އިނގިރޭސިވިލާތުން ދިވެހި ފުލުހުންނަށް ކައުންޓާ ޓެރަރިޒަމްގެ ތަމްރީނުތަކެއް ދީފި

May 20, 2025, 3:15 AM
ތަމްރީނު ހެދި ދިވެހި ފުލުހުން: ޓެރަރިޒަމްގެ ހަމަލާއަކަސް ރެސްޕޮންޑު ކުރާނެ ގޮތް ދަސްކޮށްދިން -- ފޮޓޯ: ފުލުހުން

ތަމްރީނު ހެދި ދިވެހި ފުލުހުން: ޓެރަރިޒަމްގެ ހަމަލާއަކަސް ރެސްޕޮންޑު ކުރާނެ ގޮތް ދަސްކޮށްދިން -- ފޮޓޯ: ފުލުހުން

އިނގިރޭސިވލާތުގެ ސަރުކާރާއި ދިވެހި ފުލުހުންގެ ކައުންޓާ ޓެރަރިޒަމް އިންޓެލިޖެންސް ޑިޕާޓްމަންޓުން ދިވެހި ފުލުހުންނަށް ޓެރަރިޒަމްއާ ގުޅޭ ތަމްރީނުތަކެއް ނަގައިދީފި އެވެ.

ފުލުހުން ބުނީ އިނގިރޭސިވިލާތުގެ ސަރުކާރުން ހިންގާ "އިންޓަނޭޝަނަލް ޕްރޮޓެކްޓް އެންޑް ޕްރިޕެއާ" ޕްރޮގްރާމް ހިންގާފައި ވަނީ ނޯތު ސެންޓްރަލް ޕޮލިހުގެ މުވައްޒަފުންނަށް އަމާޒުކޮށް ކަމަށެވެ. އެ ތަމްރީނުތައް ކުރިއަށް ގެންދިޔައީ އދ. މަހިބަދޫގަ އެވެ.

ފުލުހުން ބުނީ ކުރިއަށް ގެންދިޔައީ "ޓެރަރިސްޓް އިންސިޑެންޓް ފަސްޓް ރެސްޕޮންސް އެވެއާނަސް" ޕްރޮގްރާމަކާއި "ޓެރަރިސްޓް އިންސިޑެންޓް ކޮމާންޑު ރެސްޕޮންސް އެވެއާނަސް" ޕްރޮގްރާމެއް ކަމަށެވެ. އެ ދެ ތަމްރީނު ޕްރޮގްރާމު ވެސް ކުރިއަށް ގެންދިޔައީ މިދިޔަ ހަފުތާގަ އެވެ.

ފުލުހުން ބުނީ ޓެރަރިސްޓު ހަމަލާއެއް ރާއްޖެއަށް ދީފި ނަމަ ހުޝިޔާރުވެ ތިބުމަށާއި ފާރަވެރިކަމާއެކު އެފަދަ ހަމަލާއަކަށް ރެސްޕޮންޑު ކުރުމުގެ ހުނަރުތައް އެ ޕްރޮގްރާމުގައި ދަސްކޮށްދީފައިވާ ކަމަށެވެ.

އޭގެ އިތުރުން، ޓެރަރިސްޓު ހަމަލާއެއް ދީފި ނަމަ ރަށްރަށާއި ރިސޯޓުތަކާއި ސިނާއީ ރަށްތަކަށް އެންމެ ގާތުން ރެސްޕޮންޑު ކުރާނެ ފުލުހުން އަމަލު ކުރާނެ ގޮތްތައް ވެސް ތަމްރީނުގައި ކިޔައިދީފައިވާ ކަމަށް ފުލުހުން ބުނެ އެވެ. އަދި ޓެރަރިޒަމްގެ ހަމަލާއެއް ދީފައިވާ ސީނެއްގައި އަމަލު ކުރާނެ ގޮތް ވެސް އެ ތަމްރީނުތަކުގައި ދަސްކޮށްދިނެވެ.

"މި ޕްރޮގްރާމުގެ ސަބަބުން، ޓެރަރިޒަމާ ދެކޮޅަށް ދިވެހި ފުލުހުންގެ ޚިދުމަތުން ކުރަމުންދާ މަސައްކަތްތަކަށް ރެސްޕޯންޑުކުރުމުގެ ގާބިލުކަން، އަތޮޅު ތެރޭގައި މަސައްކަތްކުރާ ފުލުހުންގެ ކިބައިގައި އިތުރުވެގެންދާނެ،" ފުލުހުން ބުންޏެވެ.

ރާއްޖޭގައި ފާހަގަކޮށްލެވޭ ޓެރަރިޒަމްގެ ދެ ހަމަލާއެއް ދީފައިވެ އެވެ. އެއީ ސެޕްޓެމްބަރު، 2007، ގައި ސަލްޓަންޕާކުގައި ކުޑަ ބޮމެއް ގޮއްވާލައިގެން ދިން ހަމަލާ އާއި ކުރީގެ ރައީސް މުހައްމަދު ނަޝީދު އަވަހާރަކޮށްލަން މެއި 6، 2021، ގައި ދިން ބޮމުގެ ހަމަލާ އެވެ.

ސަލްޓަން ޕާކުގައި ދިން ބޮމުގެ ހަމަލާގައި 12 ފަތުރުވެރިއަކަށް އަނިޔާވި އެވެ. އެކަމަކު، އެއްވެސް މީހަކަށް ސީރިއަސް އަނިޔާއެއް ނުވެ އެވެ. އެ ހަމަލާ ދިންތާ 48 ގަޑިއިރުގެ ތެރޭގައި ފުލުހުން ވަނީ 12 މީހަކު ހައްޔަރުކޮށްފަ އެވެ. އެއީ 10 ދިވެހިން އަދި ބިދޭސީ ދެ މީހެކެވެ.

ރައީސް ނަޝީދަށް ދިން ބޮމުގެ ހަމަލާގައި ނަޝީދުގެ އިތުރުން އެމަނިކުފާނުގެ ދެ ބޮޑީގާޑުން އަދި އިތުރު ދެ މީހަކަށް އަނިޔާވި އެވެ. އޭގެ ތެރޭގައި އިނގިރޭސިވިލާތުގެ ރައްޔިތަކު ވެސް ހިމެނެ އެވެ. ނަޝީދަށް ދިން ހަމަލާއާ ގުޅިގެން 10 މީހަކު ހައްޔަރު ކުރި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox