މަސީން ސަރުކާރަށް ފާޑު ކިޔުމުން ޕީއެސްއެމްގެ ޕްރޮގްރާމް ނިންމާލައިފި

މަސީން ސަރުކާރަށް ފާޑު ކިޔުމުން ޕީއެސްއެމްގެ ޕްރޮގްރާމް ނިންމާލައިފި

މޯލްޑިވްސް ނޭޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (މަސީ) އިން ސަރުކާރަށް ފާޑު ކިޔުމުން، ގައުމީ ޓީވީ ޕީއެސްއެމްއިން ރޭ ގެނެސްދިން "ރާއްޖެ މިއަދު" ޕްރޮގްރާމް ނިންމާލައިފި އެވެ.

އާންމުކޮށް 50 މިނެޓަށް ކުރިއަށް ގެންދާ އެ ޕްރޮގްރާމް ރޭ އެންމެ 23 މިނެޓުން ނިންމާލީ، ޕްރޮގްރާމުގެ ވަގުތު ހަމަވާ ކަމަށް ބުނެ އެވެ. މީގެކުރިން ސަރުކާރުގެ އިވެންޓުތައް ގެނެސްދިނުމަށް ޕްރޮގްރާމްތައް ކުރުކޮށްލި ނަމަވެސް ރޭ އެފަދަ އެއްވެސް އިވެންޓެއް ބާއްވާފައި ނުވެ އެވެ.

މަސީގެ ބޯޑު މެންބަރު މުހައްމަދު ޝާކިރު ބައިވެރިވެވަޑައިގެންނެވި އެ ޕްރޮގްރާމުގައި އޭނާ ވަނީ ކޮންސްޓްރަކްޝަން ދާއިރާއަށް ދިމާވާ ގޮންޖެހުންތަކާއި، ސަރުކާރުން ދޭން ޖެހޭ ފައިސާތައް ނުލިބޭކަން ފާހަގަ ކުރައްވާފަ އެވެ.

Advertisement

ޝާކިރު ވިދާޅުވީ ސަރުކާރުން ކުންފުނިތަކަށް ދޭން ޖެހޭ ފައިސާތައް ނުލިބުމުގެ ނަތީޖާއަކަށް ވާނީ މުޅި ކޮންސްޓްރަކްޝަން އިންޑަސްޓްރީ އިނދަޖެހިގެންދާނެ ކަމަށާއި އެސޯސިއޭޝަނުގައި ރަޖިސްޓްރީވެފައިވާ 400 އެއްހާ ކުންފުނީގެ އެދުމަކީ ސަރުކާރުން ދޭން ޖެހޭ ފައިސާ ވިހާވެސް އަވަހަށް ދިނުން ކަމަށެވެ.

"ސަރުކާރުން ލިބެންޖެހޭ ފައިސާއަކަށް މި އޮންނަނީ ޕީއެސްއައިޕީގެ ދަށުން ލިބެންޖެހޭ ފައިސާ. މި ފައިސާ ނުލިބުމުގެ ނަތީޖާއަކަށް ވެގެންދަނީ ވަރަށް ބޮޑެތި ކުންފުނިތަކުން މި އޮންނަނީ ވަރަށް އަދަދުތަކުން ލޯނު ނަގާފައި. ބެންކުތަކުން ދަރާފައި. ހަމަ އިންޓްރެސްޓްތަކާ އެއްޗެތި މަތިވަމުންދާނެ،" ޝާކިރު ވިދާޅުވި އެވެ.

"އެހެންވީމަ ވަރަށް ބޮޑެތި ޗެލެންޖްތައް މިހުންނަނީ. އެހެންވީމަ މިކަންކަމާ ގުޅޭ ގޮތުން އަޅުގަނޑު ވަރަށް ބޮޑަށް ހަމަ އެދެން ކުންފުނީގެ ގާތްގަނޑަކަށް 400 އެއްހާ ކުންފުނީގެ ހުރިހާ ބޭފުޅުން ވެސް ހަމަ އެދޭ ވީހާވެސް އަވަހަކަށް ކޮށްފައި ހުރި މަސައްކަތްތަކުގެ ފައިސާ ދޫކުރުން އަޅުގަނޑުމެންނަށް. އެހެން ނޫނީ އަޅުގަނޑުމެންގެ ކުންފުނީގެ އަދަދު މަދުވެ އިންޑަސްޓްރީ އިނދަޖެހިގެން ހިނގައިދާނެ." އޭނާ ވިދާޅުވި އެވެ.

ޝާކިރު ވިދާޅުވީ ސަރުކާރުން ލިބެން ޖެހޭ ފައިސާތައް ނުލިބި ކޮންސްޓްރަކްޝަން ދާއިރާ ހީނަރުވަމުންދާތީ، އެކަމާ ގުޅިގެން ސަރުކާރާ މަޝްވަރާތައް ކުރަމުންދާ ކަމަށެވެ.

ރާއްޖޭގައި ގާނޫނުތައް ތަންފީޒު ނުކުރެވުމުގެ ސަބަބުން އޭގެ ނާޖާއިޒް ފާއިދާތައް އެކި ފަރާތްތަކުން ނަގަމުންދާކަން ފާހަގަކުރައްވާ ޝާކިރު ވިދާޅުވީ ކުދި ކޮންސްޓްރަކްޝަން ކުންފުނިތަކުން ހިންގާ މަޝްރޫއުތަކަށް ބޭރުގެ ބޮޑެތި ކުންފުނިތަކުން ވަންނަމުންދާއިރު އެކަމަށް ސަރުކާރުން ފާރަވެރިވާން ޖެހޭ ކަމަށެވެ.

"ރިސޯޓު ޕްރޮޖެކްޓްތަކަށް ބޭރު ފަރާތްތަކުން ގެންނަ ނުވަތަ އެ ޕްރޮޖެކްޓަށް އެތެރެކުރާ ކޮޅުވެއްޓި، އުފުލި މިއިން އެއްވެސް އެއްޗެއް އެއްވެސް ކަމަކަށް ބޭނުން ނުކުރެވޭނެއޭ. ހަމަ އެގޮތަށް އެކްސްކަވޭޓަރު، ހެވީ ވެހިކަލް އެއްޗެތި ބޭނުމެއް ނުކުރެވޭނެއޭ،" އޭނާ ވިދާޅުވި އެވެ.

"އެހެންނަމަވެސް ދަންނަވަންތޯ އެ އެކްސްކަވޭޓަރުތައް ވައްދައި، އެ ކޮޅުވެއްޓިތައް ވައްދައިގެން އެ ބޭފުޅުން އެހެން މަސައްކަތްތަކުގައި ބޭނުން ކުރާއިރުގައި އޭގެއިން މާލީ މަންފާތަކާއި ނާޖާއިޒް ފައިދާތައް ނަގާއިރުގައި ވެސް އަޅުގަނޑުމެންނަށް އަޅުގަނޑުމެންގެ ތެރެއިން އެކަން ބައްލަވަން ތިއްބަވާ ބޭފުޅުންނަކަށް އެކަން ނުބެއްލެވޭ. އޭގެ މާނައަކީ ރެގިއުލޭޓަރީ ބޮޑީސްތަކަށް އެކަމެއް ނުބެލެއޭ،" ޝާކިރު ވިދާޅުވި އެވެ.

މީގެއިތުރުން ޝާކިރު ވިދާޅުވީ ރާއްޖެއަށް ޕޭޕާ ކުންފުނިތަކުން ވެސް އައިސް ޕްރޮޖެކްޓްތައް ހޯދަމުންދާ ކަމަށާއި އެމީހުން ރާއްޖެއަށް މަސައްކަތްތައް ކުރުމަށް ގެންނަނީ ހަމައެކަނި ބިދޭސީން ކަމަށެވެ.

އެގޮތުން ބައެއް ރިސޯޓުތަކުގައި ޓޫރިސްޓު ވިސާގައި ވެސް ކޮންސްޓްރަކްޝަން މަސައްކަތް ކުރުމަށް މީހުން ގެނެސްފައިވާ ކަމަށް އޭނާ ތުހުމަތު ކުރެއްވި އެވެ.

ޕީއެސްއެމްއިން ސަރުކާރު ޕްރޮމޯޓު ކުރަން ގިނަ ކޮންޓެންޓު ގެނެސްދެމުންދާއިރު، އެ ޓީވީން އިދިކޮޅުގެ ކޮންޓެންޓުތައް ގެނެސްދޭ މިންވަރު މަދުކަން ފާހަގަކޮށްލެވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox