އިންޑޮނީޝިއާގެ އެންމެ މަޝްހޫރު އަދި އެހެން ގައުމުތަކުގައި ވެސް މަގުބޫލުކަން ބޮޑު، ކަސްޓަމަރުންގެ އިތުބާރު ލިބިފައިވާ ޑެއިރީ މަރުކާއެއް ކަމަށްވާ "ސިމޯރީ" ކިރާއި އޭގެ ޔޯގަޓް ޑްރިންކު ބީއެޗްއެމް ޓްރޭޑާސްއިން ރާއްޖޭގެ ބާޒާރަށް ތައާރަފުކޮށްފި އެވެ.
މިއީ ނިއުޓްރިޝަނަލް ޑެއިރީ ޕްރޮޑަކްޓްތައް ދިވެހިންނަށް ލިބުން އިތުރު ކުރަން ތައާރަފު ކުރި ފެންވަރު ރަނގަޅު އުފެއްދުމެއް ކަމަށް، ނަން މަޝްހޫރު ގިނަ އެހެން އުފެއްދުންތަކެއްގެ ސޯލް ޑިސްޓްރިބިއުޓަރުކަން މިހާރު ވެސް އޮންނަ ބީޗްއެމްއެއިން ބުންޏެވެ.
ސިމޯރީ ކިރާއި ޔޯގަޓު ޑްރިންކުގެ ގިނަ ފްލޭވާތަކެއް އެބަ ހުއްޓެވެ. މި ތަކެތީގެ ރަހަ ތަޖުރިބާކޮށްލުމުގެ ފުރުސަތު، ހުޅުމާލޭ ފޭސް އެކެއްގެ ރުއްގަނޑުގައި ކުރިއަށްދާ ބާޒާރަށް ޒިޔާރަތް ކޮށްލުމުން ލިބޭނެ އެވެ.
ކޮންމެހެން ބޭނުންވާ ނިއުޓްރިއެންޓް ހިމެނޭ މި އުފެއްދުންތަކަކީ އާއިލާތަކަށާއި، ފިޓްނަސް އަށް ލޯބިކުރާ ފަރާތްތަކަށް އަދި ކުޑަ ކުދިންނަށް ވެސް ރަނގަޅު އުފެއްދުމެކެވެ.
މިފަދަ މަތީ ފަންތީގެ ރާއްޖޭގެ ބާޒާރަށް ތައާރަފު ކުރެވުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް ކަމަށް ބީއެޗްއެމް މެނޭޖަރު އިބްރާހިމް ޝަރީފު ވިދާޅުވި އެވެ.
ސިމޯރީ ކިރުގައި މުހިއްމު ނިއުޓްރިއެންޓްސް ކަމަށްވާ ޕްރޮޓީން، ކާބޯހައިޑްރޭޓްސް، ވިޓަމިންސް އަދި ކެލްސިއަމް، ފޮސްފަރަސް، މެގްނީޒިއަމް އަދި ޒިންކް ފަދަ ތަފާތު މާއްދާތައް ހިމެނެއެވެ. ފެންވަރު ރަނގަޅު ކިރުން އުފައްދާފައިވާ ސިމޯރީ ޔޯގަޓު ޑްރިންކުގެ ރަހަ ހެޔޮވަރުކޮށްފައި ވަނި ތާޒާ މޭވާއިންނެވެ. މީގައި ޕްރޮޓީން، ކެލްސިއަމް އަދި ފައިބަރ ހިމެނޭތީ ސިއްހަތަށް ގިނަގުނަ ފައިދާތަކެއް ލިބެ އެވެ
