ވަޒީރުންނާއި މެންބަރުން ހިމެނޭހެން އެންމެން ދަތީގައި އުޅެންޏާ ފަގީރުންގެ މިންގަނޑު ބަދަލު ކުރަންޖެހޭ: ޝަހީމް

ޒަކާތު ކޮންފަރެންސް ފެށުމުގެ ރަސްމިއްޔާތުގައި އިސްލާމިކް މިނިސްޓަރު ޝަހީމް ވާހަކަ ދައްކަވަނީ. -- ފޮޓޯ: އިސްލާމިކް މިނިސްޓްރީ

ޒަކާތު ކޮންފަރެންސް ފެށުމުގެ ރަސްމިއްޔާތުގައި އިސްލާމިކް މިނިސްޓަރު ޝަހީމް ވާހަކަ ދައްކަވަނީ. -- ފޮޓޯ: އިސްލާމިކް މިނިސްޓްރީ

ވަޒީރުންނާއި ރައްޔިތުންގެ މަޖިލީހުގެ މެންބަރުން ވެސް ހިމެނޭހެން ގައުމުގެ އެންމެން ދަތި ހާލުގައި އުޅެންޏާ ފަގީރުންނާއި މިސްކީނުންނަކީ ކޮބައިކަން ކަނޑައެޅުމުގެ މިންގަނޑު ބަދަލު ކުރަން ޖެހޭ ކަމަށާއި ޒަމާނީ މަފުހޫމުތަކާ އެއްގޮތަށް އެކަން ކަނޑައެޅުމުގެ މަސައްކަތް ފަށާފައިވާ ކަމަށް އިސްލާމިކް މިނިސްޓަރު މުހައްމަދު ޝަހީމް އަލީ ވިދާޅުވެއްޖެ އެވެ.

އިސްލާމީ މަރުކަޒުގެ ޖަލްސާކުރާ މާލަމުގައި މިއަދު ކުރިއަށް ގެންދާ ޒަކާތު ކޮންފަރެންސް ފެށުމުގެ ރަސްމިއްޔާތުގައި ޝަހީމް ވިދާޅުވީ ފަގީރުންނާއި މިސްކީނުންނަކީ ކޮބައިކަން ފަހުގެ މަފުހޫމުގެ ތެރެއިން ބަދަލު ކުރެވިދާނެ ކަމަށެވެ.

"ދިރިއުޅޭނެ ތަނެއް ނެތް. މީހުން މި އުޅެނީ ވަރަށް ދަތީގައި. ވަޒީރުން ވެސް އުޅެނީ ދަތީގައި. މަޖިލިސް މެންބަރުން ވެސް އުޅެނީ ދަތީގައި. މުޅި ގައުމު ދަތީގައި އުޅެންޏާ، އެބަޖެހޭ ފަގީރުންނާއި މިސްކީނުން މި ޒަމާނުގެ މަފުހޫމުގައި ކަނޑައަޅަން، ކޮބައިތޯ ހަގީގަތުގައި ފަގީރުންނާއި މިސްކީނުންނަކީ،" ޝަހީމް ވިދާޅުވި އެވެ.

Advertisement

ޒަކާތުގެ ނިޒާމުގެ ތެރެއިން ފަގީރުންނާއި މިސްކީނުންނަށް ދިރިއުޅުމުގައި ބޭނުންވާ ތަފާތު ޒަރޫރީ ކަންކަމަށް އެހީތެރިވުމުގެ ތަސައްވުރެއް އެކުލަވާލުމުގެ މަސައްކަތް ކުރަމުން ގެންދަވާ ކަމަށް ވެސް ޝަހީމް ވިދާޅުވި އެވެ. އޭގެ ތެރޭގައި ތައުލީމާއި ބޭސްފަރުވާ، އަދި ބޯހިޔާވަހިކަން ވެސް ހިމެނޭ ކަމަށް ޝަހީމް ފާހަގަ ކުރެއްވި އެވެ.

"ފަގީރުންނާއި މިސްކީނުންގެ ބައި އިތުރަށް ތަރައްގީކުރާނެ ކަންތައްތަކުގެ މައްޗަށް މިނިސްޓްރީން މި ވަނީ ކަރުދާހެއް ތައްޔާރުކުރުމުގެ މަސައްކަތް ފަށާފަ، ވަޒީރުންގެ މަޖިލީހަށް ހަށަހަޅައި މަޝްވަރާކުރުމަށް," ޝަހީމް ވިދާޅުވި އެވެ.

"ފަގީރުންނާއި މިސްކީނުންނަށް ދިރިއުޅުމުގައި ބޭނުންވާ ތަފާތު ޒަރޫރީ ކަންކަތަކަށް ޒަކާތު ފަންޑުން އެހީތެރިވުމުގެ ތަސައްވުރު މިހާރު އަޅުގަނޑުމެން އެކުލަވާލަމުން މިދަނީ. އޭގެތެރޭގައި ތައުލީމާއި ބޭސްފަރުވާ އާއި ބޯހިޔާވެހިކަމާ މިހެން ގޮސް މިކަންތައްތައް."

މިގޮތަށް ޒަކާތު ފަންނު ތަރައްގީ ކުރެވިއްޖެ ނަމަ ރާއްޖޭގައި ހެޔޮ މުޖުތަމައުއެއް އުފެދިގެން ދާނެ ކަމަށް ވެސް ޝަހީމް ވިދާޅުވި އެވެ.

ޝަހީމް ކުރިން އަދަދު ނޫހަށް ލިޔުއްވާފައިވާ ކޮލަމެއްގައި ވަނީ "ފަގީރަކީ ކެއުންބުއިމާއި ފޭރާމާއި އުޅޭނެ ތަނާއި ދިރިއުޅުމަށް ބޭނުންވާ އެހެނިހެން ޒަރޫރީ ކަންކަމުގައި އޭނާ އާއި އޭނާގެ ބަލަދުވެރިކަމުގެ ދަށުގައިވާ ފަރާތްތައް އިތުރު ފުދުންތެރިކަމަށް ބޭނުންޖެހިފައިވާ މީހާ" ކަމަށެވެ،

"އަޅުގަނޑު ދެކެނީ މި ޒަމާނުގައި ޝަރުޢީ ގޮތުން ފަގީރުންގެ މަފްހޫމު ބަޔާންކުރުމުގައި އާދަކާދަތަކާއި ހާލަތާއި ދިރިއުޅުމަށް އައިސްފައިވާ ބަދަލުތަކަށް ރިޢާޔަތްކުރެވެން ޖެހޭނެ ކަމުގަ،" އެ ކޮލަމްގައިވެ އެވެ.

ރާއްޖޭގެ ޒަކާތުގެ ނިޒާމު އިތުރަށް ހަރުދަނާކޮށް، ގައުމަށް އުޖާލާ މުސްތަގުބަލެއް ގެނައުމުގެ މަގު ފަހިކުރާނެ ގާނޫނެއް އެކުލަވާލުމުގެ މަސައްކަތް ކުރަމުންދާ ކަމަށާއި ގާނޫނުގައި ޒަކާތުގެ އިދާރީ މެނޭޖުމެންޓާއި، ޝަރުއީ ހަމަތަކާއި، ޒަކާތުގެ ފައިސާ އިންވެސްޓުކުރާނެ ހަމަތައް ވެސް ހިމެނޭނެ ކަމަށް ޝަހީމް ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox