މާދަމާގެ ހުތުބާ ހާއްސަ ކުރަނީ ހިޔާލުފާޅު ކުރުމުގެ މިނިވަންކަމާއި މުސްލިމުންގެ އައިބުތައް ފޮރުވުމުގެ މައްޗަށް

Oct 2, 2025, 1:52 PM
އިސްލާމިކް މިނިސްޓަރު ޝަހީމް އަލީ ސައީދު: ހުކުރު ހުތުބާ ހާއްސަ ކުރީ ހިޔާލުފާޅު ކުރުމުގެ މިނިވަންކަމުގެ މައްޗަށް -- ފޮޓޯ: މަޖިލިސް

އިސްލާމިކް މިނިސްޓަރު ޝަހީމް އަލީ ސައީދު: ހުކުރު ހުތުބާ ހާއްސަ ކުރީ ހިޔާލުފާޅު ކުރުމުގެ މިނިވަންކަމުގެ މައްޗަށް -- ފޮޓޯ: މަޖިލިސް

ހިޔާލުފާޅު ކުރުމުގެ މިނިވަންކަމާއި މުސްލިމުންގެ އައިބުތައް ފޮރުވުމުގެ މައްޗަށް މާދަމާ މުޅި ރާއްޖޭގައި ކިޔާ ހުކުރު ހުތުބާގެ މައުލޫ އިސްލާމިކް މިނިސްޓްރީން ހާއްސަކޮށްފި އެވެ.

ހިޔާލުފާޅު ކުރުމުގެ މިނިވަންކަން ހިފެހެއްޓުމަށް ސަރުކާރުން މަސައްކަތް ކުރަމުންދާ މި ދަނޑިވަޅުގައި، ހުކުރު ހުތުބާގައި ބުނެފައި ވަނީ ތެދު ދޮގު ބެލުމެއް ނެތި ވާހަކައެއް ފެތުރުމުން "އޭގެ ނަތީޖާ ހިތިވާނެ" ކަމަށެވެ.

"އިސްލާމްދީނުގައި ހިޔާލުތަކާއި ޝުއޫރުތައް ފާޅު ކުރުމުގެ މިނިވަންކަން ދެއްވާފައި ވަނީ މިކަންކަމަށް ރިއާޔަތްކޮށްގެން،" މާދަމާ ކިޔަން ހަމަޖެހިފައިވާ ހުތުބާގައި ބުނެފައިވެ އެވެ. "މީހަކު ދައްކާހައި ވާހަކައަކީ އަދި ފަތުރާހައި ހަބަރަކީ ތެދެއް ނޫން."

Advertisement

އޭގެ އިތުރުން ހުތުބާގައި ބުނެފައި ވަނީ މުސްލިމުން ދައްކަންޖެހޭ ވާހަކަ އާއި ނުދައްކަންޖެހޭ ވާހަކަ އިސްލާމް ދީނުގައި ބަޔާންކޮށްފައިވާ ކަމަށެވެ. އަދި ބުނެފައި ވަނީ މުސްލިމުން ވާންޖެހޭނީ އެބައިމީހުންގެ އަހުންގެ އައިބުތައް ފޮރުވާ ބަޔެއް ކަމުގައި ކަމަށެވެ.

"[އިސްލާމް ދީނުގައި ވަނީ] ދައްކާންވީ ވާހަކަ އާއި ނުދައްކާންވީ ވާހަކަ އަންގަވައިފަ. މުސްލިމުން ވާންޖެހޭނީ އެބައިމީހުންގެ އައިބުތައް ފޮރުވާ ބަޔަކަށް. އެކަންކަން ހާމަ ކުރާ ބަޔަކަށް ނޫން،" ހުތުބާގައި ބުނެފައިވެ އެވެ.

ހުކުރު ހުތުބާގައި ހިޔާލުފާޅު ކުރުމުގެ މިނިވަންކަމުގެ ވާހަކަ ދެއްކިއިރު، ނޫސްވެރިކަމުގެ މިނިވަންކަން ނައްތައިލުމަށް ސަރުކާރުން ވަނީ ދާދިފަހުން ގާނޫނެއް ވުޖޫދުކޮށްފަ އެވެ. އެ ގާނޫނުގެ ދަށުން ނޫސްތަކަށް ބޮޑެތި ފިޔަވަޅު އެޅޭ ގޮތަށް އޮތް އިރު، ހަބަރެއްގެ ތެދު ދޮގު ކަނޑައަޅާނީ ގާނޫނުގެ ދަށުން އުފައްދާ ކޮމިޝަނަކުންނެވެ.

ދިވެހިރާއްޖެއިން ސޮއިކޮށްފައިވާ ބައިނަލްއަގުވާމީ މުއާހަދާތަކާ އެ ގާނޫނު ފުށުއަރާތީ ގާނޫނު އުވައިލުމަށް އދ. އިން ވަނީ ރާއްޖެއަށް ގޮވާލައިފަ އެވެ. އަދި ނޫސްވެރިކަމުގެ މިނިވަންކަން ނުހިފެހެއްޓުމަށް އެމެރިކާ އާއި އިނގިރޭސިވިލާތާއި ކެނެޑާއިން ވަނީ ދިވެހި ސަރުކާރަށް ގޮވާލައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox