ބޮޑެތި ޑްރަގު ނެޓުވޯކުތަކުގައި ސިޔާސީ މުވައްޒަފުން!

Jan 13, 2026, 5:41 AM
ސްޕޯޓްސް މިނިސްޓްރީގެ އަލީ ނަދީމް (ކ) އާއި އަހްމަދު އަނާމް އިބްރާހިމް (ވ): މަސްތުވާތަކެތީގެ ވިޔަފާރިކޮށް، ހޯދާ ފައިސާ ލޯންޑާ ބޮޑުންގެ ގޮތުގައި ހައްޔަރުކުރި ދެ ސިޔާސީ މުވައްޒަފުން

ސްޕޯޓްސް މިނިސްޓްރީގެ އަލީ ނަދީމް (ކ) އާއި އަހްމަދު އަނާމް އިބްރާހިމް (ވ): މަސްތުވާތަކެތީގެ ވިޔަފާރިކޮށް، ހޯދާ ފައިސާ ލޯންޑާ ބޮޑުންގެ ގޮތުގައި ހައްޔަރުކުރި ދެ ސިޔާސީ މުވައްޒަފުން

ދިވެހިރާއްޖެއަށް މަސްތުވާތަކެތި އެތެރެކޮށް އެތަކެތީގެ ވިޔަފާރިކޮށްގެން ހޯދާ ފައިސާ ލޯންޑާކުރާ ނެޓްވޯކްތައް ހުއްޓުވުމަށް ފުލުހުން ހިންގާ "އޮޕަރޭޝަން އަލިމަގު" ގައި މިހާތަނަށް ދެ ނެޓްވޯކެއްގެ ބޮޑުން ހައްޔަރުކުރިއިރު އޭގެ ތެރޭގައި ސިޔާސީ މުވައްޒަފުން ހިމެނިއްޖެ އެވެ.

އައްޑޫ ސިޓީގައި މިދިޔަ މަހު 3، ގައި ފުލުހުން ހިންގި އޮޕަރޭޝަންގައި އެ ސިޓީގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކޮށް، ހޯދާ ފައިސާ ލޯންޑާކުރާ ކަމުގެ ތުހުމަތުގައި ހައްޔަރުކުރި ފަސް މީހުންގެ ތެރޭގައި ސްޕޯޓްސް މިނިސްޓްރީގެ ސީނިއާ ޕޮލިޓިކަލް ޑިރެކްޓަރު އަލީ ނަދީމް ހިމެނެ އެވެ.

އަދަދު އަށް އެނގިފައިވާ ގޮތުގައި އެ ނެޓްވޯކްގައި އެންމެ އިސްކޮށް ހަރަކާތްތެރިވާ މީހަކަށް ވެސް ފުލުހުންނަށް ތުހުމަތުކުރެވެނީ ނަދީމް އެވެ. އޭނާއަކީ މި ސަރުކާރު ވެރިކަމަށް ގެނައުމަށް ބުރަ މަސައްކަތް ކުރި މީހެއްކަމުން އޭނާއަށް އެ މަގާމު ދިނީ އެވެ.

ނަދީމްއަށް ސީނިއާ ޕޮލިޓިކަލް ޑިރެކްޓަރުގެ މަގާމު ދިން ފަހުން މާރާމާރީއެއްގެ މަައްސަލައެއްގައި އެނާ ހައްޔަރުކުރި އެވެ. އެ މައްސަލައިގައި ނަދީމް ދޫކޮށް މަސްތުވާތަކެތީގެ މައްސަލައިގައި އޭނާ ހައްޔަރުކުރުމާ ހަމައަށް ވެސް މަގާމުން ވަކިކޮށްފައި ނުވެ އެވެ.

ފުލުހުން ތުހުމަތުކުރާ ގޮތުގައި ނަދީމް ހިމެނޭ ޑްރަގް ނެޓްވޯކުން 2017 އިން ފެށިގެން މަސްތުވާތަކެތީގެ ވިޔަފާރިކޮށް، ހޯދާ ފައިސާ ލޯންޑާކުރަމުންނެވެ.

އެ ނެޓްވޯކްގެ މައްސަލަ މިދިޔަ އަހަރުގެ މާޗު މަހުން ފެށިގެން ފުލުހުން ބަލަން ފަށާފައިވާއިރު، ފާއިތުވެދިޔަ ފަސް އަހަރު ތެރޭގައި އެ ނެޓްވޯކްގައި ހިމެނޭ ހަތަރު މީހެއްގެ އެކައުންޓުގައި 19 މިލިއަނައަށްވުރެ ގިނަ ރުފިޔާ ދައުރުކޮށްފައިވާ ކަމަށް ފުލުހުން ބުންޏެވެ.

އޮޕަރޭޝަން އަލިމަގުގެ ދަށުން ގއ. އަތޮޅުގައި ފުޅާ ދާއިރާއެއްގައި މަސްތުވާތަކެތި ވިޔަފާރިކޮށް، ހޯދާ ފައިސާ ލޯންޑާ ކުރާ ނެޓްވޯކެއްގެ ބޮޑުން ކަމަށް ތުހުމަތުކޮށް ހައްޔަރުކުރި ހަތަރު މީހުންގެ ތެރޭގައި އިކޮނޮމިކް މިނިސްޓްރީގެ ސީނިއާ ޕޮލިޓިކަލް ޑިރެކްޓަރު އަހްމަދު އަނާމް އިބްރާހިމް އެވެ.

އެ ނެޓްވޯކްގައި ހިމެނޭ އަހްމަދު މަދީހު ވަނީ ގއ. ވިލިނގިލީގެ ޕީއެންސީ ޒުވާނުންގެ ރައީސްގެ މަގާމަށް ވާދަކޮށް ނާކާމިޔާބުވެފަ އެވެ. އޭނާ ވަނީ މި ސަރުކާރުގައި އާރްޑީސީ ގއ. ވިލިނގިލި ބްރާންޗުގެ ސީނިއާ ސައިޓް މެނޭޖަރުގެ މަގާމު ވެސް އަދާކޮށްފަ އެވެ.

ފުލުހުން ބުނީ 2015 އިން ފެށިގެން މަސްތުވާތަކެތި ވިޔަފާރިކޮށް، ހޯދާ ފައިސާ ލޯންޑާކުރާ އެ ނެޓްވޯކްގައި ހިމެނޭ ހަތަރު މީހުންގެ އެކައުންޓުގައި މިދިޔަ ފަސް އަހަރު ތެރޭގައި 300 މިލިއަނަށްވުރެ ގިނަ ދިވެހި ރުފިޔާ އަދި ހަތަރު ލައްކައަށްވުރެ ގިނަ އެމެރިކާ ޑޮލަރު ދައުރުކޮށްފައިވާ ކަމަށެވެ.

މިގޮތުން އަނާމްގެ އެކައުންޓުގައި 38.8 މިލިއަން ރުފިޔާ ދައުރުވެފައިވާއިރު، އޭނާގެ މުސާރައިގެ ގޮތުގައި ޖަމާވެފައިވަނީ 271،874.32ރ. ކަމަށް ފުލުހުން ބުންޏެވެ. އެ މުއައްސަސާއިން ބުނީ މަދީހުގެ އެކައުންޓުން 17.1 މިލިއަން ރުފިޔާ ދައުރުވެފައިވާއިރު، މުސާރައިގެ ގޮތުގައި ލިބިފައިވަނީ 430,638.99ރ. ކަމަށެވެ.

މިގޮތުން ފުލުހުން ދެ ނެޓްވޯކަކަށް އަމާޒުކޮށް ހިންގި އޮޕަރޭޝަނުގައި ހައްޔަރުކުރި މީހުންގެ ތެރޭގައި ދެ ސިޔާސީ މުވައްޒަފުން ހިމެނެ އެވެ. އެ ދެ ސިޔާސީ މުވައްޒަފުންނަކީ ކޮންމެ ނެޓްވޯކެއްގެ ވެސް އެންމެ އިސް މީހާ ކަމަށް ވަނީ ބެލެވިފަ އެވެ.

މި ސަރުކާރު ވެރިކަމަށް ގެނައުމަށް މަސްތުވާތަކެތި ވިޔަފާރިކުރާ އެކި ގްރޫޕްތަކުން ފަންޑުކޮށް ގިނަ މަސައްކަތްތަކެއް ކޮށްފައިވާ ކަމަށް ތުހުމަތުތައް އޮތީ މާކުރިން ވެސް އަމާޒުވެފަ އެވެ. އެ ތުހުމަތުތައް އަމާޒުވެފައިވަނިކޮށް މި ސަރުކާރު ވެރިކަމަށް އައުމަށްފަހު އެ މީހުންނަށް ސިޔާސީ މަގާމުތައް ވެސް ދިނެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox