ޕޮލްކޯ ފްލެޓުތައް އެޅުމުގައި ގޯހެއް ނުހަދާ ކަމަށް ބުނެ އައިލެންޑް އެކްސްޕާޓުގެ ސިޓީއެއް އޭސީސީއަށް

އައިލެންޑް އެކްސްޕާޓާއި ނޫމަޑީގެ ވެރިޔާ އަނޮން ---

އައިލެންޑް އެކްސްޕާޓާއި ނޫމަޑީގެ ވެރިޔާ އަނޮން ---

ފުލުހުންގެ ހައުސިން ޕްރޮޖެކްޓު ނުވަތަ ބްލޫސް ހައުސިން ޕްރޮޖެކްޓު ކުރިއަށް ގެންދިއުމުގެ ގޯހެއް ނުހަދާ ކަމަށް ބުނެ އެ މަޝްރޫއުގެ މަސައްކަތް ކުރިއަށް ގެންދިޔަ އައިލެންޑް އެކްސްޕާޓު ކުންފުނިން އެންޓި ކޮރަޕްޝަން ކޮމިޝަން (އޭސީސީ) އަށް ސިޓީއެއް ފޮނުވައިފި އެވެ.

އައިލެންޑް އެކްސްޕާޓުގެ މެނޭޖިން ޑިރެކްޓަރު އަނޮން ސޮންގްޕަންޔާ ސޮއިކޮށް ފޮނުވި ސިޓީގެ ކޮޕީއެއް މި ނޫހަށް ވަނީ ލިބިފަ އެވެ. އިއްޔެ ފޮނުވި މި ސިޓީގައި ބުނެފައިވަނީ އޮޑިޓު ރިޕޯޓުގައި ހިމަނާފައިވަނީ އަސްލެއް ނެތް މާލީ ހިސާބުތަކެއް ކަމަށެވެ.

އެ ގޮތުން، އެ ކުންފުނިން އޮޑިޓުކޮށްފައިވާ ބޭންކު ސްޓޭޓްމަންޓުތަކާއި ފައިނޭންޝަލް ސްޓޭޓްމަންޓުތައް އަދި ޓެކްސް ރަސީދުތަކާއި އޮޑިޓު އޮފީހުގެ ހިސާބުތައް ދިމާނުވާކަން އައިލެންޑް އެކްސްޕާޓުން ފާހަގަކޮށްފައިވެ އެވެ.

"މި ކުންފުނިން އަދި ކުންފުނީގެ މުވައްޒަފުން ވެސް ގާނޫނާ ހިލާފު އެއްވެސް އަމަލެއް ކޮށްފައެއް ނުވާނެ. އެހެންކަމުން 'ބްލޫސް ހައުސިން؛ މަޝްރޫއު އިން އެއްވެސް ނާޖާއިޒު ފައިދާއެއް މި ކުންފުންޏަށް ލިބުނު ކަމަށް ބުނެ ކުރާ ތުހުމަތުތައް ދޮގުކުރަން،" ސިޓީގައި ބުނެފައިވެ އެވެ.

އޮޑިޓާ ޖެނެރަލް އޮފީހުން ތައްޔާރުކުރި ހާއްސަ އޮޑިޓު ރިޕޯޓުގައިވާ ގޮތުގައި މި މަޝްރޫއަށް އެކި ދުވަސްވަަރުގެ ތެރޭގައި ގެނައި ބަދަލުތަކުގެ ސަބަބުން މުޅި މަޝްރޫއަށް 1.1 ބިލިއަން ރުފިޔާއާ ގާތަށް ހަރަދުކުރަން ޖެހިފައިވާ ކަމަށެވެ.

ފުލުހުންގެ ކޯޕަރޭޓިވް, ޕޮލްކޯއިން މި ފްލެޓުތަކުގެ މަސައްކަތް އެންމެ ފުރަތަމަ ހަވާލުކުރީ ޖޫން 30, 2013 ގައި ނޫމަޑި ރިސޯޓްސް އެންޑް ރެސިޑެންސަސްއާ 580 މިލިއަން ރުފިޔާއަށެވެ. އެ އެއްބަސްވުން ބާތިލުކޮށް މާޗު 17, 2017 ގައި އައިލެންޑް އެކްސްޕާޓާ މަސައްކަތް ހަވާލުކުރީ ނޫމަޑީގެ މަސައްކަތް ލަސްވާތީ އެވެ.

މި މައްސަލަ އޭސީސީން ތަހުގީގުކުރަމުންދާއިރު އެ ތަހުގީގަށް ފުރިހަމަ އެއްބާރުލުން ދޭނެ ކަމަށްވެސް އައިލެންޑު އެކްސްޕާޓުން ބުނެފައިވެ އެވެ. އަދި، މި މައްސަލާގެ ހަބަރުތައް ގެނެސްދިން ގޮތާމެދު މީޑިއާތަކަށް އެ ކުންފުނިން ވަނީ ވަރަށް ބޮޑަށް ފާޑުކިޔާފަ އެވެ.

އެގޮތުން، ނޫސްވެރިން މި ހަބަރުތައް ގެނެސްދިންއިރު ކުންފުނީގެ ބަސް ހޯދާފައި ނުވާ ކަން އައިލެންޑު އެކްސްޕާޓުން ބުނެފައިވެ އެވެ. ނަމަވެސް، އޭސީސީއަށް ފޮނުވި ސިޓީގައިވެސް އެ ކުންފުނިން ޖަހާފައިވަނީ ނުބައި ފޯނު ނަމްބަރެކެވެ. އެ ނަމްބަރަށް މި ފޯނުން ގުޅުމުން ޖަވާބުދިނީ އޮނެސްޓޯ ކިޔާ ކުންފުންޏަކުންނެވެ.

ފުލުހުންގެ ފުލެޓުތަކުގެ މައްސަލަ ތަހުގީގުކުރުމަށް އޭސީސީ އިން ދެ ފަހަރެއްގެ މަތިން ޕޮލްކޯގެ އޮފީހަށް ވަދެފައިވެ އެވެ.

ރައްޔިތުންގެ މަޖިލީހުގެ މާލިއްޔަތު ކޮމިޓީން އެ މައްސަލަ ދިރާސާ ކުރަމުން ދަނިކޮށް ޕޮލްކޯގައި އިތުރު ކޮރަޕްޝަންތަކެއް ވެސް ފުޅާ ދާއިރާއެއްގައި ހިންގަމުންދާ ކަމަށް ބުނެ އެ އިދާރާގައި މަސައްކަތް ކުރާ މީހަކު ވަނީ މަޖިލީހަށް ސިޓީއެއް ފޮނުވައިފަ އެވެ.

މި މައްސަލަތައް ތަހުގީގުކުރަމުން ދަނިކޮށް ޕޮލްކޯގެ ސީއީއޯ، އަހުމަދު އަނީސް މަގާމުން ވަކިކުރަން އެ ކުންފުނީގެ ބޯޑަށް ވަނީ ހުށަހަޅާފަ އެވެ. އަދި، ޕޮލްކޯގެ ޗެއާމަންވެސް ވަނީ މަގާމުން އިސްތިއުފާދެއްވާފަ އެވެ.

ކޮމެންޓް

ފަހުގެ ޚަބަރު

ޓުއާ އޮޕަރޭޓަރުން އަތުން ނަގާ ޓެކްސް އުވާލަން ކޮމިޓީން ފާސްކޮށްފި

ބޭރުގެ ޓުއާ އޮޕަރޭޓަރުންގެ އަތުން ޓެކްސް ނެގުމަށް ގާނޫނަށް ގެނައި ބަދަލު އުވާލުމަށާއި، ޖީއެސްޓީ ނަގަންޖެހޭ އާމްދަނީގެ މިންގަނޑު 1.5 މިލިއަން ރުފިޔާއަށް މަތިކުރުމަށް ރައްޔިތުންގެ މަޖިލީހުގެ އިގްތިސޯދީ ކޮމިޓީން ވަނީ ފާސްކޮށްފައި. މި އިސްލާހުތަކުގެ މަގުސަދަކީ ކުދި ވިޔަފާރިތަކަށް ހުރި ގޮންޖެހުންތައް ކުޑަކޮށް، ވިޔަފާރިތައް ކުރިއެރުވުމަށް ފުރުސަތު ދިން.

ހަރަދުގެ ތަފްސީލް ބަލަހައްޓާފައިނުވާތީ އަދާލަތު ޖޫރިމަނާކޮށްފި

ސިޔާސީ ޕާޓީތަކުގެ ގާނޫނާ އެއްގޮތަށް ހަރަދުތަކުގެ ތަފްސީލު ބަލަހައްޓާފައި ނުވާތީ، އިލެކްޝަންސް ކޮމިޝަނުން އަދާލަތު ޕާޓީ 25,000 ރުފިޔާއިން ވަނީ ޖޫރިމަނާކޮށްފައި. މި ފިޔަވަޅު އެޅީ އެ ޕާޓީގެ 2024 ވަނަ އަހަރުގެ އޮޑިޓް ރިޕޯޓުގައި ބައެއް މުދަލާއި ތަކެތީގެ އަގު ކަށަވަރުކުރެވޭނެ ލިޔެކިޔުންތައް ނެތްކަން ފާހަގަކޮށްފައިވާތީ.

މޫސުން ގޯސްވެ އުތުރުގެ އަތޮޅުތަކަށް ޔެލޯ އެލާޓު ނެރެފި

ހުޅަނގު މޫސުމުގެ ބާރުގަދަވެ ރާއްޖެއަށް ކުރަމުންދާ ވިއްސާރައިގައި، ހއ. އަތޮޅުން ފެށިގެން ޅ. އަތޮޅާ ހަމައަށް މެޓް އޮފީހުން ޔެލޯ އެލާޓް ނެރެފިއެވެ. ކުރިއަށް އޮތް ދުވަސްތަކުގައި ރާއްޖޭގެ ބޮޑު ބަޔަކަށް ބޯކޮށް ވާރޭވެހި ފެންބޮޑުވާނެ ކަމަށް ލަފާކުރެވޭތީ މޫސުމަށް ސަމާލުވުމަށް ވަނީ އިލްތިމާސްކޮށްފައެވެ.

ރިސޯޓުތަކުގައި ދީނުގެ ހުރުމަތް ކެނޑިގެން ނުވާނެ: އަދާލަތު

ރާއްޖޭގެ ރިސޯޓެއްގައި އެއްޖިންސުން ކައިވެނިކުރި މައްސަލަ އަދާލަތު ޕާޓީން ހަރުކަށި އިބާރާތުން ކުށްވެރިކޮށް، އެކަމުގައި ބައިވެރިވި ފަރާތްތަކަށް ފިޔަވަޅު އެޅުމަށް ވަނީ ގޮވާލާފައެވެ. މި މައްސަލަ ފުލުހުން ތަހުގީގު ކުރަމުންދާއިރު، ރާއްޖޭގެ ގާނޫނުތަކާއި ދީނީ އުސޫލުތަކާ ހިލާފު މިފަދަ އަމަލުތައް ނުހިންގުމަށް ފުލުހުން ވަނީ އިލްތިމާސްކޮށްފައެވެ.

ފެނަކައިގެ މަހިބަދޫ ބްރާންޗުން 11 މުވައްޒަފަކު ވަކިކޮށްފި

އދ. މަހިބަދޫ ފެނަކަ ބްރާންޗުގެ މަސައްކަތްތައް ސްޓެލްކޯގެ ދަށަށް ބަދަލުކުރުމަށްފަހު، ވަޒީފާގެ ޔަގީންކަން ދީފައިވަނިކޮށް 11 މުވައްޒަފަކު ވަނީ ކުއްލި ގޮތަކަށް ވަނީ ވަކިކޮށްފައި. ވަކިކުރި މުވައްޒަފުން ތުހުމަތުކުރާ ގޮތުގައި މިއީ ސިޔާސީ ނިންމުމެއް ކަމަށާއި، ވަޒީފާގައި ބޭތިއްބީ ހަމައެކަނި ސަރުކާރު ހިންގާ ޕާޓީއަށް ނިސްބަތްވާ މުވައްޒަފުން.

ފެންފުއްޓާ ފަރަށް އެރި "ދެރަހަ" ބޯޓުގެ ފަޅުވެރިން ސަލާމަތްކޮށްފި

މި ހާދިސާ ހިނގާފައިވަނީ ރޭގެ ދަންވަރުގެ ވަގުތެއްގަ އެވެ. އެ ހާދިސާގެ ރިޕޯޓު ލިބުމާއެކު، އެމްއެންޑީއެފް ސަދަން އޭރިއާ ކޮމާންޑް ކޯސްޓްގާޑް ފޯތު ސްކޮޑްރަންގެ ސިފައިން ވަނީ ވަގުތުން އެ ސަރަހައްދަށް ދަތުރުކޮށް، އެހީތެރިކަން ފޯރުކޮށްދޭން ފަށާފަ އެވެ.

ސޯޝަލްމީޑިއާގައި ދަރިވަރަކަށް ބުލީކުރި މައްސަލައެއް ބަލަނީ

މިއީ އިންޓަނެޓު މެދުވެރިކޮށް ބުލީކުރި މައްސަލައެއް ފުލުހުން ތަހުގީގުކުރާ ފުރަތަމަ ފަހަރު ކަމަށްވާއިރު، މި މައްސަލަ ބަލަމުންދަނީ ކަމާގުޅުންހުރި އެހެން އިދާރާތަކާ ގުޅިގެންނެވެ.

Newsletter

Get the latest news delivered straight to your inbox