހެދުމަށް ދެމުން އައި ޑޮލަރު ސަޕޯޓު ކުއްލިއަކަށް މެދުކަނޑާލާފައިވާ ކަމަށް ބައެއް ކުންފުނިތަކުން ބުނަން ފަށައިފި އެވެ.

"އަދަދު" ނޫހަށް މައުލޫމާތު ދިން ރާއްޖޭގެ މަޝްހޫރު ބައެއް ވިޔަފާރި ކުންފުނިތަކުން ބުނީ، މި މަހުގެ ނިޔަލަށް ޑޮލަރު ސަޕޯޓު މެދުކަނޑާލާފައިވާ ކަން ބޭންކުން އަންގާފައިވާ ކަމަށެވެ. މީގެ ސަބަބުން މުދާ އެތެރެކުރާ ކުންފުނިތަކަށް ވަނީ ބޮޑު ގޮންޖެހުމެއް ކުރިމަތިވެފަ އެވެ.

"މިއީ ވަރަށް ބޮޑު ގެއްލުމެއް. އަޅުގަނޑުމެން ދެން ޖެހެނީ މުދާ އެތެރެކުރަން އަގުގެ 100 ޕަސެންޓަށްވާ ޑޮލަރު އަމިއްލައަށް (ކަޅު ބާޒާރުން) ހޯދަން،" ރާއްޖެއަށް އެންމެ ގިނަ މުދާ އެތެރެކުރާ އެއް ކުންފުނީގެ ޑިރެކްޓަރަކު ވިދާޅުވި އެވެ. 

އެހެން ކުންފުންޏެއްގެ އިސްވެރިޔަކު ވިދާޅުވީ ޓީޓީ ހެދުމަށް ދެމުންދިޔަ ޑޮލަރު ސަޕޯޓު ދެވެން ނެތް ކަމަށް ބީއެމްއެލްއިން އެ ކުންފުންޏަށް އެންގި ނަމަވެސް އޭގެ ސަބަބެއް އަންގާފައި ނެތް ކަމަށެވެ.  

މިކަމާ ގުޅޭ ގޮތުން ބީއެމްއެލްގެ ރަސްމީ ބަހެއް ނުލިބުނެވެ. 

ޑޮލަރު ސަޕޯޓު މެދުކަނޑާލި ކަމަށް ބައެއް ވިޔަފާރިތަކުން ބުނަން ފެށިއިރު، މި މަހުގެ ކުރީކޮޅު ސަރުކާރުން ވަނީ ސްކޫކު އަނބުރާ ހަލާސްކުރުމަށް 524 މިލިއަން ޑޮލަރު ދައްކައިފަ އެވެ. އަދި ބީއެމްއެލްއިން ވަނީ ސަރުކާރުގެ 4 ބިލިއަން ރުފިޔާގެ މަޝްރޫއުއަށް ފަންޑުކުރަން ނިންމައި، އޭގެ ތެރޭގައި ބައެއް ޕޭމެންޓު ޑޮލަރުން ދޫކުރި ކަމަށް މައުލޫމާތު ލިބިފައިވެ އެވެ. 

ބޭންކުން ޑޮލަރު ލިބުން ދަތިވުމުގެ ސަބަބުން ކަޅު ބާޒާރުން 20ރ. އިން މަތިން ޑޮލަރު ގަންނަން ވިޔަފާރިވެރިންނަށް ވަނީ މަޖުބޫރުވެފަ އެވެ. މިކަމުގެ ސަބަބުން ބާޒާރުގައި ތަކެތީގެ އަގު އަންނަނީ އިންތިހާއަށް އުފުލެމުންނެވެ.


ބޭންކަށް ގެއްލުން ލިބޭ ގޮތަށް ބަޔަކު ދޮގު ފަތުރާ ކަމަށް ބުނެ ކޯޓަށް ދާނެކަމުގެ އިންޒާރު ބީއެމްއެލް އިން ދީފި

ބޭންކުން މިހެން ބުނީ އަދަދު ނޫހާ ވާހަކަ ދެއްކި ބައެއް ވިޔަފާރިވެރިންނާއި ރާއްޖެއިން ބޭރުން މުދާ ގެންނަ މީހުންނަށް ބޭރުގެ ބައެއް ތަންތަނަށް ޓީޓީ ހެދުމުގައި ދަތިތަކެއް އުޅޭ ކަމަށް ލިބުނު މައުލޫމާތަކާ ގުޅިގެން ކުރި ސުވާލަކަށް ޖަވާބު ދެމުންނެވެ.

މީގެ ތިން ހަފުތާ ކުރިން ބައެއް ވިޔަފާރިވެރިންނާއި ރާއްޖެއިން ބޭރުން މުދާ ގެންނަ މީހުންނަށް ބޭރުގެ ބައެއް ތަންތަނަށް ޓީޓީ ހެދުމުގައި ދަތިތަކެއް އުޅޭ ކަމަށް ލިބުނު މައުލޫމާތަކާ ގުޅިގެން ބީއެމްއެލްއާ ސުވާލުކުރުމުން އެކަން ދޮގުކޮށް، އެފަދަ ވާހަކަ ދައްކާނަމަ ފިޔަވަޅު އަޅާނެ ކަމުގެ އިންޒާރު އޮތީ ދީފަ އެވެ.

ބީއެމްއެލްގެ ސްޕޯކްސްޕާސަން މުހައްމަދު ސައީދު އޭރު ވިދާޅުވީ  ބީއެމްއެލްއާ ގުޅޭގޮތުން ދޮގު މައުލޫމާތު ފަތުރާ ފަރާތްތަަކާ ދެކޮޅަށް ގެއްލުމުގެ ބަދަލު ހޯދުމުގެ ގޮތުން ދައުވާ ކުރާނެ ކަމަށެވެ. 


ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox