ފިޔަވަޅު އަޅަން ކޮމިޓީން ފާސްކުރި މީހުންގެ ތެރޭގައި ޝިފާން އާއި ފަރުހާދުގެ މައްސަލަ ފެންމަތިކުރި ވިސްލްބްލޯވަރުން ހިމެނޭ

އެސިސްޓެންޓް ކޮމިޝަނާ އޮފް ޕޮލިސް، އަހުމަދު ޝިފާން އާއި ޑެޕިއުޓީ ކޮމިޝަނާ އޮފް ޕޮލިސް، ފަރުހާދު ފިކުރީ -- ފޮޓޯ: ފުލުހުން

އެސިސްޓެންޓް ކޮމިޝަނާ އޮފް ޕޮލިސް، އަހުމަދު ޝިފާން އާއި ޑެޕިއުޓީ ކޮމިޝަނާ އޮފް ޕޮލިސް، ފަރުހާދު ފިކުރީ -- ފޮޓޯ: ފުލުހުން

ފުލުސް އޮފީހުން ވަކި ކުރަން ލަފާދޭން ފެންނަ ކަމަށް ރައްޔިތުންގެ މަޖިލީހުގެ މާލިއްޔަތު ކޮމިޓީން މިއަދު ފާސްކުރި ލިސްޓުގައި ހިމެނޭ ގިނަ ފުލުހުންނަކީ، އެސިސްޓެންޓް ކޮމިޝަނާ އޮފް ޕޮލިސް، އަހުމަދު ޝިފާން އާއި ޑެޕިއުޓީ ކޮމިޝަނާ އޮފް ޕޮލިސް ފަރުހާދު ފިކުރީގެ މައްޗަށް ކުރެވޭ ސީރިއަސް ތުހުމަތުތަކެއްގެ މައްސަލަ ތިލަކުރި ވިސްލްބްލޯވަރުންގެ ތެރޭގައި ހިމެނޭ ބައެއްކަން އެނގިއްޖެ އެވެ.

މާލިއްޔަތު ކޮމިޓީން މިއަދު ފާސްކުރީ ޕޮލިސް ކޮމިޝަނަރު، އިސްމާއިލް ނަވީން ހިމެނޭހެން ފުލުހުންގެ އެގްޒެކެޓިވް ލެވެލްގައި ހިމެނޭ ހަތް ފުލުހަކަށް ފިޔަވަޅު އަޅަން ލަފާދޭން ފެންނަ ކަމަށެވެ. އެ ކޮމިޓީން އެގޮތަށް ފާސްކުރީ ސިއްރު ކޮށްގެން ގެންދިޔަ މިއަދުގެ ބައްދަލުވުމުގަ އެވެ.

މާލިއްޔަތު ކޮމިޓީން މިއަދު ވަނީ އެ ކޮމިޓީން ބަލަމުން އައި ޕޮލްކޯގެ މައްސަލައިގައި ތައްޔާރުކުރި ރިޕޯޓު، ރިކޮމެންޑޭޝަންތަކަކާއެކު ފާސްކޮށްފަ އެވެ.

Advertisement

އެނގިފައިވާ ގޮތުގައި ފިޔަވަޅު އަޅަން ލަފާދޭން ކޮމިޓީން ފާސްކުރީ:

  • ޕޮލިސް ކޮމިޝަނަރު، އިސްމާއިލް ނަވީން
  • ހެޑް އޮފް ކޮމިޝަނާސް ބިއުރޯ، އެސިސްޓެންޓު ކޮމިޝަނާ އޮފް ޕޮލިސް، މޫސާ އަލީ
  • ހެޑް އޮފް ޕޮލިސް އެކެޑެމީ، އެސިސްޓެންޓު ކޮމިޝަނާ އޮފް ޕޮލިސް، އަހުމަދު އަބްދުއްރަހުމާން
  • ހެޑް އޮފް ފޮރެންސިކްސް، އެސިސްޓެންޓު ކޮމިޝަނާ އޮފް ޕޮލިސް، މުހައްމަދު ރަޝީދު (މޮންސި)
  • ޑެޕިއުޓީ އޮފް ޕޮލިސް އެކެޑެމީ، އެސިސްޓެންޓު ކޮމިޝަނާ އޮފް ޕޮލިސް، މުހައްމަދު ބަޝީރު
  • އެސިސްޓެންޓު ކޮމިޝަނާ އޮފް ޕޮލިސް، މުހައްމަދު ދާއޫދު
  • ޑައިރެކްޓްރޭޓް އޮފް އިންޓެލިޖެންސް، ސުޕްރިޑެންޓް އޮފް ޕޮލިސް، އިސްމާއިލް ޝަމީމް އާދަމް

އަދަދު އަށް އެނގިފައިވާ ގޮތުގައި ކޮމިޓީން ފިޔަވަޅު އަޅަން ލަފާދޭން ނިންމި އޮފިސަރުންގެ ތެރެއިން ގިނަ އޮފިސަރުންނަކީ ޝިފާން އާއި ފަރުހާދުގެ މައްޗަށް ކުރެވޭ ސީރިއަސް އެތައް މައްސަލަތަކެއް ފާހަގަކޮށް ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ (241) އަށާއި ބައެއް ނޫސްތަކަށާއި މިނިވަން މުއައްސަސާތަކަށް މި މަހު ކުރީކޮޅު ވިސްލްބްލޯވަރުންގެ ގޮތުގައި ފޮނުވި ބޭފުޅުންނެވެ.

ނޮވެމްބަރު 9، ގައި ޗީފް އިންސްޕެކްޓާ އަށްވުރެ މަތީ ރޭންކުތަކުގެ 11 ފުލުހުންގެ ނަމުގައި 241 ކޮމިޓީއަށް ފޮނުވި ސިޓީއެއްގައި ބުނެފައި ވަނީ ފަރުހާދު އާއި ޝިފާންގެ ކިބައިން ފެންނަމުންދާ ގާނޫނާއި ގަވާއިދާ ހިލާފު ކަންކަމުގެ ސަބަބުން ފުލުހުންގެ މުއައްސަސާގެ ހުރުމަތާއި ކަރާމާތަށް ނޭދެވޭ އަސަރު ކުރަމުންދާ ކަމަށެވެ.

"މި ދެ ބޭކަލުންގެ ނުރަނގަޅު ނުފޫޒާއި ގާނޫނާއި ހިލާފު އަމަލުތަކުގެ ސަބަބުން މުއައްސަސާގެ ސީނިއާ ލީޑަޝިޕްގެ މެދުގައި މަސްލަހަތު ގެއްލިފައިވުމާއި އެއްވެސް ބަދަހިކަމެއް ނެތި މުއައްސަސާގެ ކަންކަން ދުވަހުން ދުވަހަށް ބޮއްސުންލައިގެން ދާކަން އަޅުގަނޑުމެންނަށް ފާހަގަކުރެވޭ،" މި ނޫހަށް ވެސް ކޮޕީއެއް ލިބިފައިވާ އެ ސިޓީގައި ބުނެފައިވެ އެވެ.

ޝިފާން އާއި ފަރުހާދު ހިންގާ ކަންކަމުގެ ސަބަބުން ފުލުހުންގެ ޒިންމާ އާއި ވާޖިބުތައް އަދާކުރުމަށް ނުކުޅެދި އެ މުއްސަސާ ފެއިލްވެ ގައުމީ ސަލާމަތަށް ފޫނުބެއްދޭވަރުގެ ގެއްލުން ލިބުން އެކަށީގެންވާ ކަމަށް ވެސް އެ ސިޓީގައި ބުނެފައިވެ އެވެ.

އެ ސިޓީއާއެކު ޝިފާންގެ މައްޗަށް ކުރެވޭ ސީރިއަސް އެތައް ތުހުމަތެއްގެ ވާހަކަ ހިމަނާފައިވެ އެވެ. އޭގެ ތެރޭގައި މިސްކޮންޑަކްޓުގެ މައްސަލަތަކަކާއި މަގާމުގެ ނުފޫޒު ބޭނުން ކުރުމުގެ މައްސަލަތަކެއް ހިމެނެ އެވެ.

އޭގެއިތުރުން ފަރުހާދުގެ މައްޗަށް ކުރެވޭ ސީރިއަސް ތުހުމަތުތަކުގެ ވާހަކަ ވެސް އެ ސިޓީއާއެކު ހިމަނާފައިވެ އެވެ. އެގޮތުން ފުލުހުން ތަހުގީގު ކުރަމުންދިޔަ މައްސަލައެއް މަގާމުގެ ނޫފޫޒު ބޭނުންކޮށްގެން ހުއްޓުވުމާއި އޭނާގެ ދަރިފުޅުގެ މައްޗަށް ކުރެވުނު ތުހުމަތަކާ ގުޅޭ ހެކިތައް ފަރުހާދު ނައްތާލި ކަމަށް ބުނާ މައްސަލައަކާއި އޭނާ ވަޒީފާއިން ވަކިކުރަން ޕޮލިސް ބޯޑުން ލަފާ ދީފައި އޮތްކަން އެ ސިޓީގައި ބަޔާން ކޮށްފައިވެ އެވެ.

މަޖިލީހުގެ 241 ކޮމިޓީއަށް ފޮނުވާފައިވާ ސިޓީގައި އެދިފައި ވަނީ އެ މައްސަލަތައް ބަލައި ތަހުގީގު ކުރުމަށާއި އެ މައްސަލަތަކުގައި ޝިފާން އާއި ފަރުހާދުގެ މައްޗަށް އެއްވެސް ފިޔަވަޅެއް ނޭޅި އޮތީ ކީއްވެތޯ ބެލުމަށްފަހު އެ ދެމީހުންނަށް ފިޔަވަޅު އަޅައިދިނުމަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox