ގްރީން ޓެެކްސް އާމްދަނީ ދެ ގުނަ އިތުރުވެއްޖެ

ވެލާނާ އިންޓަނޭޝަނަލް އެއާޕޯޓުގެ ޖެޓީ ސަރަހައްދުގައި ޓޫރިސްޓުންތަކެއް: ދެ އަހަރުން ދަށުގެ ކުޑަކުދިން ފިޔަވައި ހުރިހާ ޓޫރިސްޓުން ހޭދަކުރާ ކޮންމެ ރެއަކަށް ގްރީން ޓެކްސް ނަގާ -- ފޮޓޯ: އަބްދުﷲ އިޔާން/އަދަދު

ވެލާނާ އިންޓަނޭޝަނަލް އެއާޕޯޓުގެ ޖެޓީ ސަރަހައްދުގައި ޓޫރިސްޓުންތަކެއް: ދެ އަހަރުން ދަށުގެ ކުޑަކުދިން ފިޔަވައި ހުރިހާ ޓޫރިސްޓުން ހޭދަކުރާ ކޮންމެ ރެއަކަށް ގްރީން ޓެކްސް ނަގާ -- ފޮޓޯ: އަބްދުﷲ އިޔާން/އަދަދު

ޓޫރިސްޓުން ހޭދަކުރާ ކޮންމެ ރެއަކަށް ނަގާ ގްރީން ޓެކްސް ރޭޓުތައް ބޮޑުކުރުމާއެކީ، ގްރީން ޓެކްސްގެ ގޮތުގައި އަހަރުގެ މިހާތަނަށް ލިބުނު އާމްދަނީ ކުރީ އަހަރާ އަޅާބަލާއިރު ދެ ގުނަ އިތުރުވެފައިވާ ކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައިފި އެވެ.

ފިނޭންސް މިނިސްޓްރީން އާންމުކޮށްފައިވާ އެންމެ ފަހުގެ ވީކްލީ ފިސްކަލް ޑިވެލޮޕްމަންޓު ރިޕޯޓުން ދައްކާ ގޮތުގައި މިދިޔަ އަހަރު 33 ހަފުތާގެ ތެރޭގައި ގްރީން ޓެކްސްގެ ގޮތުގައި ލިބުނީ 720 މިލިއަން ރުފިޔާ އެވެ. މި އަހަރުގެ މި މުއްދަތުގެ ތެރޭގައި އެ އަދަދު ވަނީ 1.4 ބިލިއަން ރުފިޔާއަށް އިތުރުވެފަ އެވެ.

މި އިތުރުވުމުގެ މައިގަނޑު ސަބަބަކީ މިދިޔަ އަހަރުގެ ތެރޭގައި ޓޫރިޒަމް ގާނޫނު ބަދަލުކޮށްގެން ގްރީން ޓެކްސް ރޭޓުތައް ބޮޑުކުރުމެވެ.

އެ ގޮތުން މި އަހަރުގެ ޖެނުއަރީން ފެށިގެން ރިސޯޓުތަކާއި ހޮޓާތަކާއި 50 ކޮޓަރިއަށް ވުރެ ގިނަ ކޮޓަރި ހުންނަ ހޮޓާތަކާއި ސަފާރީތަކަށް އަންނަ ކޮންމެ ޓޫރިސްޓެއްގެ އަތުން ނެގި ހަ ޑޮލަރު ވަނީ 12 ޑޮލަރަށް ބޮޑުކޮށްފަ އެވެ. އަދި، 50 ކޮޓަރިއަށް ވުރެ މަދު ހޮޓާތަކާއި ގެސްޓުހައުސްތަކަށް އަންނަ ކޮންމެ ޓޫރިސްޓަކު ހޭދަކުރާ ކޮންމެ ރެއަކަށް ދައްކަން ޖެހޭ ވަރު ތިން ޑޮލަރުން ހަ ޑޮލަރަށް ބޮޑުކޮށްފަ އެވެ.

ގްރީން ޓެކްސް އިތުރުވީ އަނެއް ސަބަބަކީ ޓޫރިސްޓުން އަންނަ އަދަދު އިތުރުވުމެވެ. ޓޫރިޒަމް މިނިސްޓްރީން ނެެރެފައިވާ އެންމެ ފަހުގެ ތަފާސްހިސާބުތަކުން ދައްކާ ގޮތުގައި، އަހަރުގެ މިހާތަނަށް ދޮޅު މިލިއަން ޓޫރިސްޓުން ރާއްޖެ އައިސްފި އެވެ.

ގްރީން ޓެކްސް ނަގަނީ ތިމާވެށި ހިމާޔަތްކުރަން ހިންގާ މަޝްރޫއުތަކާއި މޫސުމަށް އަންނަ ބަދަލުތަކުން ރައްކާތެރިވާން ހިންގާ މަޝްރޫއުތަކަށް ހަރަދުކުރުމަށެވެ. މި ޓެކްސް ޖަމާކުރަނީ "މޯލްޑިވްސް ގްރީން ފަންޑް" އަށެވެ.

ސަރުކާރުން އެންމެ ފަހުން އާންމުކޮށްފައިވާ ގްރީން ފަންޑު ރިޕޯޓުން ދައްކާ ގޮތުގައި މިދިޔަ އަހަރު ނިމުނުއިރު މި ފަންޑުގައި 1.6 ބިލިއަން ރުފިޔާ ހުއްޓެވެ. މި ފަންޑުން މައިގަނޑު ގޮތެއްގައި ހަރަދުކުރަމުން އަންނަނީ ގޮނޑުދޮށް ހިމާޔަތްކުރުމަށާއި ފެނާއި ނަރުދަމާގެ ނިޒާމުތައް ގާއިމުކުރުމަށާއި ވޭސްޓު މެނޭޖުމަންޓު ސެންޓަރުތައް އެޅުމަށެވެ.

ފިނޭންސް މިނިސްޓްރީން ވަނީ މި ރިޕޯޓުތައް ޝާއިއުކުރުން ހުއްޓާލާފަ އެވެ. މިހެން ކަމުން މި އަހަރުގެ ތެރޭގައި މި ފަންޑަށް ޖަމާކުރި ފައިސާ އާއި ފަންޑުން ހަރަދުކުރި ގޮތާއި ހަރަދުކުރީ ކޮން މަޝްރޫއުތަކަކަށް ކަމެއް އަދި ފަންޑުގައި މިހާރު ހުރީ ކިހާ ފައިސާއެއް ކަމެއް ނޭނގެ އެވެ.

މި އަހަރުގެ ބަޖެޓުގައި އަންދާޒާކޮށްފައި ވަނީ ގްރީން ޓެކްސްގެ ގޮތުގައި ދެ ބިލިއަން ރުފިޔާ ލިބޭނެ ކަމަށެވެ. ނަމަވެސް ފަންޑުގެ ބާކީ ހިސާބު ކުރަނީ ފަންޑުން ކުރާ ހަރަދު ކަނޑާފައި ކަމުގައި ވާތީ، އަހަރު ނިމޭއިރު ފަންޑުގައި ހުންނާނެ ވަރެއް ނޭނގެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox