ރަނގަޅު ޝަވަރަކާއި، ފާހާނަ އަށް ބޭނުންވާ ބައެއް ސާމާނު ހޯދަން މަސައްކަތް ކުރަނިކޮށް އެކުވެރިޔަކު އަހައިލި އެވެ.
"ޖޭ މޯލްޑިވްސް ހާޑްވެއާ ފިހާރަ ބަލައިފިންތަ؟"
މިއީ އެ ފިހާރައިގެ ނަން އަޑުއިވުނު ފުރަތަމަ ފަހަރެވެ. ހުޅުމާލޭ ހަލަވެލި މަގުގައި ހުންނަ އެ ފިހާރައަށް ވަދެ ނަޒަރު ހިންގައިލިއިރު ލޮލުގައި އަޅައިގައީ އެކި ޒަމާނީ ވައްތަރުތަކުގެ ޝަވަރު ސެޓުތަކެވެ. އެއަށް ފަހު، ދެން ހިތް ދަމައިގަތީ ބަރިބަރިއަށް އަތުރާފައި ހުރި ފާހާނާގައި ބަހައްޓާ މޫނު ދޮންނަ މުށި ތަށިތަކަށެވެ.
ޝަވަރުގެ ފެންވަރު ވަޒަންކުރުމަށް ސޭޓު ދިނީ ނަރުގަނޑެކެވެ. އަތުގައި ހުރި ބާރުމިނުގައި އޭގެން ޝަވަރުގައި ކޭއްތިއިރު ކޫރުމެއް ވެސް ނޭޅުނެވެ.
"ވަރަށް ހިތްގައިމުކޮށް ފެންވަރައިލެވޭނެ،" ވިސްނާލަން އިން ވަގުތު ފިހާރައިގެ ސޭޓު، ފަހަތުން ބުނެލި އަޑު އިވުނެވެ.
ޖޭ މޯލްޑިވްސްގައި ހަމައެކަނި ހުރީ ޝަވަރު ސެޓާއި މޫނު ދޮންނަ ތަށްޓެއް ނޫނެވެ.
ފާހާނާ އާއި ފެންވަައިރުކުރަން ބޭނުންކުރާ ސާމާނުގެ އިތުރުން ބަދިގޭގައި ބޭނުންކުރާ ސިންކާއި، އިސްކުރުން ފެށިގެން ގަސްކޮށާ ކީހާ ހަމައަށް ހާޑުވެއާގެ ހުރިހާ ސާމާނެއް އެބަ ހުއްޓެވެ. ސިޓިން ރޫމާއި އޮފީސްތައް އިސާހިތަކު ރީތިކޮށްލަން ފާރުގައި ޖަހައިލެވޭ ޑިޒައިން އެޅި އޮފުއަރާ ފިލާ ވެސް އެބަ ހުއްޓެވެ.
ވަޑާމުގެ ބޭނުންތަކަށް ބޭނުންކުރާ ކީހާއި އެހެނިހެން ސާމާނާއި އެކި ވައްތަރުގެ ލައިޓާއި ކަރަންޓު ވައިރުކުރަން ބޭނުންވާ ސާމާނާއި ކުލަ ލާން ބޭނުންވާ ތަކެތި އަދި ވޯޓާ ޕިއުރިފައި މެޝިންގެ ފިލްޓަރު ވެސް މި ފިހާރައިން ލިބެން އެބަ ހުއްޓެވެ.
އަގުތައް ވެސް ހުރީ އަތްފޯރާ ފަށުގަ އެވެ.
