އެފްއެސްއެމްގެ ބޯޑުން މަޖުބޫރުކުރުވައިގެން ދުވަސްވީ ވެރިންތަކެއް ރިޓަޔާކޮށްފި

ފިއުލް ސަޕްލައި މޯލްޑިވްސް (އެފްއެސްއެމް) ގެ ޕެޓްރޯލް ޝެޑެއް: އެ ކުންފުނީގެ ތެލުން ވައްކަން ކުރި މައްސަލަތަކެއް ފުލުހުން އަންނަނީ ތަހުގީގުކުރަމުން -- ފޮޓޯ: އަބްދުالله އިޔާން/އަދަދު

ފިއުލް ސަޕްލައި މޯލްޑިވްސް (އެފްއެސްއެމް) ގެ ޕެޓްރޯލް ޝެޑެއް: އެ ކުންފުނީގެ ތެލުން ވައްކަން ކުރި މައްސަލަތަކެއް ފުލުހުން އަންނަނީ ތަހުގީގުކުރަމުން -- ފޮޓޯ: އަބްދުالله އިޔާން/އަދަދު

ސަރުކާރުގެ ވިޔަފާރި ކުންފުނި, އެސްޓީއޯގެ ދަށުން ހިންގާ ފިއުލް ސަޕްލައި މޯލްޑިވްސް (އެފްއެސްއެމް) ގެ ބޯޑުން މަޖުބޫރުކޮށްގެން, އެ ކުންފުނީގައި ގިނަ އަހަރުތަކެއް ވަންދެން މަސައްކަތް ކުރި ވެރިންތަކެއް ރިޓަޔާކޮށްފި އެވެ.

ނަން ނުޖަހާ ގޮޮތަށް މި ކަމުގެ މައުލޫމާތު "އަދަދު" އާ ހިއްސާކުރި މަސްދަރުން ބުނި ގޮތުގައި އެފްއެސްއެމްގެ ބޯޑުން އިސްތިއުފާ ދޭން އެންގުމާ ގުޅިގެން ތިން ޑިޕާޓްމަންޓެއްގެ ވެރިން ވަނީ ފާއިތުވި ދުވަސްތަކުގެ ތެރޭގައި ރިޓަޔާކޮށްފަ އެވެ.

ރިޓަޔާ ކުރި ވެރިންނަކީ އެޑްމިން ސްޓޭޝަން ހެޑު މުހައްމަދު ސައީދާއި އިންޖިނިއަރިން ހެޑު ޝާމިއު އަލީ އާއި ހިއުމަން ރިސޯސް ހެޑު ފާތިމަތު ޝައިލާ އެވެ. މީގެ ތެރެއިން ޝާމިއު އާއި ޝައިލާއަކީ އެފްއެސްއެމްގައި މަސައްކަތް ކުރާތާ 22 އަހަރަށް ވުރެ ގިނަ ދުވަސްވެފައިވާ މުވައްޒަފުންތަކެކެވެ.

Advertisement

މި ނޫހަށް މައުލޫމާތު ދިން މަސްދަރުން ބުނީ މުހައްމަދު ސައީދަށް އިސްތިއުފާ ދޭން ބޯޑުން އެންގީ އޭނާ މަސައްކަތް ކުރަމުން އައި ޑިޕާޓުމަންޓު އުވާލާފައިވާ ކަމަށް ބުނެ އެވެ. ޝާމިއު އާއި ޝައިލާއަށް ބޯޑުން އެންގީ ވަޒީފާއިން ވަކިކުރުމުގެ ކުރިން އިސްތިއުފާ ދިނުމަށެވެ.

ބޯޑުން މި އެންގުން އައުމުގެ ކުރިން, އެކި ގޮތްގޮތުން ފިއްތުންތައް ކުރިމަތިކޮށް ވަޒީފާއިން ވަކިކުރާނެ ކަމުގެ އިންޒާރު ދިން ކަމަށް ވެސް އެ މަސްދަރުން ބުންޏެވެ. އަދި މި ކަންކަން ފެށުނީ ސަރުކާރު ބަދަލުވެ, އާ މެނޭޖުމަންޓުން ކުންފުންޏާ ހަވާލުވީ ފަހުން ކަމަށް ވެސް އެ މީހާ ބުންޏެވެ.

އެފްއެސްއެމް ޑިޕާޓުމަންޓުތަކުގެ ވެެރިންގެ ވަޒީފާގެ އެއްބަސްވުންތަކުގެ ދަށުން, އެހެން މުވައްޒަފުންނާ ހިލާފަށް, ވަޒީފާއިން ވަކިކުރުމުގެ ބާރު ކުންފުނީގެ ބޯޑަށް ލިބެ އެވެ. މި އެންމެން ވެސް ރިޓަޔާ ކުރީ މި ގޮތް އިހުތިޔާރު ނުކޮށްފި ނަމަ ނުވަތަ އިސްތިއުފާ ނުދީފި ހާލަތެއްގައި ވަޒީފާއިން ވަކިކުރާނެ ކަމަށް ބޯޑުން އެންގުމާ ގުޅިގެންނެވެ.

މިކަމާ ގުޅޭ ގޮތުން "އަދަދު" އިން ސުވާލުކުރުމުން އެފްއެސްއެމްގެ ބެލެނިވެރި ކުންފުނި, އެސްޓީއޯގެ މީޑިއާ އޮފިޝަލް ޔޫސުފް ޝާހު ވިދާޅުވީ މި އެންމެން ވެސް މަގާމު ދޫކޮށް ވަޑައިގަތީ ދެ ފަރާތުން އެއްބަސްވެވިގެން ރިޓަޔަމަންޓު ޕެކޭޖެއް ނަންގަވައިގެން ކަމަށެވެ.

އެފްއެސްއެމްގެ ބޯޑުގެ މަޖުބޫރުކުރުންތަކާއެކީ ވެރިންތަކަކަށް އިސްތިއުފާ ދޭން ބޯޑުން މަޖުބޫރުކުރިއިރު, އެ ކުންފުނީގެ ކުރީގެ މެނޭޖިން ޑިރެކްޓަރު އިސްމާއިލް ސުހައިލް ވެސް ވަނީ މިދިޔަ ނޮވެމްބަރުގައި އިސްތިއުފާ ދެއްވާފަ އެވެ.

ސުހައިލު އިސްތިއުފާ ދެއްވީ އެފްއެސްއެމްގެ ތެލުން ވައްކަން ކުރި މައްސަލަތަކެއް ބަލަމުން ދިޔަ ދަނޑިވަޅެއްގަ އެވެ. އޭނާ އިސްތިއުފާ ދިނީ ވަކިކުރަން މަސައްކަތް ފަށާފައި ވަނިކޮށެވެ.

ސުހައިލުގެ އިސްތިއުފާއާ ވެރިންގެ އިސްތިއުފާއާ އެއްވެސް ގުޅުމެއް އޮއްތޯ ސުވާލުކުރުމުން މި ނޫހަށް މައުލޫމާތު ދިން މީހާ ބުނީ ސުހައިލުގެ ފަރާތުން ވެސް އެ މީހުންނަށް ފިއްތުންތަކެއް ކުރިމަތި ކުރުވި ކަމަށެވެ. ނަމަވެސް އެ ކަމުގެ ތަފުސީލުތަކެއް ނޭނގޭ ކަމަށް އޭނާ ބުންޏެވެ.

އެފްއެސްއެމްގެ ތެލުގެ ވައްކަމުގެ މައްސަލަ މިހާރު ވެސް ފުލުހުން އަންނަނީ ތަހުގީގުކުރަމުންނެވެ. މި ވައްކަމުގެ ތެރެއިން އެތައް ބަޔަކު މަންފާ ހޯދައި ނުހައްގު ތަނަވަސްކަން ހޯދާފައިވާކަމަށް ތުހުމަތުކުރެވޭއިރު, މިކަމުގައި އަމަލީ ގޮތުން އިސްކޮށް އުޅެނީ ތެޔޮ ބާޖެއްގެ ކައްޕިއެއް ކަމަށް މީގެ ކުރިން "އަދަދު" އިން ވާނީ ރިޕޯޓުކޮށްފަ އެވެ.

ތެޔޮ ވަގަށް ވިއްކުމުގައި އިސްކޮށް އުޅުނީ ބާޖު ކައްޕި ކަމަށް ތުހުމަތުކުރެވުނަސް, މިކަން ކުރަމުން އައީ ވެރިންނަށް ބައިއަޅައިގެން ގިނަ ބަޔެއްގެ ބައިވެރިވުމާއެކީ ކަމަށް އެ ވައްކަމުގެ މައުލޫމާތު ދިން މަސްދަރުތަކުން ބުނެފައިވެ އެވެ. މި މައްސަލައިގެ ތެރެއިން އެ ކުންފުނީގެ ގިނަ މުވައްޒަފުންތަކެއް ވަނީ ވަޒީފާއިން ވަކިކޮށްފަ އެވެ.

titledesc

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox