އާމްދަނީއަށް ނުވަ ބިލިއަން ލިބުނުއިރު ބަޖެޓު ސާޕްލަސްގައި ދެ ބިލިއަން ރުފިޔާ

Mar 27, 2026, 2:34 PM
ފިނޭންސް މިނިސްޓްރީ ހުންނަ އިމާރާތް: އިރާން ހަނގުރާމައާ ހެދި މާލީ ގޮންޖެހުންތައް އަންނަނީ އިތުރުވަމުން --- ފޮޓޯ: އަދަދު

ފިނޭންސް މިނިސްޓްރީ ހުންނަ އިމާރާތް: އިރާން ހަނގުރާމައާ ހެދި މާލީ ގޮންޖެހުންތައް އަންނަނީ އިތުރުވަމުން --- ފޮޓޯ: އަދަދު

މި އަހަރުގެ ފުރަތަމަ ދިހަ ހަފުތާގެ ތެރޭގައި ދައުލަތަށް އާމްދަނީގެ ގޮތުގައި 9.3 ބިލިއަން ރުފިޔާ ލިބުނުއިރު، ހަރަދު ކުރީ 7.2 ބިލިއަން ރުފިޔާ ކަމަށް ފިނޭންސް މިނިސްޓްރީން އާންމުކޮށްފައިވާ މާލީ ތަފާސްހިސާބުތަކުން ދައްކައިފި އެވެ.

ފިނޭންސުން އާންމުކޮށްފައިވާ އެންމެ ފަހުގެ ވީކްލީ ފިސްކަލް ޑިވެލޮޕްމަންޓް ރިޕޯޓުގައިވާ ގޮތުގައި، އާމްދަނީ އާއި ހަރަދުގެ ފަރަގާ އެކީ ބަޖެޓުގެ އޯވަރޯލް ސާޕްލަސް ހުރީ 2.1 ބިލިއަން ރުފިޔާގަ އެވެ. އަދި، ފައިނޭންސިން އާއި އިންޓްރެސްޓު ހަރަދުތައް ނުލައި ޕްރައިމަރީ ބެލެންސް ހުރި 2.6 ބިލިއަން ރުފިޔާގަ އެވެ.

ސަރުކާރަށް މިހާތަނަށް ލިބުނު އާމްދަނީގެ ތެރޭގައި ހިމެނެނީ ޓެކްސްތަކުން ލިބުނު 7.7 ބިލިއަން ރުފިޔާ އާއި ޓެކްސް ނޫން އާމްދަނީގެ ގޮތުގައި ލިބުނު 1.5 ބިލިއަން ރުފިޔާ އެވެ.

ސަރުކާރުން ކުރި ހަރަދުގެ ތެރެއިން އެންމެ ގިނަ ފައިސާ މިހާތަނަށް ހަރަދުކޮށްފައި ވަނީ ސަރުކާރުގެ އިދާރީ އަދި ހިންގުމުގެ ހަރަދުތަކަށެވެ. މިހެން ނަމަވެސް އަހަރުންއަހަރަށް އަޅައިބަލާއިރު މި ހަރަދުތައް ވަނީ 4.7 ބިލިއަން ރުފިޔާއިން 3.8 ބިލިއަން ރުފިޔާއަށް ތިރިވެފަ އެވެ.

މި ފަރަގުގެ މައިގަނޑު ސަބަބަކީ ފައިނޭންސިން އަދި އިންޓްރެސްޓް ހަރަދުތައް ވަރަށް ބޮޑަށް ތިރިވެފައިވާތީ އެވެ. މިދިޔަ އަހަރުގެ ފުރަތަމަ 10 ހަފުތާގެ ތެރޭގައި މިކަމަށް 1.4 ބިލިއަން ރުފިޔާ ހަރަދުކުރިއިރު މި އަހަރު ހަރަދުކުރީ 577 މިލިއަން ރުފިޔާ އެވެ.

ހިންގުމުގެ ހަރަދުތައް ތިރިކުރެވުނު ނަމަވެސް، މުސާރަ ދިނުމުގެ ހަރަދު ކުރީ އަހަރަށް ވުރެ އިތުރެވެ. މި އަހަރުގެ މިހާތަނަށް މުސާރަ ދޭން 2.7 ބިލިއަން ރުފިޔާ ހަރަދު ކުރި އިރު ފިނޭންސުން ބުނީ މި ހަރަދު ކުރީ އަހަރަށް ވުރެ އިތުރުވީ މުސާރަތައް ހަމަހަމަކުރުމުގެ (ޕޭ ހާމަނައިޒޭޝަންގެ) ސިޔާސަތު ތަންފީޒުކުރަމުން ދާތީ ކަމަށެވެ.

ފުރަތަމަ ދިހަ ހަފުތާ ބޮޑު ސާޕްލަސްއެއްގައި ނިންމާލި ނަމަވެސް، މެދުއިރުމަތީގައި ހިނގަމުންދާ ހަނގުރާމައާ ގުޅިގެން ދައުލަތަށް މާލީ ގޮތުން ގިނަ ގޮންޖެހުންތަކަކާ ވަނީ ކުރިމަތިލާން ޖެހިފަ އެވެ. އެ ގޮތުން ހަރަދު ކުޑަކޮށް، ބަޖެޓު ފައިނޭންސް ކުރެވޭނެ އެހެން ގޮތްތަކެއް ހޯދަން ވަނީ މަޖުބޫރުވެފަ އެވެ.

ސަރުކާރުން ބުނާ ގޮތުގައި ކުރިއަށް އޮތް ދުވަސްތަކުގެ ތެރޭގައި ހަރަދު ކުޑަކުރުމުގެ ޕްލޭނެއް ރައީސް މުހައްމަދު މުއިއްޒަށް ހުށަހަޅައިގެން، އެ މަސައްކަތް ކުރާނެ ކަމަށެވެ.

މި އަހަރަށް ފާސްކޮށްފައި ވަނީ 64 ބިލިއަން ރުފިޔާގެ ބަޖެޓެކެވެ. އަދި، ސަރުކާރަށް އާމްދަނީގެ ގޮތުގައި ލިބޭނެ ކަމަށް އަންދާޒާ ކުރަނީ 40 ބިލިއަން ރުފިޔާ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox