އުމްރާއަށް މީހުން ގެންދަން އަސްކޮއިއަށް ދީފައިވާ ހުއްދަ މިނިސްޓްރީން ހިފަހައްޓައިފި

އަސްކޮއި ކުންފުނީގެ ވެރިޔާ އަދި އެ ކުންފުނިން އުމްރާވެރިންނަށް ފޮނުވި މެސެޖު

އަސްކޮއި ކުންފުނީގެ ވެރިޔާ އަދި އެ ކުންފުނިން އުމްރާވެރިންނަށް ފޮނުވި މެސެޖު

އަސްކޮއި ޓްރެވަލް ސާވިސް ޕްރައިވެޓް ލިމިޓެޑުން މި ފަހަރު ވެސް ގިނަ ބައެއްގެ އަތުން ފައިސާ ނެގުމަށް ފަހު އުމްރާގެ އަޅުކަމަށް ނުގެންދިޔަ މައްސަލައިގައި އެ ކުންފުންޏަށް އިސްލާމިކް މިނިސްޓްރީން ދީފައިވާ ހުއްދަ މިއަދު ހިފަހައްޓައިފި އެވެ.

އިސްލާމިކް މިނިސްޓްރީން ބުނީ އަސްކޮއިގެ ހުއްދަ މުއްދަތެއް ނެތް ގޮތަށް ހިފެހެއްޓުމުގެ އިތުރުން އެ ކުންފުނި ޖޫރިމަނާ ކުރުމަށް ވެސް ނިންމާފައިވާ ކަމަށެވެ. އެކަމަކު ޖޫރިމަނާ ކުރަން ކަނޑައަޅާ ވަކި އަދަދެއް މިނިސްޓްރީން ނުނިންމަ އެވެ.

އުމްރާއަށް ދިޔުމަށް އެކި ކުންފުނިތަކަށް އިސްލާމިކް މިނިސްޓްރީން ދޫކުރަނީ ދެ އަހަރުގެ ހުއްދައެކެވެ. ރާއްޖެއިން ގިނަ އަދަދެއްގެ ކުންފުނިތަކުން މީހުން އުމްރާއަށް ގެންދެ އެވެ. ނަމަވެސް ހައްޖައަށް މީހުން ގެންދަނީ ހައްޖު ކޯޕަރޭޝަނުން އެކަންޏެވެ.

Advertisement

މިނިސްޓްރީން ނިންމީ އަސްކޮއިގެ އެއްވެސް ހިއްސާދާރެއް ހިމެނޭ އެހެން ކުންފުންޏަކަށް ވެސް އުމްރާއަށް މީހުން ގެންދިޔުމުގެ ހުއްދަ ނުދިނުމަށާއި އުމްރާއަށް ދާން މީހުން ދައްކާފައިވާ ފައިސާ އަނބުރާ ދައްކަން އެ ކުންފުންޏަށް އެންގުމަށެވެ.

އަސްކޮއިގެ ހުއްދަ ހިފަހައްޓައި ޖޫރިމަނާ ކުރަން ނިންމީ އެ ކުންފުނީގެ ހަވާލުގައި އުމްރާއަށް ދިއުމަށްޓަކައި ފައިސާ ދައްކާފައިވާ މީހުން ޖުލައި 24، ގައި ފުރަން ހަމަޖެހިފައިވާކަން އެންގުމަށްފަހު އެންމެ ފަހުވަގުތު ކެންސަލް ކުރުމުން، ފައިސާ ދެއްކި މީހުން މިނިސްޓްރީއަށް ހުށަހެޅި ޝަކުވާ ބެލުމަށްފަހު އެވެ.

އުމްރާއަށް މީހުން ނުގެންދިޔުމަށް އުޒުރެއްގެ ގޮތުގައި މެދުއިރުމަތީގައި ނުރައްކާ ބޮޑުކަމަށް ބުނެ އަސްކޮއި ކުންފުނިން އޮޅުވައިލިއިރު އެފަދަ ހާލަތެއް ނެތެވެ.

އިސްލާމިކް މިނިސްޓްރީން ބުނީ އުމްރާއަށް ދިޔުމަށް މީހުން ދައްކާފައިވާ ފައިސާ އާއި ޕާސްޕޯޓާއި މުހިންމު ލިޔުންތައް ހޯދަން އަސްކޮއިގެ އިސްވެރިޔާއަށް ގުޅަން މަސައްކަތް ކުރި ނަމަވެސް، ފޯނަށް ޖަވާބު ދީފައި ނުވާ ކަަމަށާއި ރަސްމީކޮށް މިނިސްޓްރީއާ އެ ކުންފުނިން އެއްވެސް މުއާމަލާތެއް މިހާތަނަށް ނުކުރާ ކަމަށެވެ.

މިގޮތުން އިސްލާމިކް މިނިސްޓްރީން އަސްކޮއިއަށް ފޮނުވާފައިވާ އެއްވެސް ސިޓީއަކަށް ވެސް ޖަވާބު ލިބިފައި ނުވާކަން މިނިސްޓްރީން ފާހަގަކުރި އެވެ.

އަސްކޮއި ކުންފުންޏަށް މި ފަހަރު ފައިސާ ދައްކާފައިވާ ގދ. ތިނަދޫ މީހަކު ބުނީ އޭނާގެ އާއިލާގެ 13 މީހަކު 330,000ރ. ދައްކާފައިވާ ކަމަށެވެ.

"އަޅުގަނޑަށް އެނގިފައިވާ ގޮތުން 28 މީހުންގެ އާއިލާއެއް ވެސް އަސްކޮއި އަށް މި ފަހަރު ފައިސާ ދެއްކި. މަދުވެގެން ފަންސާހަކަށް މީހުން ފައިސާ ދައްކާފައި ވާނެ އުމްރާއަށް ދާން،" އޭނާ ބުންޏެވެ.

މިދިޔަ ރޯދަ މަހު ވެސް އަސްކޮއިން މީހުން އުމްރާއަށް ގެންދިޔުމަށް އިސްތިހާރުކޮށް ފައިސާ ނެގުމަށް ފަހު އުމްރާ އަށް ނުގެންދިޔަ މައްސަލައިގައި އެ ކުންފުނި 130،000ރ. އިން ޖޫރިމަނާކޮށްފައިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox