ގައުމީ ޓީމުތަކުގެ އެލަވަންސް ބޮޑުކޮށްފި، ފުޓްސަލް އަށް އަދިވެސް ނެތް!

Oct 18, 2025, 4:29 AM
ގައުމީ ޓީމުތަކުގެ އެލަވަންސް ބޮޑުކޮށްފި، ފުޓްސަލް އަށް އަދިވެސް ނެތް!

ރައީސުލް ޖުމްހޫރިއްޔާ، ޑރ. މުހައްމަދު މުއިއްޒުގެ ވައުދާ އެއްގޮތަށް ގައުމީ ޓީމުތަކުގެ ކުޅުންތެރިންނާއި އޮފިޝަލުންގެ އެލަވަންސް ބޮޑުކުރަން ނިންމާފައިވާ ކަމަށް އެސޯސިއޭޝަންތަކަށް ސްޕޯޓްސް މިނިސްޓްރީން އަންގާފައިވާއިރު، އަދިވެސް ގައުމީ ފުޓްސަލް ޓީމުގެ އެލަވަންސާ މެދު ގޮތެއް ހަމަނުޖެހެ އެވެ.

މި މަހު 16 ވަނަ ދުވަހު، ސްޕޯޓްސް މިނިސްޓްރީން ނެރުނު ސާކިއުލާއެއްގައި ބުނެފައިވަނީ، ގައުމީ ޓީމުތަކުގެ ކުޅުންތެރިންނާއި އޮފިޝަލުންނާއި ޕެރަ އެތުލީޓުންނަށް މީގެ ކުރިން ދެމުން އަންނަ 5000 ރުފިޔާގެ އެލަވަންސް، މިދިޔަ މެއި މަހުން ފެށިގެން، 7000 ރުފިޔާ އަށް ބޮޑުކުރަން ނިންމާފައިވާ ކަމަށެވެ. އެހެންވެ، 15 ސެޕްޓެމްބަރުން ފެށިގެން ތައްޔާރުކުރާ މުސާރަ ޝީޓުގައި 7000 ރުފިޔާ ހިމަނާފައި ފޮނުވުމަށް މިނިސްޓްރީން ވަނީ ބުނެފަ އެވެ. އަދި، މެއި އިން ފެށިގެން ސެޕްޓެމްބަރު މަހުގެ މުއްދަތަށް ބޮޑުވި އެލަވަންސްގެ ބައި ޖަމާކުރުމުގެ މަސައްކަތް މިނިސްޓްރީން ކުރަމުން އަންނަ ކަމަށް ވެސް ވަނީ ބުނެފަ އެވެ.

ގައުމީ ޓީމުގެ ކުޅުންތެރިންނަށް އެންމެ ފުރަތަމަ މުސާރަ/އެލަވަންސް ދޭން ފެށީ ގިންތިތަކަކަށް ބަހާލައިގެންނެވެ. އެކަމަކު މިދިޔަ ސަރުކާރުން ނިންމީ ހަމަހަމަކޮށް ހުރިހާ ފަރާތަކަށް މުސާރަ ދިނުމުގެ ގޮތުން، 5000 ރުފިޔާގެ އެލަވަންސެއް ދޭ ގޮތަށް ހަމަޖެއްސުމަށެެވެ.

Advertisement

ފުޓްސަލް ގައުމީ ޓީމަށް އަދިވެސް މުސާރައެއް/އެލަވަންސެއް ނެތް

ގައުމީ ފުޓްސަލް ޓީމަށް މުސާރަ ނުލިބެނީ, މިހާރު ހެދިފައިި އޮތް "އުސޫލު"ގެ ސަބަބުން ކަމަށް ކުޅިވަރާ ބެހޭ ވަޒީރު އަބްދުالله ރާފިއު (ރާއްޕެ) ވިދާޅުވީ، މިދިޔަ އަހަރު މެއި މަހު، ސްޕޯޓްސް މިނިސްޓްރީން ބޭއްވި ނޫސްވެރިންގެ ބައްދަލުވުމެއްގަ އެވެ.

ރާފިއު ވިދާޅުވީ, ގައުމީ ޓީމުތަކަށް މުސާރަ ދިނުމުގައި ވަކި ކްރައިޓީރިއާތަކެއް ހެދިފައިވާ ކަމަށާއި, އެހެންވެ, އެ ކްރައިޓީރިއާތަކުގެ ބޭރުން މުސާރަ ދެވެން ނޯންނަ ކަމަށެވެ. އެނގިފައިވާ ގޮތުގައި ފުޓްސަލް ގައުމީ ޓީމަށް މުސާރަ ނުދެވޭ ސަަބަބަކީ، ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ ތެރެއިން އެކަށީގެންވާ ގޮތެއްގައި ގައުމީ ލެވަލްގައި ފުޓްސަލްގެ ކަންކަން ނުހިނގާތީ ކަމަށް ބުނެ އެވެ. ރާއްޖޭގެ ކުޅިވަރުގެ އެވޯޑްސް، މޯލްޑިވްސް ސްޕޯޓްސް އެވޯޑްސްގައި ވެސް މިހާތަނަށް މޮޅު ފުޓްސަލް ކުޅުންތެރިޔާ ހޮވާފައެއް ނުވެ އެވެ.

އެ ގޮތުން، މިދިިޔަ އަހަރުގެ އެ ނޫސްވެރިންގެ ބައްދަލުވުމުގައި، މިނިސްޓަރު، ރާފިއު ވިދާޅުވީ، ފުޓްސަލްގެ މި ކަމުގައި ހައްލެއް ހޯދަން މަސައްކަތް ކުރާނެ ކަމަށެވެ.

"މި ކަމުގެ (ފުޓްސަލް ގައުމީ ޓީމު ކުޅުންތެރިންގެ މުސާރައިގެ މައްސަލަ) މުހިންމު ކަމުން އަޅުގަނޑުމެން މި ޖެހެނީ, ޑިސްކަސް ކުރަން ކްރައިޓީރިއާ ބަދަލުކުރާނީތޯ ބެލުމަށް" ރާފިއު ވިދާޅުވި އެވެ.

އެ ނޫސްވެރިންގެ ބައްދަލުވުމުގައި، އޭރު ސްޕޯޓްސް މިނިސްޓްރީގެ ސްޓޭޓް މިނިސްޓަރު މުހައްމަދު ރިޔާޒް ވިދާޅުވީ, ފުޓްސަލް ޓީމުގެ މުސާރަ/އެލަވަންސްގެ ކަމަކީ މިނިސްޓްރީން ކަންބޮޑުވާ ކަމެއް ކަމަށާއި, އެކަމަކު, މިކަން ރެގިއުލޭޓް ކުރެވިގެން އަންނާނީ އެފްއޭއެމް އަށް ކަމަށެވެ. އެހެން ނަމަވެސް, އެފްއޭއެމް އާއި ގުޅިގެން އަދި މިކަމާ ގުޅުން ހުރި ފަރާތްތަކާ ގުޅިގެން މިކަން ހައްލު ކުރުމަށް މަސައްކަތް ކުރަމުން މިނިސްޓްރީން އަންނަ ކަމަށް ރިޔާޒް ވިދާޅުވި އެވެ.

އެހެން ނަމަވެސް، މިދިޔަ މަހު، އޭޝިއަން ފުޓްސަލް ކަޕް ކޮލިފައިންގައި ކުޅެ، ޖެނުއަރީ މަހު ސައުތު އޭޝިއާގެ ފުރަތަމަ ފުޓްސަލް މުބާރާތުގައި ވާދަކުރުމަށް އަމާޒުހިފާފައިވާ ފުޓްސަލް ޓީމަށް އަދިވެސް އޮތީ މުސާރަ/އެލަވަންސްގެ ކަންކަން ކޮޅެއްގައި ނުޖެހި އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox