ބަޔޯމެޓްރިކްސް ދިން ބިދޭސީންނަށް ވޯކް ޕާމިޓެއް ހޯދަން ތިން މަސް، އެއަށް ފަހު "މާސް ޑިޕޯޓޭޝަން" ކެމްޕެއިނެއް

ސިނާމާލޭ ބްރިޖުގެ މަރާމާތުގެ މަސައްކަތުގައި މަސައްކަތްތެރިންތަކެއް: ކޮންސްޓްރަކްޝަނާއި ޓޫރިޒަމާއި ސިނާއީ މަސައްކަތްތަކުގައި ގިނައިން އުޅެނީ ބިދޭސީން --- ފޮޓޯ: މިރާޝް ނާޝިމް/އަދަދު

ސިނާމާލޭ ބްރިޖުގެ މަރާމާތުގެ މަސައްކަތުގައި މަސައްކަތްތެރިންތަކެއް: ކޮންސްޓްރަކްޝަނާއި ޓޫރިޒަމާއި ސިނާއީ މަސައްކަތްތަކުގައި ގިނައިން އުޅެނީ ބިދޭސީން --- ފޮޓޯ: މިރާޝް ނާޝިމް/އަދަދު

ގަވާއިދާ ހިލާފަށް އުޅެމުންދާ ބިދޭސީންގެ މައްސަލައަށް ދާއިމީ ހައްލެއް ގެނައުމުގެ ގޮތުން ސަރުކާރުން ފަށައިގެން އުޅޭ "އޮޕަރޭޝަން ކުރަނގި" ގެ ދެން އޮންނާނީ ބަޔޯމެޓްރިކްސް ދީފައި ހުރި ބިދޭސީންނަށް ވޯކް ޕާމިޓް ހޯދަން ފަހު ފުރުސަތު ދިނުމަށް ފަހު، ވާކް ޕާމިޓް ނެތް ހުރިހާ ބިދޭސީން ޑީޕޯޓުކުރުމުގެ ބޮޑު ހަރަކާތެއް ކަމަށް ހޯމް މިނިސްޓަރު އަލީ އިހުސާން މިއަދު ވިދާޅުވެއްޖެ އެވެ.

ހޯމްލޭންޑް މިނިސްޓްރީގެ ދަށުގައި ހިމެނޭ ހުރިހާ އިދާރާތަކެއް ގުޅިގެން، ހިންގަމުން އަންނަ މި އޮޕަރޭޝަނަކީ، ގަވާއިދާ ހިލާފަށް އުޅޭ ބިދޭސީންގެ މައްސަލަ ތިން އަހަރުގެ ތެރޭގައި ހައްލުކުރުމަށް އަމާޒު ހިފައިގެން މިދިޔަ އަހަަރުގެ މެއި 2، ގައި ފެށި އޮޕަރޭޝަނެކެވެ.

އެ ގޮތުން އެންމެ ފުރަތަމަ ކުރި މަސައްކަތަކީ މާލެ ސަރަހައްދުގައި ތިބި ހުރިހާ ބިދޭސީންގެ 10 އިނގިލީގެ ނިޝާނާއި މޫނު ދެނެގަނެވޭ ވަރަށް ސާފު ފޮޓޯ ނަގައި، ބަޔޯމެޓްރިކްސް އަދާހަމަކުރުމެވެ. އެއަށް ފަހު މުޅި ރާއްޖެއަށް މި އޮޕަރޭޝަން ފުޅާކޮށް، މީހުން ދިރިއުޅޭ ހުރިހާ ރަށްރަށާއި، ރިސޯޓުތަކާއި، ސިނާއީ ރަށްތަކުގައި ތިބި ހުރިހާ ބިދޭސީންގެ މައުލޫމާތުތައް ވަނީ ނަގާފަ އެވެ.

ހޯމްލޭންޑް މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި، އިހުސާން ވިދާޅުވީ، މިއަދާ ހަމައަށް 202،000 ބިދޭސީންގެ މައުލޫމާތު ނެގި، ސިސްޓަމްތަކުގައި އަދާހަމަ ކުރެވިފައިވާ ކަމަށެވެ. މިއީ ރާއްޖޭގައި ތިބި ކަމަށް، ސައްހަ ވާކް ޕާމިޓެއް ނެތް ބިދޭސީން ވެސް ހިމެނޭހެން، ވެރިފައި ކުރެފައިވާ ބިދޭސީންގެ އަދަދެވެ.

އިހުސާން ވިދާޅުވި ގޮތުގައި، ގަވާއިދުގެ ތެރެއަށް ފެތެން ނުވަތަ ރެގިއުލަރައިޒް ވާން ހުޅުވާލާނީ އަންނަ މަހުގެ އެކަކުން ފެށިގެން އާ އަހަރާ އެކީގަ އެވެ. އަދި، މި ދުވަހުން ފެށިގެން އަންނަ އޭޕްރިލް 2، އާ ހަމައަށް މި ފުރުސަތު ލިބިގެންދާއިރު، މިހާރު ސިސްޓަމްތަކުން ނުލިބޭ ލުއިފަސޭހަތައް ވަޒީފާދޭ ފަރާތްތަކަށް (އެމްޕްލޯޔަރުންނަށް) ލިބިގެން ދާނެ ކަމަށް އޭނާ ވިދާޅުވި އެވެ.

މި ތިން މަސް ދުވަހަށް ފަހު، އޮޕަރޭޝަން ކުރަނގިގެ އެންމެ ފަހު ފޭސް ފަށައި، ގަވާއިދާ ހިލާފަށް ތިބި ހުރިހާ ބިދޭސީން ހިފައިހައްޔަރުކޮށް، ބޭރުކޮށްލާނެ ކަމަށް އިހުސާން ވިދާޅުވި އެވެ. މި އޮޕަރޭޝަން ކުރިއަށް ދަނީ މެއި 1، 2027 އާ ހަމައަށެވެ.

"މީގެ ނަތީޖާއަކަށް ވާނީ، އަޅުގަނޑުމެންގެ މުޅި މި މަސައްކަތް ނިމޭއިރުގައި ދިވެހިރާއްޖޭގައި އުޅެމުންދާ ހުރިހާ ފަރާތްތަކަކީ ކާކުކަން އެނގޭ، 100 ޕަސެންޓު ބަޔޯމެޓްރިކަލީ އަައިޑެންޓިފައި ކުރެވޭ، ހަމައެއާއެކީ ކޮންމެ މީހަކީ އެ މީހަކަށް ޒިންމާވާނެ އެމްޕްލޯޔަރެއް ހުރެފައި، އެ މީހަކު އެކަމަށް ޒިންމާ ކުރުވޭނެ، އަދި އެ މީހާ އުޅޭ ތަނާ، ހުރިހާ މައުލޫމާތެއް ވަގުތުން ވަގުތަށް ލައިވްކޮށް، ސިސްޓަމުން ބެލޭނެ ނިޒާމެއްގެ ތެރެއަށް އައިސް، ދިވެހި ރައްޔިތުންނަށް ދިވެހި ދައުލަތުގެ ފަރާތުން ޖަވާބުދާރީ ވެވޭނެ ގޮތަށް ބިދޭސީންގެ މައުލޫމާތު ބެލެހެއްޓޭ ހިސާބަށް ދިޔުން،" އޭނާ ވިދާޅުވި އެވެ.

މިހާތަނަށް ބަޔޯމެޓްރިކްސް ދީފައި ހުރި ބިދޭސީންނަށް ގަވާއިދުގެ ތެރެއަށް ވަންނަން އިތުރު ފުރުސަތެއް ލިބުނަސް، ސަރުކާރުން އަންނަނީ މިހާރު ވެސް ބަޔޯމެޓްރިކްސް ނެތް ހުރިހާ ބިދޭސީން ބޭރުކުރަމުންނެވެ. މި ކަން ފެށީ، މިދިޔަ މަހުގެ 15 ވަނަ ދުވަހާ ހަމައަށް، ބަޔޯމެޓްރިކްސް ދޭން ބިދޭސީންނަށް ފަހު ފުރުސަތު ދިނުމަށް ފަހުގަ އެވެ.

އިހުސާން ވިދާޅުވީ، އެ ތާރީހުގެ ފަހުން ބަޔޯމެޓްރިކްސް ނެތް 509 ބިދޭސީން ޑީޕޯޓުކޮށްލާފައިވާ ކަމަށެވެ. އަދި މި ސަރުކާރުން ވެރިކަމާ ހަވާލުވީ ފަހުން މިވީ ދެ އަހަރާއި މަސް ދުވަހުގެ ތެރޭގައި ޖުމްލަ 9،676 ބިދޭސީން ޑީޕޯޓުކޮށްލާފައިވާ ކަމަށް ވެސް އޭނާ ވިދާޅުވި އެވެ.

ގަވާއިދާ ހިލާފަށް އުޅޭ ބިދޭސީންގެ މައްސަލަައިގައި، ހައްލު ނުވެ އޮތް އެންމެ ބޮޑު މައްސަލައަކަށް އޮތީ މި ރާއްޖޭގައި ދިރިއުޅެމުންދާ ބިދޭސީންގެ އަދަދު ނޭނގުމެވެ. މިހާރު ރާއްޖޭގައި ދެ ލައްކައަށް ވުރެ ގިނަ ބިދޭސީން ތިބި ކަމަށް ސަރުކާރުން މިއަދު ހާމަކުރިއިރު، މިއީ 2022 ވަނަ އަހަރުގެ ބޯހިމެނުމުގައި ރާއްޖޭގައި ތިބި ކަމަށް އަންދާޒާކުރި 132,493 ވަރަށް ވުރެ 50 ޕަސެންޓު އިތުރު އަދަދެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox