ޕޮލްކޯ މައްސަލައިގައި ފިޔަވަޅު އަޅަން ލަފާދޭން ނިންމި ފުލުހުންގެ ތެރޭގައި އޭރުގެ ބޯޑުގައި ހިމެނުނު ދެ މީހުންގެ ނަމެއް ނެތް!

ޕޮލްކޯގެ ބޯޑުގައި ކުރިން ހިމެނުނު، ސުޕްރިޑެންޓް އޮފް ޕޮލިސް، އަބްދުލް މަތީން އަބްދުލްކަރީމް (ކ) އާއި ޗީފް ސުޕްރިޑެންޓް އޮފް ޕޮލިސް، އިބްރާހިމް ނަބީލް (ވ) --

ޕޮލްކޯގެ ބޯޑުގައި ކުރިން ހިމެނުނު، ސުޕްރިޑެންޓް އޮފް ޕޮލިސް، އަބްދުލް މަތީން އަބްދުލްކަރީމް (ކ) އާއި ޗީފް ސުޕްރިޑެންޓް އޮފް ޕޮލިސް، އިބްރާހިމް ނަބީލް (ވ) --

ރައްޔިތުންގެ މަޖިލީހުން ބެލި ޕޮލްކޯ މައްސަލައިގައި ފިޔަވަޅު އަޅަން ލަފާދޭން މާލިއްޔަތު ކޮމިޓީން ނިންމި ފުލުހުންގެ ތެރޭގައި އޭރު އެ ބޯޑުގައި ހިމެނުނު ދެ ފުލުހުންގެ ނަން ނެތްކަން އެނގިއްޖެ އެވެ.

މިދިޔަ ބުދަ ދުވަހު ސިއްރުކޮށްގެން ކުރިއަށް ގެންދިޔަ މާލިއްޔަތު ކޮމިޓީގެ ބައްދަލުވުމުގައި ވަނީ ރިކޮމެންޑޭޝަންތަކަކާއެކު ޕޮލްކޯގެ މައްސަލައިގައި ތައްޔާރުކުރި ރިޕޯޓު ފާސްކޮށްފަ އެވެ.

އެ ރިކޮމެންޑޭޝަންތަކުގެ ތެރޭގައި ޕޮލްކޯގެ ބޯޑުގައި ކުރިން ހިމެނުނު ފަސް ފުލުހަކަށް ފިޔަވަޅު އަޅަން ލަފާދޭން ވަނީ ހިމަނައިފަ އެވެ.

ޕޮލްކޯ މައްސަލައިގައި ސަސްޕެންޑުކުރަން ލަފާދޭން ކޮމިޓީން ފާސްކުރީ:

  • ޕޮލިސް ކޮމިޝަނަރު، އިސްމާއިލް ނަވީން
  • އެސިސްޓެންޓު ކޮމިޝަނާ އޮފް ޕޮލިސް، މޫސާ އަލީ
  • އެސިސްޓެންޓު ކޮމިޝަނާ އޮފް ޕޮލިސް، އަހުމަދު އަބްދުއްރަހުމާން
  • އެސިސްޓެންޓު ކޮމިޝަނާ އޮފް ޕޮލިސް،، މުހައްމަދު ރަޝީދު (މޮންސި)
  • އެސިސްޓެންޓު ކޮމިޝަނާ އޮފް ޕޮލިސް، މުހައްމަދު ބަޝީރު

މަޖިލީހުން ބެލި ޕޮލްކޯގެ ކޮރަޕްޝަން މައްސަލަތަކާ ގުޅިގެން އެ ކުންފުނީގެ ކުރީގެ ބޯޑު މެންބަރުންނަށް ފިޔަވަޅު އަޅަން ފެންނަ ކަމަށް މާލިއްޔަތު ކޮމިޓީން ފާސްކުރި ނަމަވެސް، އެ ފަސް ބޭފުޅުންގެ އިތުރުން އަދި ދެ ފުލުހަކު އެ ބޯޑުގައި އޭރު ހިމެނުނެވެ. އެއީ:

  • ޗީފް ސުޕްރިޑެންޓް އޮފް ޕޮލިސް، އިބްރާހިމް ނަބީލް
  • ސުޕްރިޑެންޓް އޮފް ޕޮލިސް، އަބްދުލް މަތީން އަބްދުލްކަރީމް

ޕޮލްކޯގެ ކޮރަޕްޝަން މައްސަލަތަކާ ގުޅިގެން އެ ކުންފުނީގެ ކުރީގެ ބޯޑު މެންބަރުންގެ ތެރެއިން ބައެއް ފުލުހުންނަށް ފިޔަވަޅު އަޅަން ފެންނަ ކަމަށް ރިޕޯޓުގައި ހިމެނުމަށްފަހު ދެން ތިބި ދެ ފުލުހުންނަށް ފިޔަވަޅު އަޅަން ރިޕޯޓުގައި ނުހިމެނީ ކީއްވެ ކަމެއް ނޭނގެ އެވެ.

އެކަމާ ބެހޭގޮތުން ބަހެއް ހޯދުމަށް މާލިއްޔަތު ކޮމިޓީގެ މުގައްރިރު، އަދި މަޖިލީހުގެ ނައިބުރައީސް އަހުމަދު ނާޒިމްއަށް ގުޅައި މެސެޖު ކުރުމުން މި ހަބަރު ޝާއިއުކުރުމާ ހަމައަށް ޖަވާބެއް ދެއްވައިފައެއް ނުވެ އެވެ.

ޕޮލްކޯގެ މައްސަލައިގެ އިތުރުން، މާލިއްޔަތު ކޮމިޓީން އެ މައްސަލަ ބަލަމުންދިޔައިރު، އެ ކޮމިޓީއަށް ވިސްލްބްލޯވަރަކު ފޮނުވި ސިޓީއަކާ ގުޅިގެން ކަމަށް ބުނެ ކުރިއަށް ގެންދިޔަ ތަހުގީގަށްފަހު އެ ކޮމިޓީން ވަނީ އިތުރު ދެ ފުލުހަކަށް ވެސް ފިޔަވަޅު އަޅަން ލަފާދޭން ފާސްކޮށްފަ އެވެ.

އެ މައްސަލައާ ގުޅިގެން ފިޔަވަޅު އަޅަން ލަފާދޭން ކޮމިޓީން ނިންމީ ޑައިރެކްޓްރޭޓް އޮފް އިންޓެލިޖެންސް، ސުޕްރިޑެންޓް އޮފް ޕޮލިސް، އިސްމާއިލް ޝަމީމް އާދަމް އަށާއި އެސިސްޓެންޓު ކޮމިޝަނާ އޮފް ޕޮލިސް، މުހައްމަދު ދާއޫދު އަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox