ނޫސްވެރިކަމުގެ ކަމަރު ބަނދެގެން ނުކުތީ ވަރަށް ކެރިގެން، ފަހަތަށް ނުޖެއްސޭނެ: ޝަހުޒާން

ޝަހުޒާން ކޯޓަށް ހާޒިރުކުރުން

ޝަހުޒާން ކޯޓަށް ހާޒިރުކުރުން

ނޫސްވެރިކަމުގެ ކަމަރު ބަނދެގެން ނޫސްވެރިކަމަށް ނުކުތީ ވަރަށް ކެރިގެން ކަމަށާއި އެކަމުގައި ފަހަތަށް ނުޖެއްސޭނެ ކަމަށް ރައީސް މުހައްމަދު މުއިއްޒުއާ ސުވާލެއް ކުރުމުން 15 ދުވަހުގެ ޖަލު ހުކުމެއް ތަންފީޒު ކުރުމަށް ފަހު މިއަދު މިނިވަންވި އަދަދުގެ ނޫސްވެރިޔާ މުހައްމަދު ޝަހުޒާން ބުނެފި އެވެ. 

ޝަހުޒާން ނުހައްގުން ޖަލަށް ލާފައިވަނީ އެ ތުހުމަތުތަކާ ގުޅޭ ސުވާލެއް ކުރުމުން، އެއީ ކޯޓުގެ އަމުރާ ހިލާފުވެ، ކޯޓުގެ ހުރުމަތް ކެނޑޭ ކަމެއް ކަމަށް ނިންމަ އެވެ. ކޯޓުން އަމުރު ނެރުނީ އާދީއްތަ ދުވަހުގެ ރެ އެވެ. ހޯމަ ދުވަހަކީ މުއިއްޒުގެ ނޫސްވެރިންގެ ބައްދަލުވުން ބާއްވާ ދުވަހެވެ.

ޝަހުޒާންގެ ސުވާލުގައި ޑޮކިއުމެންޓްރީގެ ވާހަކަ ގެނެސްފައި ނުވި ނަމަވެސް މުއިއްޒު އަމިއްލައަށް އެ ދުވަހުގެ ނޫސްވެރިންގެ ބައްދަލުވުމުގައި ޝަހުޒާން ކޯޓު އަމުރާ ހިލާފުވެފައިވާ ކަމަށް "ހުކުމް" ކުރެއްވި އެވެ. އަދި ޖެހިގެން އައި ދުވަހު އަވަސް ޝަރީއަތެއް ހިންގައި ދިފާއުވުމުގެ ފުރުސަތު ނުދީ އޭނާގެ މައްޗަށް 15 ދުވަހުގެ ޖަލު ހުކުމެއް އިއްވި އެވެ. 

"އަޅުގަނޑުމެން ފަހަތަކަށް ނުޖެއްސޭނޭ، ތިޔަހެން ޖައްސަވާ ވައި ބަޑިއަކުން އަޅުގަނޑުމެން ފަހަތަކަށް ނުޖެއްސޭނޭ. ތިޔަ އަދި ދުއްވާލެވުނީ ތެޔޮ ހަމެއް،" މިނިވަންވުމަށް ފަހު ވާހަކަ ދައްކަމުން ޝަހުޒާން މުއިއްޒުއަށް އަމާޒުކޮށް ބުންޏެވެ.

ޖަލުގައި ހޭދަކުރި ދުވަސްތަކުގައި ވެސް ކަރެކްޝަނުން މުއިއްޒުގެ އެންގުމަށް ދުއްތުރާ ކުރި ކަމަށް ޝަހުޒާން މިއަދު ކިޔައިދިނެވެ. އެގޮތުން އޭނާ އާއެކު ޖަލަށް 10 ދުވަހަށް ހުކުމް ކުރި އަދަދުގެ ލީވާން އަލީ ނާސިރު އެހެން ގޮޅިއަކަށް ބަދަލުކުރީ ވެސް ސީދާ މުއިއްޒުގެ އެންގުމަސް ކަމަށް ޝަހުޒާން ބުންޏެވެ.
"ދެ މީހުން އެކަހެރިކުރީ ސީދާ އެމަނިކުފާނުގެ އޯޑަރަށް. އޭގެ ފަހުން ކޮންމެ ރެއަކުހެން ޖަލުގެ އޮފިސަރުންގެ ބޮޑެތި ފައުޖުތައް ދަގަނޑު މުގުރާއި، މަރުތޭލާއި، ފުއްކަށި ހިފައިގެން ކޮންމެ ރެއަކު އަޅުގަނޑުގެ ގޮޅިއަށް ވަދެ ނިދަން އޮންނަ އަށްޓާއި ފާރުގެ ތަންތަން ސުންނާފަތި ކުރީ ސީދާ ރައީސް މުއިއްޒު އަންގަވައިގެން،" ޝަހުޒާން ކިޔައިދިނެވެ. 

މޭ 11 ވަނަ ދުވަހު ދެ ނޫސްވެރިން ޖަލަށް ހުކުމްކުރީ އަވަސް އަރުވާލައިގެން ބޭއްވި ސިއްރު އަޑުއެހުމެއްގައި، ގާނޫނީ ގޮތުން ދިފާއުވުމުގެ ހައްގު ނުދީ އެވެ. ވަކީލަކު އައްޔަނު ކުރުމަށް އެ މީހުންނަށް ދިނީ އެންމެ ދެ ގަޑިއިރެވެ.

ހުކުމް އިއްވުމާ އެކު ދެ މީހުން ވެސް މާފުށީ ޖަލަށް ގެންގޮސް ބޭއްވީ އެއް ގޮޅިއެއްގަ އެވެ. ނަމަވެސް ކުއްލިއަކަށް  15 ވަނަ ދުވަހު ލީވާން އެކަހެރިކޮށް، ބޮޑެތި މަރުތަކުގައި ހިމެނޭ މީހުން ތިބޭ ޔުނިޓުގެ ގޮޅިއަކަށް ބަދަލުކުރި އެވެ.

ޖަލު ހުކުމް ތަންފީޒުކޮށް އަދަދުގެ ދެ ނޫސްވެރިން މިނިވަންވެފައިވާއިރު އަންނަ މަހުގެ ތެރޭގައި އަދަދުގެ ސީއީއޯ ހުސައިން ފިޔާޒު މޫސާ އާއި އެޑިޓަރު ހަސަން މުހައްމަދުގެ މައްޗަށް އުފުލާފައިވާ ޖިނާއީ ދައުވާތަކުގެ ޝަރީއަތް ވަނީ ތާވަލުކޮށްފަ އެވެ. 

ސަރުކާރުގެ ޕްރެސް ކޮންފަރެންސްތަކަށް ވަނުން ވެސް އަދަދުގެ ހުރިހާ ނޫސްވެރިންނަށް ވަނީ މަނާކޮށްފަ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox