ސިންހާނިއާގެ ލޯންޗުގައި ތިބި މީހުން ފުރީ ބޭސް ފަރުވާއަަށް ކަމަށް ފުލުހުން ބުނެފި

ގޯތަމް ސިންހާނިއާގެ ސިނގިރޭޓު ރޭސިން ބޯޓު: މިއީ 80 ނޮޓަށް ވުރެ ބާރަށް ދުވާ ލޯންޗުތަކެއް --- ފޮޓޯ: އަދަދު

ގޯތަމް ސިންހާނިއާގެ ސިނގިރޭޓު ރޭސިން ބޯޓު: މިއީ 80 ނޮޓަށް ވުރެ ބާރަށް ދުވާ ލޯންޗުތަކެއް --- ފޮޓޯ: އަދަދު

އިންޑިއާގެ ބިލިއަނަރު ގޯތަމް ސިންހާނިއާގެ ލޯންޗު އެކްސިޑެންޓު ހާދިސާގެ ތަހުގީގު ނުނިމެނީސް އޭނާ ފުރައިގެން ދާން ހުއްދަ ދިން މައްސަލައިގައި ފާޑުކިޔުން އަމާޒުވަމުން ދަނިކޮށް، އެ ހާދިސާގައި އަނިޔާވި ތިން މީހަކު އިންޑިއާއަށް ފުރީ ބޭސް ފަރުވާއަށް ފުލުހުން މިއަދު ބުނެފި އެވެ.

ލޯންޗު އެކްސިޑެންޓު ހާދިސާއާ ގުޅިގެން ނެރުނު ނޫސް ބަޔާނެއްގައި ފުލުހުން ވަނީ ފުރައިގެން ދިޔަ މީހުންގެ ތެރޭގައި ހިމެނެނީ އިންޑިއާ ނިސްބަތްވާ ދެ ފިރިހެނުންނާއި އިނގިރޭސިވިލާތަށް ނިސްބަތްވާ އަންހެނެއް ކަމަށެވެ.

މި ތިން މީހުންގެ ތެރެއިން އިންޑިއާއަށް ނިސްބަތްވާ އެކަަކާއި އިނގިރޭސިވިލާތަށް ނިސްބަތްވާ އަންހެން މީހާ ފުރީ އިއްޔެ ކަމަށް ފުލުހުން ބުންޏެވެ. ފުލުހުންގެ ނޫސް ބަޔާނުގައި އެއްވެސް މީހެއްގެ ނަން ބަޔާންކޮށްފައި ނެތް ނަމަވެސް، އިއްޔެ ފުރައިގެން ދިޔަ އިންޑިއާގެ މީހަކީ ގޯތަމް ކަމަށް އަދަދު އިން ވާނީ ކުރިން ވެސް ރިޕޯޓުކޮށްފަ އެވެ.

Advertisement

ފުލުހުން ބުނީ މިއަދު ފުރައިގެން ދިޔަ އިންޑިއާ މީހާގެ އަތެއް ބުރިވެ، ސީރިއަސް އަނިޔާތަކެއް ލިބިފައިވާ ކަމަށެވެ. މި ވަގުތު ރާއްޖޭގައި ފަރުވާ ހޯދަމުން އަންނަ ދެ މީހުންނަށް ފަރުވާ ދެމުން އަންނަނީ ޓްރީޓޮޕް ހޮސްޕިޓަލުގައި ކަމަށް ފުލުހުން ބުންޏެވެ.

ފުރައިގެން ދިޔައީ ބޭސް ފަރުވާއަށް ކަމަށް ފުލުހުން ކަށަވަރު ކޮށްދިން ނަމަވެސް ލޯންޗު ދުއްވަން ހުރި ކަމަށް މައުލޫމާތު ލިބިފައިވާ ގޯތަމް ފުރީ ފުލުހުން ހުއްދަ ދިން ފަހުންތޯ ނޫނީ އޭގެ ކުރިންތޯ ކަށަވަރެއް ނުވެ އެވެ.

މި ސުވާލު އުފެދުނީ ގޯތަމް ފުރިކަން ފުލުހުންނަށް އެނގުނީ މާ ފަހުން ކަމަށް މި ނޫހަށް މައުލޫމާތު ލިބިފަައިވާތީ އެވެ. މިކަން ކަށަވަރުކުރަން ފުލުހުންނާ ސުވާލުކުރި ނަމަވެސް އަދި އެ މައުލޫމާތެއް ނުލިބެ އެވެ.

ބުރާސްފަތި ދުވަހު ވ. ކެޔޮދޫ ކައިރިން ހިނގި މި ނުރައްކާތެރި ހާދިސާ ހިނގަން މެދުވެރިވީ ގޮތުގެ މާ ގިނަ ތަފުސީލުތަކެއް ނުލިބުނު ނަމަވެސް މައުލޫމާތު ލިބިފައިވާ ގޮތުގައި ހާދިސާ ހިނގި ވަގުތު ލޯންޗު ދުއްވަން ހުރީ ގޯތަމް އެވެ.

ގޯތަމް ދުއްވަން ހުރި ސިނގިރޭޓު ރޭސިން މަރުކާގެ ލޯންޗުތަކަކީ ކަނޑު އުޅަނދުފަހަރުގެ ތެރެއިން އެންމެ ބާރަށް ދުވާ އުޅަނދުތަކުގެ ތެރޭގައި ހިމެނޭ ލޯންޗެކެވެ. މީގެ އެންމެ ބާރަށް ދުވާ މޮޑެލްތަކުގެ ގަޑިއިރަކު 100 ނޯޓިކަލް މޭލު (189 ކިލޯމީޓަރު) ދުވާ ލޯންޗުތައް ވެސް ހުރެ އެވެ.

މި ލޯންޗު ބަންޑުންޖަހާލި ވަގުތު އެ އުޅަނދުގައި ހަތް މީހުން ތިއްބެވެ. އެއީ ގޯތަމް އާއި އިންޑިއާއަށް ނިސްބަތްވާ ހަތަރު ފިރިހެނުންނާއި އިނގިރޭސިވިލާތަށް ނިސްބަތްވާ އަންހެން މީހާ އާއި ރަޝިއާއަށް ނިސްބަތްވާ އަންހެނެކެވެ. މި ހާދިސާގައި ގެއްލިގެން ހޯދަމުން އިންޑިއާ ދެ ފިރިހެނުންނެވެ.

މި މީހުން ހޯދުމުގެ މަސައްކަތް އަދިވެސް ދަނީ ކުރިއަށެވެ. އެމްއެންޑީއެފްއިން އެންމެ ފަހުން ހިއްސާކުރި މައުލޫމާތުގައި ބުނީ ގެއްލުނު މީހުން ފެނޭތޯ ކަނޑުމަގުން 3450 ނޯޓިކަލް މޭލުގެ ސަރަހައްދަކާއި ކަނޑުއަޑިން ފީނައިގެން 7،000 ސްކޮޔާ މީޓަރުގެ ސަރަހައްދެއް ބަލާފައިވާ ކަމަށެވެ.

ލޯންޗު ހާދިސާއާ ގުޅިގެން ގޯތަމްގެ ތަރުޖަމާނު ނެރުނު ބަޔާނެއްގައި ވެސް ބުނެފައިވަނީ، އެކްސިޑެންޓެއްގައި އޭނާއަށް ކުދިކުދި އަނިޔާތަކެއް ލިބިފައިވާ ކަމަށާއި މިހާރު އޭނާ މުމްބާއީގައި ފަރުވާ ހޯދަމުންދާ ކަމަށެވެ. އޭނާގެ ހާލު ރަނގަޅު ވަމުން އަންނަ ކަމަށް ވެސް ބަޔާނުގައި ބުނެފައިވެ އެވެ.

ގާތްގަނޑަކަށް 1.4 ބިލިއަން ޑޮލަރުގެ މިލްކިއްޔާތެއް އޮންނަ ގޯތަމް އަކީ ބާރު ސްޕީޑުގައި ދުއްވާ ކާރާއި ލޯންޗު ފަދަ ތަކެއްޗަށް ލޯބިކުރާ މީހެއްގެ ގޮތުގައި މަޝްހޫރުވެފައިވާ މީހެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox