ސިނގިރޭޓު މައްސަލައިގައި ހޯކްސްއަށް ސިއްރުން މުދާ އެތެރެ ކުރުމާއި މަނީ ލޯންޑަރިންގެ ތުހުމަތު

މިދިޔަ އަހަރު ރާއްޖެއަށް ވަގަށް އެތެރެކުރި ސިނގިރޭޓުތައް: މިހާރު ކަޅު ބާޒާރުގައި އެންމެ ގިނައިން ދައުރު ވަމުން ދަނީ މި ބްރޭންޑުގެ ސިނގިރޭޓު -- ފޮޓޯ: ކަސްޓަމްސް

މިދިޔަ އަހަރު ރާއްޖެއަށް ވަގަށް އެތެރެކުރި ސިނގިރޭޓުތައް: މިހާރު ކަޅު ބާޒާރުގައި އެންމެ ގިނައިން ދައުރު ވަމުން ދަނީ މި ބްރޭންޑުގެ ސިނގިރޭޓު -- ފޮޓޯ: ކަސްޓަމްސް

މިދިޔަ އަހަރު 200 މާސްޓާ ކާޓަން ސިނގިރޭޓު ވަގަށް އެތެރެކުރި މައްސަލައާ ގުޅިގެން ފުލުހުން ކުރަމުންދާ ތަހުގީގަށް މިހައިތަނަށް ލިބުނު މައުލޫމާތުގެ އަލީގައި ދަ ހޯކްސް ޕްރައިވެޓް ލިމިޓެޑަށް ކުރެވެނީ މަނީ ލޯންޑަރިންގެ ކުށާއި ސިއްރުން ދިވެހިރާއްޖެއަށް މުދާ އެތެރެ ކުރަން އުޅުނު ކަމުގެ ތުހުމަތު ކަމަށް ފުލުހުން މިއަދު ބުނެފި އެވެ.

ފުލުހުންގެ ވެބްސައިޓުގައި ޝާއިއުކުރި ހަބަރެއްގައި ބުނި ގޮތުގައި މިހައިތަނަށް ބެލި ބެލުމުން އެ ސިނގިރޭޓުތައް ރާއްޖެއަށް އެތެރެކުރި ކަމަށް ތުހުމަތު ކުރެވެނީ ހޯކްސް ކުންފުނީގެ ބޭރުދަތުރު ކުރާ ބޯޓު، ދަ ހޯކްސް ޖަވާހިރުގަ އެވެ.

"މިހައިތަނަށް ބެލިބެލުމުން އެނގިފައިވާ ގޮތުގައި، އޮކްޓޫބަރު 24، 2024 ވަނަ ދުވަހު ރާއްޖެއަށް އައި ދަ ހޯކްސް ޖަވާހިރު ބޯޓުން މި ސިނގިރޭޓުތައް ބޯޓުގެ މެނިފެސްޓުގައި ނުހިމަނައި ރާއްޖެއަށް ގެނެސްފައިވޭ. އަދި އޮކްޓޫބަރު 25، 2024 ވަނަ ދުވަހުގެ ރޭގަނޑުގެ ވަގުތެއްގައި ކ. ތިލަފުށީގައި ހުންނަ ހޯކްސް ބޯޓު ޔާޑުގެ ޖެޓީއަށް މި ސިނގިރޭޓުތައް ބާލައިގެން ސިއްރުން ދިވެހިރާއްޖެއަށް ވަނީ އެތެރެ ކޮށްފަ," ފުލުހުން ބުންޏެވެ.

އެ މައްސަލައިގެ ތަހުގީގު ހިންގަމުން ދަނީ ފުލުހުންނާއި ކަސްޓަމްސް ގުޅިގެން ކަމަށާއި ތަހުގީގު ބިނާވެފައި ވަނީ މައިގަނޑު ދެ ކުށެއްގެ މައްޗަށް ކަމަށް ފުލުހުން ބުންޏެވެ. އެގޮތުން ވަގަށް ސިނގިރޭޓު އެތެރެކުރި މައްސަލައިގައި ތަހުގީގު ކުރަނީ ސިއްރުން ރާއްޖެއަށް މުދާ އެތެެރެކުރަން އުޅުމުގެ ކުށުގެ އިތުރުން މަނީ ލޯންޑަރިންގެ ކުށް ކަމަށް ފުލުހުން ބުންޏެވެ.

ވަގަށް ރާއްޖެއަށް އެތެރެކުރީ މެންޗެސްޓާ ބްރޭންޑުގެ 200 މާސްޓާ ކާޓަން ކަމަށް ފުލުހުން ބުނިއިރު، މާސްޓާ ކާޓަން އަކީ 10،000 ކާޓަން ނުވަތަ ދެ މިލިއަން ސިނގިރޭޓެވެ. މިއީ މީގެ ކުރިން ކަސްޓަމުން ހިފެހެއްޓި ކަމަށް ބުނި އަދަދަށް ވުރެ ވެސް އިތުރު އަދަދެކެވެ.

އެ ސިނގިރޭޓުތައް އެތެރެކުރިކަމުގެ ތުހުމަތު ހޯކްސް ކުންފުންޏަށް އޮތް ނަމަވެސް އެ ކުންފުނިން މީގެ ކުރިން ބުނެފައި ވަނީ ހޯކްސްއިން ކުރަނީ ތެލުގެ ވިޔަފާރި ކަމަށާއި ސިނގިރޭޓު އެތެރެ ކުރުމުގެ އެއްވެސް ޝައުގުވެރިކަމެއް ނެތް ކަމަށެވެ. ވަގު ސިނގިރޭޓު މައްސަލައާ ގުޅިގެން ހޯކްސްގެ 14 މުވައްޒަފަކު ސަސްޕެންޑު ވެސް ކުރި އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox