ތިމަރަފުށީ މާރާމާރީއާ ގުޅިގެން ފަސް މީހުން ހައްޔަރުކޮށްފި

ތ. ތިމަރަފުށީގައި އިއްޔެ ހިންގި މާރާމާރީއަކާ ގުޅިގެން ކޯޓު އަމުރެއްގެ ދަށުން ފަސް މީހަކު ހައްޔަރު ކޮށްފި އެވެ.

ފަސް މީހުންގެ ގްރޫޕަކުން ތިމަރަފުށި ގެއަކަށް ވަދެ ހިންގި އެ މާރާމާރީގައި މީހަކަށް އަނިޔާވެގެން ތިމަރަފުށި ހެލްތު ސެންޓަރުގައި ފަރުވާ ދިނެވެ.

ހައްޔަރުކުރި ފަސް މީހުން:

• ތ. ތިމަރަފުށި، ޖަހާމުގުރިގެ، އަހްމަދު އަމީން، 36
• ތ. ތިމަރަފުށި، ސަލްވާ، އަހްމަދު ޝަހީދު، 38
• ކ. މާލެ، ވ. ވަވަތް، މުހައްމަދު ރައޫފު, 54
• ތ. ތިމަރަފުށި، ގުލްބަކާވިލާ، އަބްދުﷲ އަޝްރަފް، 39
• ތ. ތިމަރަފުށި، ހިރި، އާސް އިބްރާހިމް، 32

ތިމަރަފުށީ ކައުންސިލުގެ ރައީސް އިސްމާއިލް އިބްރާހިމް "އަދަދު" އަށް ވިދާޅުވީ މި މާރާމާރީގައި އަނިޔާވި މީހާއަށް ކޮންމެވެސް ވަރެއްގެ ޒަހަމްތަކެއް ލިބުނު ކަމަށެވެ.

"ވަރަށް ކުޑަ ކަމެއް ހިނގައިގެން އުޅެނީ. ކުޑަ ޒަހަމްތަކެއް އަނިޔާވި މީހާއަށް ލިބުނީ،" އޭނާ ވިދާޅުވި އެވެ.

މާރާމާރީ ހިނގަން މެދުވެރިވި ސަބަބެއް އެނގިފައި ނުވާއިރު، ފުލުހުން ބުނީ އެ މައްސަލަ ތަހުގީގު ކުރަމުންދާ ކަމަށެވެ.