ވަން އެވެނިއު އެޕާޓުމެންޓަކަށް މީހަކު ވަދެ މުދަލަށް ގެއްލުން ދީފި

ހުޅުމާލެ، ފިތުރޯނު މަގުގައި ހުންނަ ވަން އެވެނިއުގެ އެޕާޓުމެންޓަކަށް މީހަކު ވަދެ މުދަލަށް ގެއްލުން ދިން މައްސަލައެއް ފުލުހުން ބަލަން ފަށައިފި އެވެ.

މީޑިއާތަކަށް ފުލުހުން ފޮނުވި މެސެޖެއްގައި ބުނީ އެތަނަށް މީހަކު ވަދެ މުދަލަށް ގެއްލުން ދިނީ މިއަދު ހެނދުނު ކަމަށެވެ. އެތަނަށް ލިބުނު ގެއްލުމާއި އެކަން ކުރި މީހާ އާ ބެހޭ ތަފުސީލެއް ފުލުހުން ހާމައެެއް ނުކުރެ އެވެ.

ވަން އެވެނިއު އެޕާޓްމަންޓަށް ވަދެ ގެއްލުން ދިން މައްސަލައެއް ފެންމަތިވެފައިވާއިރު، މިއީ ސެކިއުރިޓީ ބަލަހަައްޓާ، އަދި ކޮންޓްރޯލް އެކްސެސްގެ ދަށުން ބޭރު ދޮރު ހުޅުވައިގެން ވަދެވޭ ތަނެއް ކަން ފާހަގަކޮށްލެވެ އެވެ.

ފުލުހުން ބުނީ އެ މައްސަލަ އާ ގުޅުގެން ބަލަންޖެހޭ ކަންކަން ބަލަމުންދާ ކަމަށެވެ.