މާލޭގައި ރޭ ހިންގި ގޭންގު މާރާމާރީއެއްގައި މީހަކަށް ހަމަލާދީ ޒަހަމް ކޮށްލައިފި އެވެ.
ފުލުހުން ބުނީ އަނިޔާ ލިބިފައިވާ މީހެއް ރޭ 23:40 ހާއިރު އައިޖީއެމްއެޗް ހޮސްޕިޓަލަށް ގެންދިޔަ ކަމަށެވެ.
ނަމަވެސް އެކަމާ ގުޅިގެން މިހާތަނަށް އެއްވެސް މީހަކު ހައްޔަރު ކޮށްފައި ނުވާ ކަމަށް ފުލުހުން ބުންޏެވެ.
މާލޭގައި ހިނގާ މާރާމާރީތައް ފަހަކަށް އައިސް އިތުރުވާން ފަށާފައިވާއިރު، ފުލުހުން ބުނީ އެ މައްސަލަ އިތުރަށް ތަހުގީގު ކުރަމުންދާ ކަމަށެވެ.
ޖެނުއަރީ 15، ގައި ވެސް ޒަހަމްތަކާ އެކު ސެނެހިޔާ ކައިރިން މީހަކު ފެނިގެން ފަރުވާދީފައިވެ އެވެ. އެ މައްސަލަ ވެސް ފުލުހުން އަންނަނީ ތަހުގީގު ކުރަމުންނެވެ.
