ލިވަޕޫލް ބަލިކޮށް ވިލާ އިން ޗެމްޕިއަންސް ލީގު ޖާގަ ޔަގީންކޮށްފި

May 16, 2026, 4:52 AM
ވަޓްކިންސް، ލިވަަޕޫލް ކޮޅަށް ލަނޑު ޖެހުމަށް ފަހު އުފާފާޅުކުރަނީ.

ވަޓްކިންސް، ލިވަަޕޫލް ކޮޅަށް ލަނޑު ޖެހުމަށް ފަހު އުފާފާޅުކުރަނީ.

ބާމިންހަމް (މެއި 16) - އިނގިރޭސި ޕްރިމިއާ ލީގުގައި ރޭ ލިވަޕޫލް 4-2 އިން ބަލިކޮށް، އެސްޓަން ވިލާ އިން  އަންނަ ސީޒަނުގެ ޗެމްޕިއަންސް ލީގުގެ ޖާގައެއް ޔަގީންކޮށްފި އެވެ. 

ރޭގެ މޮޅާ އެކު، ވިލާ އިން ވަނީ ލިވަޕޫލް ފަހަތަށް ޖައްސާލައި، ލީގު ތާވަލުގައި ހަތަރަކަށް ޖެހިލައިފި އެވެ. ވިލާ އަށް 37 މެޗުން 62 ޕޮއިންޓް ލިބިފައިވާއިރު، ލިވަޕޫލަށް ވަނީ 37 މެޗުން 59 ޕޮއިންޓް ލިބިފަ އެވެ. 

ވިލާ ޕާކުގައި ރޭ ކުޅުނު މެޗުގައި އެސްޓަން ވިލާ އިން ވަނީ 42 ވަނަ މިނިޓްގައި ލަނޑު ޖަހައި ލީޑުނަގައިފަ އެވެ. މިއީ، އެސްޓަން ވިލާގެ ވާތުބެކް، ލޫކަ ޑީންޏާ ދިން ބޯޅައެއް ކޮންޓްރޯލް ކުރުމަށް ފަހު، އޭރިއާތެރޭގައި ހުރެފައި މޯގަން ރޮޖާސް ގޯލުގެ ދުުރު ކަނަށް ފޮނުވާލައިގެން ޖެހި ގޯލެކެވެ.

ދެ ވަަނަ ހާފުގެ ކުޅުން ފަށައިގެން، ހަތް މިނިޓް ތެރޭ، މެޗުގެ 52 ވަނަ މިނިޓްގައި ލިވަޕޫލުން އެއްވަރުކުރި އެވެ. މިއީ، ޑޮމިނިކް ސޮބޯސްލާއި ހިލޭ ޖެހުމަކުން ނަގައިދިން ބޯޅައަކުން ވާޖިލް ވެން ޑައިކް ބޮލުން ޖެހި ގޯލެކެވެ. އެކަމަކު، ލިވަޕޫލުން އެއްވަަރުކުރިތާ ފަސް މިނިޓް ފަހުން ވިލާ އިން ވަނީ ލީޑުނަގައިފަ އެެވެ. މިއީ، ސޮބޯސްލާއި އަތުން ގެއްލުނު ބޯޅައެއް ހޯދައި، ރޮޖާސް ތަނަވަސްކޮށްދިން ފުރުސަތެއްގައި އޮލީ ވަޓްކިންސް އޭރިއާތެރެއިން ޖެހި ގޯލެކެވެ. 

މެޗުގެ 72 ވަނަ މިނިޓްގައި ލިވަޕޫލް ކޮޅަށް ވިލާ އިން ވަނީ ތިން ވަނަ ލަނޑު ޖަހައި ލީޑުފުޅާކޮށްފަ އެވެ. މިއީ، އޭރިއާތެރެއިން ލިވަޕޫލްގެ ކީޕަރު، ޖިއޮޖީ މަމަޑާޝްވިލީ އަތުގައި ޖެހިފައި ނުކުތް ބޯޅައަކުން ވަޓްކިންސް ޖެހި ގޯލެކެވެ. އަދި،މެޗުގެ ފުރިހަމަ ވަގުތު ހަމަވުމުގެ އެއް މިނިޓް ކުރިން، ވަޓްކިންސް ދިން ބޯޅައަކުން ޖޯން މެކްގިން ވަނީ ވިލާގެ ހަތަރު ވަނަ ލަނޑު ޖަހައިފަ އެވެ. މިއީ، އޭރިއާ ރޮނގުމަތިން ގޯލުގެ މަތީ ކަނަށް ބޯޅަ ފޮނުވާލައިގެން ޖެހި ގޯލެކެވެ. 

ލިވަޕޫލުން ވަނީ މެޗުގެ އިތުރު ވަގުތުގައި ދެ ވަނަ ގޯލެއް ޖަހައިފަ އެވެ. މިއީ، ސޮބޯސްލާއި ނެގި ހުރަހަކުން ވެން ޑައިކް ޖެހި ގޯލެކެވެ. 

މި ނަތީޖާއާ އެކު، ލިވަޕޫލް މި ވަނީ މި ސީޒަނުގެ ހުރިހާ މުބާރާތެއްގައި 20 މެޗުން ބަލިވެފަ އެވެ. މިއީ، 21 ވަނަ ގަރުނު ތެރޭގައި ލިވަޕޫލުން އެންމެ ގިނަ މެޗުން ބަލިވި ސީޒަނެވެ. މި ގަރުނުގައި މީގެ ކުރިން ލިވަަޕޫލް އެންމެ ގިނަ މެޗުން ބަލިވީ 2024/25 އާއި 2009/10 ވަނަ ސީޒަނުގަ އެވެ. އެ ދެ ފަހަރު ވެސް އެ ޓީމުގެ ކޯޗަކަށް ހުރީ ރަފައެލް ބެނިޓޭޒް އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox