ސިނގިރޭޓު އުފައްދާ ގެއިން ފުލުހުން އަތުލައިގަތް ތަކެތި ދޫކޮށްލަން ކޯޓުން އަމުރުކޮށްފި

މާލޭގައި ވަގަށް ސިނގިރޭޓް އުފައްދަމުންދިޔަ ގެއަކުން ތަކެތި އަތުލައިގަތުން: އެ ތަކެތި ދޫކޮށްލަން ކޯޓުން ވަނީ އަމުރުކޮށްފައި -- ފޮޓޯ: އަދަދު ފައިލް

މާލޭގައި ވަގަށް ސިނގިރޭޓް އުފައްދަމުންދިޔަ ގެއަކުން ތަކެތި އަތުލައިގަތުން: އެ ތަކެތި ދޫކޮށްލަން ކޯޓުން ވަނީ އަމުރުކޮށްފައި -- ފޮޓޯ: އަދަދު ފައިލް

މާލޭގައި ވަގަށް ސިނގިރޭޓު އުފެއްދުމުގެ މަސައްކަތް ކުރަމުންދިޔަ ހ. ހުޅުގަލީ ގެ އެޕާޓްމަންޓެއް ރެއިޑުކޮށް ފުލުހުން އަތުލައިގަތް ތަކެތި ދޫކޮށްލަން ކްރިމިނަލް ކޯޓުން އަމުރުކޮށްފި އެވެ.

އެ ތަކެތި އަތުލައިގަތުމާ ގުޅިގެން ރެއިޑިއަސް ޕްރައިވެޓް ލިމިޓެޑުން މުދާ ހޯދުމުގެ އަމުރަކަށް އެދި ކްރިމިނަލް ކޯޓަށް މިދިޔަ އާދީއްތަ ދުވަހު ހުށަހެޅުމުން އެ ކޯޓުން ކުރި ހުކުމުގައި ފުލުހުންގެ މައްޗަށް އަމުރުކުރީ ތިން ދުވަހުގެ ތެރޭގައި ބައެއް މުދާ އެ ކުންފުންޏަށް ދޫކުރުމަށެވެ.

ނަމަވެސް ރެއިޑިއަސް އިން ދޫކޮށްދިނުމަށް އެދިފައިވާ ސިނގިރެޓާއި، ދުންފަތް ވިއްކުމަށް ދައުލަތުގެ ކަމާބެހޭ އިދާރާތަކުން ހޯދަން ޖެހޭ ހުއްދަ އާއި ލައިސަންސް ހޯދުމަށްފަހު ފުލުހުންނަށް ހުށަހަޅާ ތާރީހުން ފެށިގެން އެތަކެތި އެ ކުންފުންޏަށް ދޫކުރަން ވެސް އަމުރުގައިވެ އެވެ.

ފުލުހުންގެ ބެލުމުގެ ދަށުން ތިން ދުވަސް ތެރޭގައި ދޫކޮށްލަން އަމުރުކުރި ތަކެތި:

  • 211 ނޫކުލައިގެ ސިނގިރޭޓް ޕެކްކުރަން ރާވާފައި ހުރި ހުސް ފޮށި.
  • 200 ނޫކުލައިގެ ސިނގިރޭޓް ޕެކްކުރަން ރާވާފައިހުރި ހުސް ފޮށި.
  • ކޮންމެ ފޮއްޓެއްގައި 200 ރަތް ކުލައިގެ ސިނގިރޭޓް ޕެކްކުރަން ރާވާފައިހުރި ހުސް ފޮށި
  • 1،000 ރަތް ކުލައިގެ ސިނގިރޭޓް ޕެކްކުރަން ރާވާފައި ހުރި ހުސް ފޮށި
  • 61 ރަތް ކުލައިގެ ސިނގިރޭޓް ޕެކްކުރަން ރާވާފައި ހުރި ހުސް ފޮށި
  • 401 ނޫކުލައިގެ ސިނގިރޭޓް ޕެކްކުރަން ރާވާފައި ހުރި ހުސް ފޮށި.
  • 418 ރަތް ކުލައިގެ ސިނގިރޭޓް ޕެކްކުރަން ރާވާފައި ހުރި ހުސް ފޮށި.
  • 02 ބޮކްސިން މެޝިން.

އަމުރުގައި އިތުރަށް ބުނެފައި ވަނީ މުދާ ދޫކުރެވެންދެން ނުވަތަ މުދަލާއި މެދު ވަކި ގޮތަކަށް އަމަލު ކުރެވެގެންދެން މުދާ ރައްކާތެރިކަމާ އެކު ބެލެހެއްޓުމަށާއި ރެއިޑިއަސް އިން ދޫކޮށްދިނުމަށް އެދިފައިވާ ސިނގިރެޓާއި، ދުންފަތް ފޮރެންސިކް ތަހުލީލު ހެދުމަށް ބޭނުންވާ ސާމްޕަލް ނެގުމަށް އެއްބާރުލުން ދިނުމަށެވެ.

"ޖިނާއީ އިޖުރާއަތުގެ ގާނޫނުގެ 37 ވަނަ މާއްދާގެ (ނ) ގެ ދަށުން ރެއިޑިއަސް ޕވޓ ލޓޑ އިން ދޫކޮށްދިނުމަށް އެދިފައިވާ މުދާ އެއްވެސް ޝަރުތެއް ނެތި އެފަރާތަށް ދޫކުރުމަށް؛ އަދި ޖިނާއީ އިޖުރާއަތުގެ ގާނޫނުގެ 37 ވަނަ މާއްދާގެ (ބ) ގެ ދަށުން ރެއިޑިއަސް ޕވޓ ލޓޑ އިން ދޫކޮށްދިނުމަށް އެދިފައިވާ މުދާ ޝަރުތު ކުރުމަށްފަހު އެފަރާތަށް ދޫކުރުމަށް ނިންމަން ފެނޭ،" ހުކުމުގައި ބުންޏެވެ.

ހުކުމުގައި އިތުރަށް ބުނެފައި ވަނީ ދުންފަތް ކޮންޓްރޯލް ކުރުމާ ބެހޭ ގާނޫނާއި ހިލާފަށް އެއްވެސް އަމަލެއް ރެއިޑިއަސް އިން ނުކުރުމަށް އަންގާ ކަމަށެވެ.

ރެއިޑިއަސް އިން ކޯޓުގައި ބުނެފައިވާ ވާހަކަތަކަށް ބަލާއިރު އެ ކުންފުނިން ބުނި ހިފަހައްޓާފައިވާ މުދާ ވިއްކައިގެން ފަސް މިލިއަން ރުފިޔާ ލިބޭނެ ކަމަށާއި އެ މުދާ ވަކި ފިނިހޫނު މިނެއްގައި ރައްކާތެރިކަމާ އެކު ނުބަލަހައްޓާނަމަ އެއިގެ އަގު ދަށްވެ ނުވަތަ އެއްކޮށް އަގު ގެއްލުމުގެ އިހްތިމާލު އޮތް ކަމަށެވެ.

އެނގިފައިވާ ގޮތުގައި ސިނގިރޭޓު އުފައްދަނީ މާލެއަށް ނިސްބަތްވާ ރައްޔިތުންގެ މަޖިލީހުގެ މެންބަރެއްގެ އާއިލާއިންނެވެ. އުފައްދާ ސިނގިރޭޓަށް ކިޔަނީ "އެޗްޑީ" އެވެ.

ފުލުހުން ކުރިން ބުނީ ސިނގިރޭޓު އުފެއްދިގެއިން ކާޑުބޯޑު 103 ފޮށިގަނޑު އަތުލައިގަތް ކަމަށެވެ. އޭގެ ތެރޭގައި ދުންފަތް ހުރި ފޮށި ވެސް ހިމެނޭ ކަމަށް އޭރު ފުލުހުން ބުންޏެވެ.

ސިނގިރޭޓުން ނަގާ ޑިއުޓީ ބޮޑު ކުރި ފަހުން ސިނގިރޭޓުގެ އަގު 240ރ. އަށް އެރިއިރު ވެސް، އެޗްޑީ އަދި ނިއު ލެޖެންޑް އޭރު ވިއްކަމުންދިޔައީ 100ރ. އަށް ވުރެ ދަށުންނެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox