އަލްހިޖްރަ ގްރޫޕުން ހާލުގައި ޖެއްސި އުމްރާވެރިންނަށް އިސްލާމިކް މިނިސްޓަރީން އެހީވަނީ

މީގެ ކުރިން ހައްޖުގެ އަޅުކަމަށް ރާއްޖެއިން ބަޔަކު ފުރަނީ -- ފޮޓޯ: އަދަދު

މީގެ ކުރިން ހައްޖުގެ އަޅުކަމަށް ރާއްޖެއިން ބަޔަކު ފުރަނީ -- ފޮޓޯ: އަދަދު

އުމްރާގެ އަޅުކަމަށް ދިޔުމަށް އަލްހިޖްރަ ޓްރެވެލްސް އެންޑް ޓުއާސް ގްރޫޕަށް ދެއްކި ފައިސާތައް އެ ގުރޫޕުން ބޭނުންކޮށް މައްކާގައި ހާލުގައި ޖެއްސި އުމްރާވެރިންނަށް އެހީތެރިކަން ފޯރުކޮށްދޭން ސަރުކާރުން ނިންމައިފި އެވެ.

އިސްލާމިކް މިނިސްޓަރު، މުހައްމަދު ޝަހީމް މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ އަލްހިޖްރަ ނަމަކަށް ކިޔާ ކުންފުންޏެއްގެ ހަވާލުގައި އުމްރާއަށް ދިޔަ ބަޔަކަށް ދިމާވެފައިވާ ހާލަތު މިނިސްޓްރީގެ ސަމާލުކަމަށް އައިސްފައިވާ ކަމަށެވެ. އަދި އެމީހުންނަށް އެހީތެރިވެދޭން މަސައްކަތް ކުރާނެ ކަމަށް ޝަހީމްގެ ޕޯސްޓުގައި ލިޔުއްވާފައިވެ އެވެ.

"އަލްހިޖްރަ ކިޔާ ކުންފުންޏެއްގެ ހަވާލުގައި އުމްރާއަށް ދިޔަ ބަޔަކަށް ދިމާވެފައިވާ ހާލަތު މިނިސްޓްރީގެ ސަމާލުކަމަށް ވަނީ އައިސްފައި، [އެ] ރައްޔިތުން އެނބުރި ގައުމަށް އައުމަށް ކޮށްދެވެން އޮތް ކަމެއް މިނިސްޓްރީން ކުރާނެ," ޝަހީމްގެ ޕޯސްޓުގައި ލިޔުއްވާފައިވެ އެވެ.

Advertisement

"އަދަދު" ނޫހަށް އެނގިފައިވާ ގޮތުގައި އަލްހިޖްރަ އުމްރާ ގްރޫޕުގެ ހަވާލުގައި އުމްރާގެ އަޅުކަމަށް ދިޔަ 24 މީހަކު ވަނީ އާދެވޭނެ ގޮތެއް ނެތި މައްކާގައި ތާށިވެފަ އެވެ. އޭގެތެރޭގައި ހިމެނެނީ އެ ގްރޫޕަށް ފައިސާ ދައްކައިގެން ދިޔަ 18 މީހަކާއި އެހީތެރިންނާއި ސްޕޮންސާގެ ގޮތުގައި އެ ގްރޫޕުން ފޮނުވި ހަ މީހުންނެވެ.

އެމީހުން އުމްރާއަށް ދާން ރާއްޖެއިން ފުރީ ޑިސެމްބަރު 25، އަދި ޑިސެމްބަރު 26، ގަ އެވެ.

މި ނޫހަށް އެނގިފައިވާ ގޮތުގައި އެމީހުންނަށް ރާއްޖެ އާދެވޭނެ ގޮތެއް ނެތި މައްކާގައި ހާލުގައި ޖެހުނީ އެމީހުންގެ ރިޓާން ޓިކެޓު ނަގަން ހުރި ފައިސާ އެހެން ކަމަކަށް އަލްހިޖްރަ ގުރޫޕުން ބޭނުން ކުރުމުންނެވެ.

އެމީހުންގެ ރިޓާން ޓިކެޓަށް 180،000ރ. ހަރަދުވާ ކަމާއި އެ ފައިސާ ހޯދަން އަލްހިޖްރަ ގްރޫޕުން މަސައްކަތް ކުރާކަން މިހައިތަނަށް މި ނޫހުން ހޯދި މައުލޫމާތުން އެނގިފައިވެ އެވެ.

ޝަހީމް މިރޭ އެކްސްގައި ކުރެއްވި އިތުރު ޕޯސްޓެއްގައި ވިދާޅުވީ މައްކާގައި ހާލުގައި ޖެހިފައި ތިބި މީހުންނަށް ގުޅައި އެމީހުންގެ ހާލު ބަލާފައިވާ ކަމަށެވެ. އަދި އެމީހުންނަށް ކުރިމަތިވެފައިވާ ދަތިކަމަށް ހައްލެއް ހޯދައިދޭން މަސައްކަތް ކުރައްވާ ކަމަށް ވެސް ޝަހީމް ވިދާޅުވި އެވެ

"މައްކާގައި ދަތިހާލަތެއް މެދުވެރިވެފައިވާ އުމްރާވެރިންގެ ބޭފުޅުންނާ މިރޭ އަޅުގަނޑުވަނީ ގުޅައި ވާހަކަ ދައްކައި މިހާރުގެ ހާލަތު ބަލައިފައި، އިންޝާ ﷲ އެބޭފުޅުންނަށް ދިމާވެފައިވާ ދަތިކަން ހައްލުކުރުމަށް މިދަނީ މަސައްކަތްކުރަމުން،" ޝަހީމްގެ ޕޯސްޓުގައި ލިޔުއްވާފައިވެ އެވެ.

އެކަމާ ގުޅިގެން ސުވާލު ކުރުމުން އަލްހިޖްރަ ގްރޫޕްގެ ޑިރެކްޓަރު މުސްތަފާ މުހައްމަދު "އަދަދު" އަށް ބުނީ އުމްރާއަށް މީހުން ދޭ ފައިސާއިން އެއްވެސް އިތުރު ކަމެއް ނުކުރާ ކަމަށެވެ. ބަޖެޓުގެ ތާށިކަން ބޮޑަށް ދިމާވީ އަންނަ ރޯދަ މަހަށް އުމްރާ ދަތުރުތައް ނުނެގުމުން ކަމަށް މުސްތަފާ ބުންޏެވެ.

"އުމްރާގެ ލާރިން އުމްރާގެ ދަތުރުތައް ފިޔަވައި އިތުރު އެއްވެސް ކަމަކަށް އަޅުގަނޑުމެން ހަރަދެއް ނުކުރަން އާންމުކޮށެއް. ހަމަ އުމްރާގެ ކަންތައްތަކަށް މި ހަރަދު ކުރަނީ. އެކަމަކު އެހެންޏާ ރޯދަ މަހަށް ނަގަން. އެކަމަކު މިފަހަރު ރޯދަ މަހަށް ނުނަގަން. އެހެންވީމަ ރޯދަ މަހަށް ނުނަގަންޏާމުންނެއް އަޅުގަނޑުމެން އަތުގައި ބަޖެޓެއް ވެސް ނެތީ އިތުރަށް،" މުސްތަފާ ބުންޏެވެ.

އޭނާ ބުނީ ރިޓާން ޓިކެޓު ނުނަގައި އުމްރާވެރިން ސައުދީއަށް ފޮނުވީ މާލީ ގޮތުން ތަނަވަސްކަން އެވަގުތު ނެތިގެން ހަމަ އެކަނި ބުކިން ހެއްދުމަށް ފަހު ކަމަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox