ޕެންޝަން އޮފީހުން ދައުލަތުގައި އިންވެސްޓުކޮށްފައި ބާކީ ހުރި 20 ބިލިއަން ވެސް ޗާޕުކުރާނެ: ޝަމްހީދު

Feb 4, 2026, 12:18 PM
ހުޅުމާލެ ދެކުނު ދާއިރާގެ މެންބަރު އަހުމަދު ޝަމްހީދު: އޭނާ ވަނީ ސަރުކާރުގެ އިގުތިސޯދީ ސިޔާސަތު ފެއިލްވެފައިވާ ކަމަށް ވިދާޅުވެފައި --- ފޮޓޯ: ރައްޔިތުންގެ މަޖިލިސް

ހުޅުމާލެ ދެކުނު ދާއިރާގެ މެންބަރު އަހުމަދު ޝަމްހީދު: އޭނާ ވަނީ ސަރުކާރުގެ އިގުތިސޯދީ ސިޔާސަތު ފެއިލްވެފައިވާ ކަމަށް ވިދާޅުވެފައި --- ފޮޓޯ: ރައްޔިތުންގެ މަޖިލިސް

ޕެންޝަން އޮފީހުން ދައުލަތުގެ ސެކިއުރިޓީތަކުގައި އިންވެސްޓުކޮށްފައި ހުރި ފައިސާގެ ތެރެއިން ބާކީ ހުރި 22 ބިިލިއަން ރުފިޔާ ވެސް ޗާޕުކުރާނެ ކަމަށް ރައްޔިތުންގެ މަޖިލީހުގެ ހުޅުމާލެ ދެކުނު ދާއިރާގެ މެމްބަރު އަހުމަދު ޝަމްހީދު މިއަދު ވިދާޅުވެއްޖެ އެވެ.

މަޖިލިސް މި އަހަރަށް ހުޅުވާ ޖަލްސާ އާއި އެ ޖަލްސާގައި އިއްވާ ރިޔާސީ ބަޔާނާ ގުޅިގެން އެމްޑީޕީން ބޭއްވި ނޫސްވެރިންގެ ބައްދަލުވުމެއްގައި ޝަމްހީދު ވިދާޅުވީ، ޕެންޝަން އޮފީހުން އިސްތިއުފާ ދިން ގިނަ ބޭފުޅުން އިސްތިއުފާ ދިނީ ވެސް، ބާކީ ހުރި ފައިސާ ޗާޕު ނުކުރާނެ ކަމުގެ ޔަގީންކަން ސަރުކާރަށް ނުދެވުމުން ކަމަށެވެ.

"އެ މީހުންގެ އެންމެ ބޮޑު ކަންބޮޑުވުމަކަށްވީ 2.4 ބިލިއަން މި ފަހަރު ޗާޕުކުރަނީއޭ. ބާކީ އޮތް 20 ބިލިއަނަށް ކިހިނެއްހޭ ވާނީ، އެ ވެސް ޗާޕުކުރާނީހޭ. ހަގީގަތުގައި އެއަށް ސަރުކާރުން ގެރެންޓީއެއް ނުދިނީމަ، ގިނަ ބޭފުޅުން އިސްތިއުފާ ދިން ކަމަށް އަޅުގަނޑަށް މައުލޫމާތު ލިބިފަ ވަނީ،" އޭނާ ވިދާޅުވި އެވެ.

Advertisement

"އެހެންމަ މުސްތަގުބަލުގައި ވެސް މި ފައިސާ ޗާޕުކުރުން ކުރިއަށް ދާނެ ކަމަށް އަޅުގަނޑު ގަބޫލުކުރަނީ."

ޝަމްހީދު ވިދާޅުވި ގޮތުގައި ސަރުކާރުން ގެންދަނީ ދެ އުކުޅެއް ބޭނުންކޮށްގެން ސަރުކާރުން ފައިސާ ޗާޕުކުރަމުންނެވެ. އެއް ގޮތަކީ ޕެންޝަން އޮފީސް މެދުވެރިކޮށެވެ. އަނެއް ގޮތަކީ، ބީއެމްއެލްއިން ފައިނޭންސް ކުރާ ގޮތަށް އަމިއްލަ ކުންފުނިތަކާ ސަރުކާރުގެ ޕްރޮޖެކްޓުތައް ހަވާލުކުރުމެވެ.

މި މުއާމަލާތުގައި އަމިއްލަ ކުންފުނިތައް ބައިވެރިކުރަނީ ބީއެމްއެލްއިން ސަރުކާރަށް ދެވޭ ފައިސާގެ ލިމިޓު (ސިންގަލް ޕާޓީ އެކްސްޕޯޝާ) ހަމަވެފައި ވާތީ ކަމަށް ޝަމްހީދު ވިދާޅުވި އެވެ. މި ފަހުން އަމިއްލަ ކުންފުނިތަކާ ހަވާލުކުރި 2.4 ބިލިއަން ރުފިޔާގެ ޕްރޮޖެކްޓުތައް އެ ގޮތަށް ހަވާލުކުރީ ސަރުކާރަށް އެ ފައިސާ ނެގެން ނެތިގެން ކަމަށް ވެސް އޭނާ ވިދާޅުވި އެވެ.

ސަރުކާރުގެ މި އަމަލުތަކާ ގުޅިގެން، ރައްޔިތުންނަށް ވެފައިވާ އެންމެ ބޮޑު އެއް ވައުދު އަދި ނިމުނު ދެ ރިޔާސީ ބަޔާނުގައި ރައީސް މުހައްމަދު މުއިއްޒު ވިދާޅުވި ގޮތަށް، ފައިސާ ޗާޕުކުރުމުގެ ވައުދާ ހިލާފުވެފައިވާ ކަމަށް ޝަމްހީދު ތުހުމަތުކުރެއްވި އެވެ.

ފައިސާ ޗާޕުކުރުމުގެ ވައުދާ ހިލާފުވުމުގެ އިތުރުން، އިގުތިސޯދީ އަދި މާލީ އެހެން ކަންކަމަށް ބެލި ނަމަވެސް ސަރުކާރު ވަރަށް ބޮޑަށް ފެއިލްވެފައިވާ ކަމަށް ޝަމްހީދު ވިދާޅުވި އެވެ.

އެ ގޮތުން ހަތް ޕަސެންޓުން މަތީގައި ބަހައްޓާނެ ކަަމަށް ބުނި އިގުތިސޯދީ ކުރިއެރުން މަޑުޖެހުމާއި ޖީޑީޕީގެ ނިސްބަތުން 115 ޕަސެންޓުގައި ހުރި ދަރަނި ކުޑަކުރާނެ ކަަމަށް ބުނުމަށް ފަހު 136 ޕަސެންޓުން މައްޗަށް ދަރަނި އަރުވާލުމާއި ރިފޯމް ކުރާނެ ކަމަށް ބުނި ސަރުކާރު ކުންފުނިތަކުގެ ހާލަތު ގޯހުންގޯހަށް ދިޔުން ޝަމްހީދު ފާހަގަކުރެއްވި އެވެ.

އޭގެ އިތުރުން ޑޮލަރު މައްސަލައަށް އެއްވެސް ހައްލެއް ނާންނަ ކަމަށް ވެސް ޝަމްހީދު ވިދާޅުވި އެވެ. އަދި ސަރުކާރަށް ކުރީ އަހަރަށް ވުރެ އިތުރަށް 400 މިލިއަން ޑޮލަރަށް ވުރެ ގިނަ ފައިސާ ލިބުނުއިރު، މި ފައިސާއަކީ ދަރަނި ދައްކަން ލިބުނު ފައިސަ ކަމަށް ވެސް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox