ޕްލޮޓު ނަންބަރު ކަނޑަނާޅައި، ގުޅީފަޅުން ގޯތި ލިބުނު މީހުންގެ މެދުގައި އަންގާރަ ދުވަހު ގުރު ނަގަނީ

ބިންވެރިޔާ ސްކީމުގެ ދަށުން މިދިޔަ ސަރުކާރުން ގޯތި ގުރު ނެގުން -- ފޮޓޯ: އަދަދު ފައިލް

ބިންވެރިޔާ ސްކީމުގެ ދަށުން މިދިޔަ ސަރުކާރުން ގޯތި ގުރު ނެގުން -- ފޮޓޯ: އަދަދު ފައިލް

އަލަށް ފާސްކުރި ލޭންޑް ޔޫސް ޕްލޭނުގެ ދަށުން ޕްލޮޓުތަކަށް ނަންބަރު ނުދީ، އެތަނުން ގޯތި ލިބުނު މީހުންގެ މެދުގައި ގުރު ނެގުން އަންނަ އަންގާރަ ދުވަހަށް ތާވަލުކޮށް ސަރުކާރުން އިއުލާނުކޮށްފި އެވެ.

ހައުސިން މިނިސްޓަރީން ރޭ ގެޒެޓުކުރި އިއުލާނުގައި ބުނީ ގުރު ނެގުން އޮންނާނީ އޮކްޓޯބަރު 29، ވާ އަންގާރަ ދުވަހުގެ ހެނދުނު 9:00 އިން ފެށިގެން ދަރުބާރުގޭ ރަންނަބަނޑޭރި މާލަމުގައި ކަމަށެވެ.

ގުރު ނެގުމުގެ ކަންކަން ކުރިއަށް ގެންދާނީ ހައުސިން މިނިސްޓަރީން އެކުލަވާލައިފައިވާ ލިސްޓުގައިވާ ތަރުތީބުން އެ މިނިސްޓަރީގެ މުވައްޒަފުންގެ ބެލުމުގެ ދަށުން ކަމަށް އެ އިއުލާނުގައި ބުނެފައިވެ އެވެ. ގުރު ނަގާ މަންޒަރު ޕަބްލިކް މީޑީއާއިން ލައިވް ކުރާނެ ކަމަށް ވެސް މިނިސްޓަރީގެ އިއުލާނުގައި ބުނެފައިވެ އެވެ.

Advertisement

ގުޅީފަޅާއި ގިރާވަރުފަޅުން ގޯތި ލިބުނު މީހުންގެ މެދުގައި އަލުން ގުރުއަތު ނަގަން ޖެހުނީ މިދިޔަ ސަރުކާރުން ފާސްކުރި ލޭންޑް ޔޫސް ޕްލޭންގެ ބަދަލުގައި އާ ޕްލޭންތަކެއް މި ސަރުކާރުން ފާސްކޮށް އާންމު ކުރުމުންނެވެ.

މި ސަރުކާރުން ފާސްކޮށް މި ހިނގާ އޮކްޓޯބަރު 16، ގައި އާންމުކުރި ލޭންޑް ޔޫސް ޕްލޭންތަކުގައި ކުޅިވަރު ކުޅެން ހާއްސަ ސަރަހައްދުތަކާއި މުނިސިޕަލް ހިދުމަތްތައް ދޭ ސަރަހައްދުތަކާއި ޓޫރިޒަމަށް ހާއްސަ ކޮށްފައިވާ ސަރަހައްދުތަކުގެ އިތުރުން އިންޑަސްޓްރިއަލް މަސައްކަތްތަކަށް ހާއްސަ ސަރަހައްދުތަކަށް އިތުރު ބިންތައް ކަނޑައަޅައިފަ އެެވެ.

ނަމަވެސް އެ ޕްލޭންތަކުގައި ގޯތީގެ ޕްލޮޓް ނަންބަރުތައް ކަނޑައަޅައިފައެއް ނުވެ އެވެ. އެހެންކަމުން ގުރުއަތު ލީ ނަމަވެސް، ބޭނުން ބަޔަކަށް ގުޅީފަޅުގެ ބޭނުން ސަރަހައްދަކުން ގޯތި ދިނުމުގެ ފުރުސަތު މިނިސްޓަރީއަށް އޮންނާނެ އެވެ.

ގުޅީފަޅާއި ގިރާވަރުފަޅުގެ އާ ލޭންޑް ޔޫސް ޕްލޭން
ގުޅީފަޅާއި ގިރާވަރުފަޅުގެ އާ ލޭންޑް ޔޫސް ޕްލޭން

ގުޅީފަޅާއި ގިރާވަރުފަޅުގެ އާ ލޭންޑް ޔޫސް ޕްލޭން

ހައުސިން މިނިސްޓަރީގެ އިއުލާނުގައި ބުނީ ގުޅީފަޅުން ގޯތި ލިބުނު މީހެއްގެ ބަދަލުގައި ގުރު ނަގަން އެހެން މީހަކު ހާޒިރުވާ ނަމަ ހާޒިރު ވާންޖެހޭނީ ބިން ލިބޭ މީހާގެ އިއުތިރާޒެއް ނެތް ކަމުގެ ލިޔުމަކާއި އައިޑީކާޑުގެ ކޮޕީ އަކާއެކު ކަމަށެވެ.

ގުރު ނަގާ މީހުންގެ ތެރޭގައި ގިރާވަރުން ގުޅީފަޅަށް ބިން ބަދަލު ކުރި މީހުން ވެސް ހިމެނޭނެ ކަމަށް އެ އިއުލާނުގައި ބުނެފައިވެ އެވެ. ގޯތިތަކުގެ ރެޖިސްޓަރީ އާއި ބިން ލިބޭ ފަރާތްތަކާ އެކުވާ އެއްބަސްވުން ތަކާގުޅޭ މައުލޫމާތު ގުރު ނަގާ ނިމުމުން ފަހުން ހިއްސާ ކުރާނެ ކަމަށް އިއުލާނުގައި ބުނެފައިވެ އެވެ.

ކުރީގެ ސަރުކާރުން ނިންމީ ގޯއްޗަށް އެދި ހުށަހެޅި 97 ޕަސެންޓު މީހުންނަށް ގޯތި ދިނުމަށެވެ. އެއީ 18،955 މީހުންނަށް 9001 ގޯއްޗެވެ. ގޯތި ދެނީ ހުޅުމާލެ ދެ ވަނަ ފިޔަވައްސާއި ތިން ވަނަ ފިޔަވައްސާއި ގުޅީފަޅާއި ގިރާވަރުފަޅުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox