ހަ އަހަރު ތެރޭ ފުރަތަމަ ފަހަރަށް ބަޔާން ޖަރުމަނު ކަޕް ފައިނަލަށް

Apr 23, 2026, 10:17 AM
ލެވަކޫސަން ކޮޅަށް ލަނޑު ޖެހުމަށް ފަހު ލުއިސް ޑިއާޒް އުފާފާޅުކުރަނީ.

ލެވަކޫސަން ކޮޅަށް ލަނޑު ޖެހުމަށް ފަހު ލުއިސް ޑިއާޒް އުފާފާޅުކުރަނީ.

ލެވަކޫސަން (އޭޕްރިލް 23) - ޖަރުމަަނު ކަޕް ސެމީ ފައިނަަލުގައި ރޭ ބަޔާ ލެވަކޫސަން 2-0 އިން ބަލިކޮށް، ހަ އަހަރު ތެރޭ މުބާރާތުގެ ފައިނަލުން ފުރަތަމަ ފަަހަރަށް ބަޔާން މިއުނިކުން ޖާގަ ހޯދައިފި އެވެ. 

ބަޔާނުން އެންމެ ފަހުން ޖަރުމަނު ކަޕް ފައިނަލުގައި ކުޅެފައިވަނީ، 2020 ވަނަ އަހަރު އެވެ. މިދިޔަ އަހަރުތަކުގައި ލީގުގައި އެ ޓީމުން ތަފާތު ދެއްކި ނަމަވެސް ކަޕްގައި އެންމެ އެކަށޭނެ ނަތީޖާތަކެއް ނެރެވިފައިނުވެ އެވެ. ބަޔާނުން ދާދި ފަހުން ވަނީ ބާކީ ހަތަރު މެޗު އޮއްވައި، ޖަރުމަނު ލީގު ޗެމްޕިއަންކަން ކަށަވަރުކޮށްފަ އެވެ. 

ލެވަކޫސަން ދަނޑުގައި ރޭ ކުޅުނު މެޗުގައި ބަޔާނުން މެޗު ފެށިގެން ދިޔައީ ލެވަކޫސަނަށް ޕްރެޝަރު ބޮޑުކުރަމުންނެވެ. އެ ގޮތުން، ބަޔާނުން ލަނޑެއް ޖަހަން ކުރި މަސައްކަތް ކާމިޔާބުުރީ މެޗުގެ 22 ވަނަ މިނިޓް ގަ އެވެ. މިއީ، ބަޔާންގެ މައިކަލް އޮލީސޭ އާއި ޖަމާލް މުސިއާލާ ގުޅިގެން ކުރި އެޓޭކެއްގައި އޭރިއާތެރެއަށް ނަގައިދިން ބޯޅައަކުން ކޭން ޖެހި ގޯލެކެވެ. މިއީ މި ފަހަރުގެ ޖަރުމަނު ކަޕްގައި ކޭން ޖެހި ހަތް ވަނަ ގޯލެވެ. މިއީ، މުޅި ސީޒަނުގެ ހުރިހާ މުބާރާތަަކަށް ބަލާއިރު ކޭންގެ 52 ވަނަ ލަނޑެކެވެ. 

ލެވަކޫސަނުން އެޓޭކްތަކެއް ކޮށް ނަތީޖާ ހަމަހަމަކުރެވޭތޯ މަސައްކަތްތަކެއް ކުރި އެވެ. އެ ގޮތުން، ރޮބަޓް އަންޑްރިޗް އާއި ނޭތަން ޓެލާ އަށް ލިބުނު ފުރުސަތުތަކުގަައި ބަޔާންގެ ގޯލްކީޕަރު، މެނުއަލް ނޯޔާ ކައިރިން ގޯލަށް ފޮނުވާލެވޭ ގޮތެއްނުވި އެވެ. އަދި، ލެވަކޫސަންގެ ފޯވާޑް، ޕެޓްރިކް ޝިކް އަށް ލިބުނު ފުރުސަތުގައި ވެސް ގޯލަށް ޖެހޭގޮތެއްނުވި އެވެ. 

އިތުރު ވަގުތުގެ ތެރޭގައި ބަޔާންގެ ދެ ވަނަ ލަނޑު ޖެހީ ލެއޯން ގޮރެޓްޒްކާ ދިން ބޯޅައަކުން ލުއިސް ޑިއާޒް އެެވެ. 

އަންނަ މަހުގެ 23 ވަނަ ދުވަހު ބާލިންގެ އޮލިމްޕިކް ސްޓޭޑިއަމްގައި ކުޅޭ ފައިނަލުގައި ބަޔާންއާ ދެކޮޅަށް ކުޅޭ ޓީމެއް އެނގޭނީ މިރޭ ކުޅޭ ދެ ވަނަ ސެމީ ފައިނަލަށް ފަހު އެވެ. ދެ ވަނަ ސެމީ ފައިނަލުގައި، ސްޓުޓްގާޓުން އަމިއްލަ ދަނޑުަގައި ކުޅޭނީ ފްރައިބާގާ އެވެ.

އެންމެ ފަހުގެ ޗެމްޕިއަނަކީ، ސްޓުޓްގާޓް އެވެ. މި މުބާރާތް އެންމެ ގިނަ ފަހަރު ހޯދުމުގެ ރެކޯޑް އޮތީ 20 ފަހަރު ތަށި އުފުލާލި ބަޔާން އަތުގަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox