ކޮމިޝަނާ އޮފް ސްޕޯޓްސް އޮފީސް އާއި ކުޅިވަރު ޖަމިއްޔާތައް މުއާމަލާތްތައް ޑިޖިޓަލް ކުރުމަށްޓަކައި، "ސްޕޯޓްގޭޓް" ޕޯޓަލްއެއް އިފްތިތާހުކޮށްފި އެވެ.
ރޭ މި ކަމަށް ހާއްސަކޮށް ހ. މީރުމާގައި ކުރިއަށްދިޔަ އިވެންޓްގައި، "ސްޕޯޓްސްގޭޓް" ޕޯޓަލްގެ މަސައްކަތް ރަސްމީކޮށް ފައްޓަވައިދެއްވީ ސްޕޯޓްސް މިިނިސްޓަރު، އަބްދުﷲ ރާފިއު (ރާއްޕެ) އާއި ކޮމިޝާ އޮފް ސްޕޯޓްސް މުހައްމަދު ތޮލާލް އެވެ.
އެ ގޮތުން، ސްޕޯޓްސް މިނިސްޓްރީން ބުނީ، "ސްޕޯޓްގޭޓް" ޕޯޓަލް އިފްތިތާހު ކުރުމުގެ މައިގަނޑު ބޭނުމަކީ، ރާއްޖޭގެ ކުލަބްތަކާއި ޖަމިއްޔާތަކާއި އެސޯސިއޭޝަންތަކަށް ރަސްމީކޮށް ކުރަން ޖެހޭ މުއާމަލާތްތައް ކުރުމަށް ގިނަ ގޮތްގޮތުން ޑިޖިޓަލްކޮށް ކަންކަން ބެލެެހެއްޓުމެވެ.
މި ޕޯޓަލް މެދުވެރިކޮށް، ކްލަބްތަކާއި ޖަމިއްޔާތައް އަދި އެކަޑަމީތަކުގެ ރަޖިސްޓްރޭޝަންގެ ކަންކަމާއި ހިންގާ ގަވާއިދު ހުށަހެޅުމާއި ކުޅިވަރާ ގުޅުންހުރި އެހެން ކަންކަން ކުރުމުގެ އިތުރުން، މުހިންމު ޑޭޓާތައް ފަސޭހައިން ބަލާލެވޭނެ ފުރުސަތު ފަހިވާނެ އެވެ.
ރޭގެ އިވެންޓްގައި ވާހަކަ ދައްކަވަމުން ސްޕޯޓްސް މިނިސްޓަރު ރާފިއު އާއި ކޮމިޝަނާ އޮފް ސްޕޯޓްސް ތޮލާލް ވަނީ، "ސްޕޯޓްސްގޭޓް"ގެ ސަބަބުން ކުޅިވަރުގެ ކަންކަން ޑިޖިޓަލްކޮށް، ސިސްޓަމެޓިކް އުސޫލުން ކަންކަން ބެލެހެއްޓުމަށް މަގުފަހިވެގެންދާނެ ކަމަށެވެ.
