ވަޅިއެއް ހިފައިގެން މަގުމައްޗަށް ނުކުމެ، އާންމު މީހަކަށް އަދި އޭނާ ހުއްޓުވަން އުޅުނު ފުލުހަކަށް ހަމަލާ ދޭން އުޅުނު މީހަކު މިރޭ ހައްޔަރުކޮށްފި އެވެ.
ފުލުހުން ބުނީ މިއަދު އިރުއޮއްސި 06:30 ހާއިރު އެ މައްސަލައާ ގުޅިގެން ހައްޔަރުކުރީ 33 އަހަރުގެ މީހެއް ކަމަށެވެ.
ވަޅި ހިފައިގެން އުޅުނު މީހާގެ ފަރާތުން އެއްވެސް މީހަކަށް އަނިޔާއެއް ލިބުނުކަން ފުލުހުން ނުބުނެ އެވެ.
އޭނާ ހައްޔަރު ކުރި ވަގުތުގެ ވީޑިއޯއެއް މިހާރު ސޯޝަލް މީޑިއާގައި ދަނީ ދައުރުވަމުންނެވެ. ފަހަތަށް ބިޑި އަޅުވާފައި ހުއްޓައި އޭނާ ބުނަމުންދިޔައީ އޭނާއަކީ ނަފުސާނީ ބަލި މީހެއް ކަމަށެވެ.
އެ މައްސަލަ ފުލުހުން އަންނަނީ ތަހުގީގު ކުރަމުންނެވެ.
