މަސައްކަތްތެރިންގެ ކޮންފަރެންސްގައި ރާއްޖޭގެ މަންދޫބުން ބައިވެރިވުމަށް ސަރުކާރުން އެއްބާރުލުން ނުދިނުމުން އެމްޓީޔޫސީގެ ކަންބޮޑުވުން

2026 ވަނަ އަހަރުގެ ބައިނަލްއަގުވާމީ މަސައްކަތްތެރިންގެ ދުވަސް ނުވަތަ މޭޑޭ ފާހަގަކުރުމުގެ ގޮތުން ބާއްވާ ހާއްސަ ރެލީ ވެރިރަށް މާލޭގައި ކުރިއަށްދަނީ

2026 ވަނަ އަހަރުގެ ބައިނަލްއަގުވާމީ މަސައްކަތްތެރިންގެ ދުވަސް ނުވަތަ މޭޑޭ ފާހަގަކުރުމުގެ ގޮތުން ބާއްވާ ހާއްސަ ރެލީ ވެރިރަށް މާލޭގައި ކުރިއަށްދަނީ

ރާއްޖެއިން ބައިވެރިވާ އިންޓަނޭޝަނަލް ލޭބާ އޯގަނައިޒޭޝަން (އައިއެލްއޯ) ގެ ބައިނަލްއަގުވާމީ މަސައްކަތްތެރިންގެ ކޮންފަރެންސްގައި ދިވެހި މަސައްކަތްތެރިންނާއި ވަޒީފާދޭ ފަރާތްތަކުގެ މަންދޫބުން ބައިވެރިވުމުގެ ފުރުސަތު ދިވެހި ސަރުކާރުން ފަހިކޮށްދީފައި ނުވާތީ މޯލްޑިވްސް ޓްރޭޑް ޔޫނިއަން ކޮންގްރެސް (އެމްޓީޔޫސީ) އިން ކަންބޮޑުވުން ފާޅުކޮށްފި އެވެ. 

މި ކޮންފަރެންސް ކުރިއަށްދިޔައީ ޖޫން 1-12 އަށް ސްވިޓްޒަލޭންޑުގެ ޖެނީވާގަ އެވެ. މިއީ އެފަދަ 114 ވަނަ ކޮންފަރެންސެވެ. އެ ކޮންފަރެންސްގައި ދިވެހި މަސައްކަތްތެރިންނާއި ވަޒިފާ ދޭ ފަރާތްތަކުގެ މަންދޫބުންނަށް ބައިވެރިވުމުގެ ފުރުސަތު ނުލިބުމަކީ، ބައިނަލްއަގުވާމީ މިންގަނޑުތަކާ ހިލާފު އަދި ރާއްޖޭގެ މަސައްކަތްތެރިންގެ އަޑު ކަނޑުވާލުން ކަމަށް އެމްޓީޔޫސީން ބުނެފައިވެ އެވެ. 

އެ ކޮންފަރެންސްގެ އެންމެ މައިގަނޑު އަސާސަކީ ސަރުކާރުތަކާއި، ވަޒީފާދޭ ފަރާތްތަކާއި، އަދި މަސައްކަތްތެރިން ހަމަހަމަކަމާއެކު ބައިވެރިވާ "ޓްރައިޕާޓިޒަމް" ނިޒާމެވެ. ބައިނަލްއަގުވާމީ މަސައްކަތްތެރިންގެ ސިޔާސަތުތަކާއި މިންގަނޑުތައް އެކުލަވައިލުމުގައި މި ތިން ފަރާތުގެ ބައިވެރިވުން ކޮންމެހެން ބޭނުންވާއިރު، ދިވެހި ސަރުކާރުން އެ އުސޫލާ ހިލާފުވެފައިވާ ކަމަށް މަސައްކަތްތެރިންގެ ޖަމިއްޔާތަކުގެ މައްޗަށް އެކުލެވޭ އެމްޓީޔޫސީން ބުނެފައިވެ އެވެ. 

Advertisement

އޭގެ ސަބަބުން އިގުތިސާދީ ސިޔާސަތުތަކުގެ އަސަރު ސީދާ ކުރާ ފަރާތްތަކުގެ ހިޔާލާއި މަޝްވަރާ ބައިނަލްއަގުވާމީ މައިދާނުގައި ހުށަހެޅުމުގެ ފުރުސަތު ގެއްލިފައިވާކަމަށް އެމްޓީޔޫސީން ބުނެ އެވެ. 

ރާއްޖޭގެ މަސައްކަތްތެރިންނާއި ވަޒީފާދޭ ފަރާތްތަކުން އިގުތިސޯދީ ގޮތުން ބޮޑެތި ގޮންޖެހުންތަކާ ކުރިމަތިލަމުންދާ ދަނޑިވަޅެއްގައި، ދުނިޔޭގެ އެންމެ މުހިންމު ފޯރަމުން އެފަރާތްތައް އެކަހެރިކުރުމަކީ ޒިންމާދާރުކަން ކުޑަ އަމަލެއްގެ ގޮތުގައި ވަނީ ސިފަކޮށްފަ އެވެ. 

ސަރުކާރުގެ އެއްބާރުލުން ނުދިނުމުގެ ސަބަބުން ދިވެހި މަންދޫބުން ބައިނަލްއަގުވާމީ މަޝްވަރާތަކުން ބާކީވުމުގެ އިތުރުން، ބައިނަލްއަގުވާމީ މަސައްކަތްތެރިންގެ މުޖުތަމައުގައި ރާއްޖޭގެ އަގުވެސް ވެއްޓިފައިވާ ކަމަށް އެމްޓީޔޫސީން ބުނެ އެވެ.

މި ކޮންފަރެންސްގައި ބައިވެރިވުމަށް މަސައްކަތްތެރިންނާއި ވަޒީފާދޭ ފަރާތްތަކުގެ މަންދޫބުންނަށް އެހީތެރިކަން ނުދިން ސަބަބު ރައްޔިތުންނަށް ސާފުކޮށްދިނުމަށް އެމްޓީޔޫސީން ވަނީ ގޮވާލާފަ އެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox