މަޝްއަރު ޓުއާސްގެ ޗެކުތައް ބައުންސްވި މައްސަލައިގައި ދައުވާކުރަން ފޮނުވައިފި

ހައްޖުގެ އަޅުކަން ބަޔަކު އަދާކުރަނީ -- ފޮޓޯ: އޭއެފްޕީ

ހައްޖުގެ އަޅުކަން ބަޔަކު އަދާކުރަނީ -- ފޮޓޯ: އޭއެފްޕީ

އުމްރާ އަށް މީހުން ގެންދިޔަ އަލް މަޝްއަރު ޓުއާސްގެ ފްލައިޓް ޗާޓަރު ކޮށްދީ، ޓިކެޓް ނަގައިދިން ކުންފުންޏަށް ދައްކަންޖެހޭ ފައިސާގެ ޗެކުތައް ބައުންސްވީ މައްސަލަ ފުލުހުން ތަހުގީގުކޮށް ދައުވާ ކުރަން ޕްރޮސެކިއުޓާ ޖެނެރަލް (ޕީޖީ) އޮފީހަށް މިދިޔަ މަހު ފޮނުވައިފި އެވެ.

ފުލުހުން ބުނީ މަޝްއަރު ޓުއާސްއިން އުމްރާވެރިންތަކެއް އުމްރާއަށް ފޮނުވަން ކަމަށް ބުނެ ފޮނުވި ޗެކުތަކެއް ބައުންސްވި މައްސަލަ އެ އިދާރާއަށް ރިޕޯޓު ކުރީ އެޕްރިލް 13، 2024 ގައި ކަމަށެވެ.

އެ މައްސަލަ ތަހުގީގުކޮށް ނިންމުމަށްފަހު ޕީޖީއަށް ދައުވާ ކުރަން ފޮނުވީ ޑިސެމްބަރު 2، 2024، ގައި ކަމަށް ފުލުހުން ބުންޏެވެ.

އަލް މަޝްއަރު ހައްޖު އެންޑް އުމްރާ ގުރޫޕްގެ ހަވާލުގައި 138 މީހަކު މާޗު، 2023 އަދި އެޕްރިލް، 2023 ގައި ސައުދީއަށް ގެންދިޔަ އެވެ.

އެ މީހުންގެ ޓިކެޓްގެ އަގަށް 141،450 ޑޮލަރު އެރިއިރު، ފްލައިޓް ޗާޓަރު ކޮށްދިން ކުންފުންޏަށް މަޝްއަރު އުމްރާ ގުރޫޕުން ދޫކުރި ދެ ޗެކް ބައުންސް ވެފައި ކަމަށް މި ނޫހަށް އެނގިފައިވެ އެވެ.

އެ މައްސަލައާ ގުޅިގެން އަލް މަޝްއަރު ހައްޖު އެންޑް އުމްރާ ގުރޫޕްގެ މައްސަލަ އިސްލާމިކް މިނިސްޓްރީން ބަލައި އެ ގްރޫޕްގެ ހުއްދަ ވެސް ބާތިލު ކުރި އެވެ.

އެކަމަކު އެ ގްރޫޕްގެ ހަވާލުގައި މިދިޔަ އަހަރު ވެސް އުމްރާއަށް ދިޔަ ދިވެހިންތަކެއް ހާލުގައި ޖެހި ރާއްޖެ ނާދެވި ތާށިވި އެވެ. އެފަހަރު އެ ގްރޫޕުން އުމްރާވެރިން އުމްރާއަށް ގެންދިޔައީ އިސްލާމިކް މިނިސްޓްރީގެ ހުއްދަ ނެތި އެވެ.

އުމްރާއަށް ގެންދިޔަ މީހުން ހާލުގައި ޖެހުނު މައްސަލަ އާއި އިސްލާމިކް މިނިސްޓްރީގެ ހުއްދަ ނެތި މީހުން އުމްރާއަށް ގެންދިޔަ މައްސަލަ މިދިޔަ އަހަރު މިނިސްޓްރީން ފުލުހުންނަށް ހުށަހެޅި އެވެ.

އުމްރާވެރިންގެ ފައިސާތައް ބޭނުން ކުރުމަށްފަހު ސައުދީގައި އެމީހުން ހާލުގައި ޖެއްސި އުމްރާއަށް މީހުން ގެންދާ އަލް ހިޖްރަ ގްރޫޕުގެ މައްސަލައެއް މި ނޫހުން ރިޕޯޓު ކުރި ފަހުން، މިއަދު އިސްލާމިކް މިނިސްޓްރީން ވަނީ އެ ގްރޫޕުގެ ހުއްދަ ބާތިލުކޮށް، 100،000ރ. އިން ވަނީ ޖޫރިމަނާ ކޮށްފަ އެވެ.

މީގެއިތުރުން އަލް ހިޖްރަ ގްރޫޕްގެ ބެލުމުގެ ދަށުގައި އުމްރާއަށް ދިޔަ މީހުން އިސްލާމިކް މިނިސްޓްރީން ވަނީ ހައްޖު ގްރޫޕާ ހަވާލުކޮށް، އެ މީހުންނަށް އަނބުރާ ރާއްޖެ ގެނެވޭ ގޮތް މަގުފަހިކޮށްދީފަ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox