އެޓްމޮސްފިއާގެ ހުރިހާ ރިސޯޓުތަކެއްގެ މުވައްޒަފުންނަށް ސާވިސް ޗާޖުގެ 50 ޕަސެންޓު ރުފިޔާއިން ދޭން ނިންމައިފި

އަލްފާ ޕްރޮޕާޓީގެ މެނޭޖުމެންޓުން އޮޒެން ރިޒާވް ބޮލިފުށި ރިސޯޓުގެ މުވައްޒަފުންނަށް ފޮނުވި ސާކިއުލާއެއްގައި ބުނެފައި ވަނީ ޖެނުއަރީ 1، އިން ފެށިގެން އޮޒެން ރިޒާވް ބޮލިފުށީގެ މުވައްޒަފުންނަށް ސާވިސް ޗާޖުގެ 50 ޕަސެންޓް ދޭނީ ދިވެހި ރުފިޔާއިން ކަމަށް -- އާޓްވޯކް: އިސްމާއިލް އިމްދާދު / އަދަދު

އަލްފާ ޕްރޮޕާޓީގެ މެނޭޖުމެންޓުން އޮޒެން ރިޒާވް ބޮލިފުށި ރިސޯޓުގެ މުވައްޒަފުންނަށް ފޮނުވި ސާކިއުލާއެއްގައި ބުނެފައި ވަނީ ޖެނުއަރީ 1، އިން ފެށިގެން އޮޒެން ރިޒާވް ބޮލިފުށީގެ މުވައްޒަފުންނަށް ސާވިސް ޗާޖުގެ 50 ޕަސެންޓް ދޭނީ ދިވެހި ރުފިޔާއިން ކަމަށް -- އާޓްވޯކް: އިސްމާއިލް އިމްދާދު / އަދަދު

އެޓްމޮސްފިއާ ކޯ ޕްރައިވެޓް ލިމިޓެޑްގެ ދަށުން ހިންގާ އޮޒެންގެ ހުރިހާ ރިސޯޓުތަކެއްގެ މުވައްޒަފުންނަށް ސާވިސްޗާޖުގެ ގޮތުގައި ލިބޭ ފައިސާގެ 50 ޕަސެންޓު މި މަހުން ފެށިގެން ދިވެހި ރުފިޔާއިން ދޭން ނިންމައި އެކަން އެ ރިސޯޓުތަކުގެ މުވައްޒަފުންނަށް އަންގައިފި އެވެ.

އޮޒެންގެ ހުރިހާ ރިސޯޓުތަކެއްގެ މުވައްޒަފުންނަށް ސޮއިކުރަން މަޖުބޫރުކުރި ލިޔުމެއްގައި ވަނީ އެ ނިންމުން ނިންމަން ޖެހުނީ ޑޮލަރު މާރު ކުރުން މަޖުބޫރުކޮށް އެމްއެމްއޭއިން އެކުލަވައިލި ގަވާއިދުގެ ސަބަބުން ރިސޯޓުން ކުރާ ގިނަ މުއާމަލާތްތައް ދިވެހި ރުފިޔާއިން ކުރަން ޖެހުމާ ގުޅިގެން ކަމަށެވެ.

އެ ލިޔުމުގައި އޮތީ ޖެނުއަރީ 1، އިން ފެށިގެން އޮޒެންގެ މުވައްޒަފުންނަށް ސާވިސް ޗާޖުގެ 50 ޕަސެންޓު ދޭނީ ދިވެހި ރުފިޔާއިން ކަމަށެވެ. އަދި އެ ފައިސާ ޖަމާ ކުރުމަށް ދިވެހި ބޭންކެއްގައި އެކައުންޓެއް ހުޅުވުމަށް ވެސް ބޮލިފުށި ރިސޯޓުގެ މުވައްޒަފުންނަށް އަންގާފައިވެ އެވެ.

ސާވިސް ޗާޖުގެ ގޮތުގައި ބޭންކަށް ޖަމާކުރާ ދިވެހި ފައިސާގެ ވަކި މިންވަރެއް ޑޮލަރަށް ބަދަލު ކުރެވޭނެ ގޮތެއް ހޯދޭތޯ ބޭންކުތަކާއެކު މަޝްވަރާ ކުރަމުންދާ ކަމަށް ވެސް އޮޒެންގެ މުވައްޒަފުންނަށް އަންގާފައިވެ އެވެ.

ރިސޯޓުތަކަށް އަންނަ ކޮންމެ ޓޫރިސްޓަކަށް 500 ޑޮލަރު އަދި ގެސްޓްހައުސްތަކަށް އަންނަ ކޮންމެ ޓޫރިސްޓަކަށް 25 ޑޮލަރުގެ މަގުން ބޭންކަށް ޑޮލަރު މާރު ކުރަން މަޖުބޫރުކޮށް އެމްއެމްއޭ އިން ބޭރު ފައިސާގެ ގަވާއިދަށް ބަދަލު ގެނައީ މިދިޔަ އޮކްޓޯބަރު 1، ގަ އެވެ. އެ ގަވާއިދަށް އަމަލު ކުރުން ލާޒިމު ވަނީ މިމަހު 1، އިން ފެށިގެންނެވެ.

އެމްއެމްއޭއިން މީގެ ކުރިން ބުނެފައި ވަނީ ބޭރު ފައިސާ މާރު ކުރުމުގެ ގަވާއިދުގެ ދަށުން 40 އާއި 30 މިލިއަން ޑޮލަރާ ދެމެދުގެ އަދަދެއް ބޭންކުތަކަށް މާރު ކުރާނެ ކަމަށް ބެލެވޭ ކަމަށެވެ.

ބޭރު ފައިސާ މާރު ކުރުމާބެހޭ ގަވާއިދުގެ ދަށުން ބޭންކުތަކަށް ޑޮލަރު މާރު ކުރަންޖެހޭ އެންމެ ފަހު ތާރީހަކީ ކޮންމެ މަހެއްގެ ވެސް 28 އެވެ. އެ ގަވާއިދުގެ ދަށުން ރާއްޖޭގައި ކުރާ ހުރިހާ މުއާމަލާތެއް ކުރަން ވާނީ ދިވެހި ރުފިޔާއިންނެވެ.

މިހެން ނަމަވެސް ބޭރު ފައިސާ ލިބޭ ވިޔަފާރިތަކަށް ގިނަ އިސްތިސްނާތަކެއް އެ ގަވާއިދުގެ ތެރެއިން ލިބިފައިވެ އެވެ. އޭގެ ތެރޭގައި ބޭރު ފައިސާއިން ކުރަން ޖެހޭ މުއާމަލާތްތަކާއި ދަރަނި ދެއްކުން ފަދަ ކަންކަން ހިމެނެ އެވެ.

ބޭރު ފައިސާ ގަވާއިދަށް އަމަލުކުރަން ފެށި ފަހުން ބޭރު ފައިސާ މާރުކުރުމާ ބެހޭ ގާނޫނެއް ވަނީ ވުޖޫދުކޮށްފަ އެވެ. މި ގާނޫނުގެ ދަށުން 500 ޑޮލަރު ނުވަތަ އެ މަހެއްގެ އާމްދަނީއަށް ލިބުނު 20 ޕަސެންޓު މާރުކުރުމުގެ އިހުތިޔާރު ރިސޯޓުތަކަށް ލިބެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox