ގޯތި ވައްކަން: މި 20 މީހުންގެ ޕާސްޕޯޓު ހިފެހެއްޓީ ތިން މަހަށް

ގޯތި ވައްކަން: މި 20 މީހުންގެ ޕާސްޕޯޓު ހިފެހެއްޓީ ތިން މަހަށް

މާލޭ ރަށްވެހިންނަށް ބޯހިޔާވަހިކަން ދޭން ކުރިޔަށް ގެންދިޔަ ބިންވެރިޔާ ސްކީމުގެ ދަށުން ގޯތި ނުލިބޭ ބަޔަކަށް ގޯތި ލިބުނު ކަމުގެ ވަގު ލިޔުންތަކެއް ތައްޔާރުކޮށް ގޯތިތަކެއް ވިއްކި ކަމަށް ތުހުމަތު ކުރެވޭ މައްސަލައިގައި ފުރުން މަނާކޮށް، ޕާސްޕޯޓު ހިފަހައްޓާފައިވާ މީހުންގެ ލިސްޓު އަދަދު ނޫހަށް ލިބިއްޖެ އެވެ.

މި މައްސަލަ ފަޅައި އެރުމުން ފުލުހުންނާއި އޭސީސީ ގުޅިގެން ޖިނާއީ ތަހުގީގެއް ފަށާފައިވާއިރު، މިހާތަނަށް އެއްވެސް މީހެއްގެ މައްޗަށް ޖިނާއީ ކުށެއްގެ ތުހުމަތު ނުކުރެ އެވެ.

ނަމަވެސް 20 މީހެއްގެ ޕާސްޕޯޓު ކޯޓު އަމުރެއްގެ ދަށުން އިއްޔެއިން ފެށިގެން މާޗު 19، 2025 ގެ ނިޔަލަށް ހިފަހައްޓައި، ރާއްޖޭން ބޭރަށް ފުރުން ވަނީ މަނާކޮށްފަ އެވެ. އެ މީހުންގެ ތެރޭގައި އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު އާއި އޭނާގެ ކޮއްކޮ މުހައްމަދު ފަޒީލް ރަޝީދު ހިމެނެ އެވެ.

ފުރުން މަނާ މީހުން

  1. އިބްރާހިމް ފަޒުލް ރަޝީދު، މ. ޒޭވަރު
  2. އިބްރާހިމް ޔޫސުފްފުޅު، އަތިރީގެ، ނ. ވެލިދޫ
  3. މުހައްމަދު ވިޝާމް، ވ. ވަސްމީރުފިޔަ
  4. އުލާ މުހައްމަދު ރަޝީދު އިބްރާހިމް، ގ. ގަސްކަރަ
  5. އާރިފް އަބްދުއްސަމަދު، ދަފުތަރު 9241
  6. މުހައްމަދު ނާޖިލް، ހ. ފަށަން
  7. މުހައްމަދު ވަހީދު، މަބުއްސްތާނުގެ ހއ. ފިއްލަދޫ
  8. ޔޫސުފް ވަހީދު، ބޮޑުގެ، ހއ. ވަށަފަރު
  9. އަޒުހަރު އަބްދުﷲ ސައީދު، ސީނާޒު، ގދ. މަޑަވެލި
  10. މުހައްމަދު ފަޒީލް ރަޝީދު، މ. ޒޭވަރު
  11. އަބްދުލް މަޖީދު މާހިރު، ޖަމީލާމަންޒިލް، ހއ. ދިއްދޫ
  12. މަރިޔަމް ސާއީ، ހަޒާރުމާގެ، ސ. ފޭދޫ
  13. މަރިޔަމް ނިޔާޒާ، ހުޅުމާލެ ގޯތި ނަންބަރު 10794 (އަނާރު، ކ. މާލެ)
  14. އަހުމަދު ވިޝާން ނަސީމް، މއ. އިހާދޫ
  15. އަބްދުﷲ ފާއިދު، ހ. މާފާގާ
  16. އަބްދުﷲ ޝުހޫދު، މ. ސްލިޕްވޭއާގެ
  17. އަހުމަދު އައިމަން، މ. އަޒުމާ
  18. އަހުމަދު ޔާމީން، ކަސީރާގެ، ސ. މަރަދޫ
  19. ޟިރުގާމް ވަހީދު، މއ. ވިރާހު
  20. މުހައްމަދު އާރިފު، ނެދުންގެ، ހއ. އިހަވަންދޫ

މި ލިސްޓުގެ 1-9 އަށް އެ ވަނީ އެޗްޑީސީ ބޯޑުގެ މެންބަރުންނެވެ. އެ ބޯޑުގެ މެންބަރުންގެ ތެރެއިން ޕާސްޕޯޓު ހިފަހައްޓާފައި ނެތީ ފާތުމަތު މިޒްނާ އަލީގެ އެކަންޏެވެ. އޭނާއަކީ ޑިފެންސް މިނިސްޓްރީގެ ޑެޕިއުޓީ މިނިސްޓަރެވެ. އަދި އައިޖީއެމްއެޗްގެ ސީއީއޯ އިބްރާހިމް އަބްދުއްރައްޒާގް ހަލީމް އަނބިކަނބަލުންނެވެ.

ފުރުން މަނާކުރި މީހުންގެ ލިސްޓުގައި ހައުސިން މިނިސްޓްރީގެ ބައެއް ވެރިން އަދި އެމްޑީޕީގެ ވެރިކަމުގައި އެ މިނިސްޓްރީގެ ސީނިއާ އެގްޒެކެޓިވް ޑިރެކްޓަރު މުހައްމަދު އާރިފު ހިމެނެ އެވެ. އޭގެ އިތުރުން ބިން ވެރިޔާގެ ލިސްޓުގައި ނަން ނެތި ގޯތި ލިބިފައިވާ ފަޒީލް އާއި އަބްދުލް މަޖީދު މާހިރު ހިމެނެ އެވެ.

މި ގޯތިތަކުގެ މައްސަލަ އެޗްޑީސީއަށް ފުރަތަމަ ފާހަގަވީ މި އަހަރުގެ ޖުލައި މަހު ބިންވެރިޔާ ސްކީމްގެ ލޮޓް ނަންބަރު 20768 ގޯތީގެ އިންފާރު ރޭނުމަށް ފަޒީލް އާއި މަޖީދު ހުށަހެޅި ހިސާބުންނެވެ. އެ މައްސަލައިގައި ހައުސިން މިނިސްޓްރީން ބުނެފައި ވަނީ އެ ދެ މީހުންނަށް ވެސް ބިން ލިބިފައި ނުވާ ކަމަށެވެ.

ނަމަވެސް އެތަނުގެ އިން ވަކިކޮށް ފާރު ނޭރުމުގެ ހުއްދަށް އެޗްޑީސީން ފަޒީލް އަށް ދީ، ދާދި ފަހުން ފާރު ވެސް ވަނީ ރާނާފަ އެވެ.

މާލޭގެ ރަށްވެހިންނަށް ހުޅުވާލި ބިންވެރިޔާ ސްކީމުން ދިއްދޫ ރަޖިސްޓްރީގައި އޮތް މަޖީދަށް ގޯތި ލިބެންވީ ގޮތެއް ތަހުގީގީ އިދާރާއަކުން އަދި ހާމައެއް ނުކުރެ އެވެ. ފަޒީލްގެ ނަން ވެސް ބިންވެރިޔާ ސްކީމުގެ ޝަރުތު ހަމަވާ ލިސްޓުގައި ނެތެވެ.

ބިންވެރިޔާ ސްކީމުން ފަޒީލްއަށް އަށް ގޯތި ލިބުނުކަމުގެ ލިޔުން ދިނީ ކުރީ ސަރުކާރުން ކަމަށް، އޭނާ ބުނާ ކަމަށް ފުލުހުން ރޭ ބުންޏެވެ. ނަމަވެސް އެ ބުނާ ބުނުމުގެ ސައްހަކަން ފުލުހުން އަދި ކަށަވަރެއް ނުކުރެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox