ދެ ޓެކްސީ ޑްރައިވަރުންގެ ބަންދު އަމުރު ހައިކޯޓުގައި އިސްތިއުނާފުކޮށްފި

ރޭގެ މުޒާހަރާގެ ތެރެއިން ޓެކްސީ ޑްރައިވަރަކު ހައްޔަރުކުރަނީ: ޓެކްސީ ޑްރައިވަރުން ކަންބޮޑުވެގެން އުޅެނީ ސަރުކާރުން އެ ހިދުމަތް ފަށަން އުޅޭތީ --- ފޮޓޯ: އަދަދު

ރޭގެ މުޒާހަރާގެ ތެރެއިން ޓެކްސީ ޑްރައިވަރަކު ހައްޔަރުކުރަނީ: ޓެކްސީ ޑްރައިވަރުން ކަންބޮޑުވެގެން އުޅެނީ ސަރުކާރުން އެ ހިދުމަތް ފަށަން އުޅޭތީ --- ފޮޓޯ: އަދަދު

ހުޅުމާލެއިން މާލެ އަންނަން އޮންނަ ހައިވޭއަށް އަރާ މަގު ބަންދުކޮށް، މުޒާހަރާ ކުރި މައްސަލައިގައި ހައްޔަރުކުރި ތިން ޓެކްސީ ޑްރައިވަރުންގެ ތެރެއިން ދެ މީހުންގެ ބަންދަށް ފަސް ދުވަސް ޖެހި މައްސަލަ ހައިކޯޓުގައި އިސްތިއުނާފުކޮށްފައިވާ ކަމަށް ޑްރައިވަރުންގެ ގާނޫނީ ވަކީލުންގެ ޓީމުން ބުނެފި އެވެ.

ވަކީލުންގެ ޓީމުން ބޭއްވި ނޫސްވެރިންގެ ބައްދަލުވުމެއްގައި އިދިކޮޅު އެމްޑީޕީގެ ގާނޫނީ ވަކީލުންގެ ޓީމުގައި ހިމެނޭ އައިކު އަހުމަދު އީސާ ވިދާޅުވީ، ބަންދުގެ މުއްދަތު އިތުރުކުރި ދެ މީހުން މައްސަލަ މިހާރު ވާނީ ހައި ކޯޓަށް ހުށަހަޅާފައި ކަމަށެވެ.

ބަންދުކުރި ފަސް ދުވަހުގެ މުއްދަތު ހަމަވުމުގެ ކުރިން އެ މައްސަލައާމެދު ގޮތެއް ނިންމާ އެ މީހުން މިނިވަންކުރުމުގެ މަަސައްކަތް ހުއްޓުމެއްނެތި ކުރަމުންދާ ކަމަށް ވެސް އޭނާ ވިދާޅުވި އެވެ. ޓެކްސީ ޑްރައިވަރުންނަށް އެމްޑީޕީގެ ގާނޫނީ ޓީމުން އެހީތެރިވަމުންދާކަން ވެސް އޭނާ ވަނީ ހާމަކުރައްވާފަ އެވެ.

ރޭގެ މުޒާހަރާއާ ގުޅިގެން ހައްޔަރު ކުރީ މުހައްމަދު ޝާމިން އާއި އަހުމަދު ޝަބީން އާއި ނޫމާން އަހުމަދު ކިޔާ ތިން ޑްރައިވަރުންނެވެ. އޭގެ ތެރެއިން ނޫމާން އަހުމަދު ދޫކޮށްލައި އަނެއް ދެ މީހުން ފަސް ދުވަހަށް ބަންދުކުރަން އަމުރުކުރީ ހުޅުމާލެ މެޖިސްޓްރޭޓް ކޯޓުންނެވެ.

ނިރޮޅުމަގު ބަންދުކޮށް ރޭ އިރާކޮޅު ޓެކްސީ ޑްރައިވަރުން މުޒާހަރާ ކުރަން ފެށީ ސަރުކާރުން ޓެކްސީ ލައިނެއް ތައާރަފުކޮށް ޓެކްސީގެ ހިދުމަތަށް ވަންނަން ސަރުކާރުން ކުރާ މަސައްކަތާ ދެކޮޅަށް އަޑުއުފުލުމުގެ ގޮތުންނެވެ.

ސަރުކާރުން ޓެކްސީ ހިދުމަތް ދޭން ފަަށަން ނިންމާފައިވާކަން އެންމެ ފުރަތަމަ ސަރުކާރުން އިއުލާނު ކުރީ ޖުލައި 25، ގައި އޮތް ރަސްމިއްޔާތެއްގަ އެވެ.

ރޭގެ މުޒާހަރާ ކުރި ސަރަހައްދުގައި ތިބި "އަދަދު" ގެ ނޫސްވެރިން ބުނީ ވިލާ ޕެޓްރޯލް ޝެޑު ކައިރީގައި ހިފެހެއްޓި ކާރުތައް ޓޯކޮށް ނިމުނީ ރޭ 11:40 ހާއިރު ކަމަށެވެ. އެ ތަނުން 20 އަށްވުރެ ގިނަ ޓެކްސީ ފުލުހުން ޓޯކުރި އެވެ. ބައެއް ޓެކްސީތައް ޓޯ ކުރަން ފުލުހުންގެ ފޯކްލިފްޓު ބޭނުން ކުރި ނަމަވެސް ގިނަ ޓެކްސީތައް ޓޯ ކުރީ ފުލުހުންގެ ބެލުމުގެ ދަށުން ދުއްވާފައި ގެންގޮހެވެ.

ނޫސްވެރިންނާ ވާހަކަދައްކަވަމުން އައިކު ވިދާޅުވީ، ޓޯކުރި ޓެކްސީތައް އަނބުރާ ހޯދުމަށާއި ޓޯކޮށްފައި ބަހައްޓާ މުއްދަތުގައި ޑްރައިވަރުންނަށް ލިބޭ ގެއްލުންތައް ހޯދުމަށް ގާނޫނީ ގޮތުން ކުރެވެން ހުރި މަސައްކަތްތައް ވެސް ކުރަމުންދާ ކަމަށެވެ. އެގޮތުން އަންނަ ހަފުތާ އެކަމާ ބެހޭ މައްސަލަ ކޯޓަށް ވައްދާނެ ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox