ރިސޯޓު ހަދަން ދޫކޮށްފައިވާ 22 ރަށެއްގެ އެއްބަސްވުން ބާތިލުކުރަން އޭޖީގެ ލަފާ ހޯދަނީ

ރިސޯޓެއް ތަރައްގީކުރަން އެމްޓީޑީސީއަށް ދޫކޮށްފައިވާ ހދ. ނާގޮށި: ރައީސް މައުމޫންގެ ސަރުކާރުގައި ދޫކުރި މި ރަށުގައި އަދިވެސް ރިސޯޓެއް ތަރައްގީނުކުރެވޭ -- ފޮޓޯ: ރެޑިސަން

ރިސޯޓެއް ތަރައްގީކުރަން އެމްޓީޑީސީއަށް ދޫކޮށްފައިވާ ހދ. ނާގޮށި: ރައީސް މައުމޫންގެ ސަރުކާރުގައި ދޫކުރި މި ރަށުގައި އަދިވެސް ރިސޯޓެއް ތަރައްގީނުކުރެވޭ -- ފޮޓޯ: ރެޑިސަން

ޓޫރިސްޓު ރިސޯޓު ހަދަން ދޫކޮށްފައިވާ ރަށްތަކުގެ ތެރެއިން އެ ތަންތަން ތަރައްގީކުރަން އެއްވެސް މަސައްކަތެއް ނުކޮށް ހުރި 22 ރަށެއްގެ އެއްބަސްވުން ބާތިލުކުރުމާ މެދު ގޮތެއް ނިންމަން ބަންޑާރަނައިބުގެ ލަފަޔަކަށް އެދިފައިވާ ކަމަށް ޓޫރިޒަމް މިނިސްޓަރު އިބްރާހިމް ފައިސަލް މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ ޖަލްސާގައި މެމްބަރުން ކުރި ސުވާލުތަކަށް ޖަވާބު ދެއްވަމުން ފައިސަލް ވިދާޅުވީ، ރިސޯޓު ތަރައްގީކުރަން ދޫކޮށްފައި ހުރި ރަށްތަކުގެ ތެރެއިން މަސައްކަތް ހުއްޓިފައިވާ 58 ރަށެއް ދެނެގަނެވިފައިވާ ކަމަށެވެ. އޭގެ ތެރޭގައި 15 އަހަރާއި 20 އަހަރާއި 30 އަހަރު ވެފައިވާ ރަށްތައް ހިމެނޭ ކަމަށް ވެސް އޭނާ ވިދާޅުވި އެވެ.

ދިވެހިރާއްޖޭގައި 15، 20، 30 އަހަރު ވަންދެން ޓޫރިޒަމްގެ ބޭނުމަށް ރަށްތައް ދޫކުރެވިފައި އެބަހުރި. އަޅުގަނޑުމެން އެކަމުގެ މަސައްކަތް މިނިސްޓްރީން ފަށާ، އޭގެ ދަފުތަރެއް އެކުލަވާލެވުނުއިރު، މިއަދާ ހިސާބަށް އަޅުގަނޑުމެންނަށް އައިޑެންޓިފައި ކުރެވި، ދަފުތަރު ކުރެވިފައި އޮތީ މުޅި ރާއްޖޭގައި ޓޫރިޒަމްގެ ބޭނުމަށް ދޫކުރެވި، އެ ރަށްތައް މާކެޓަށް ނުނެރެވި ހުރި," ފައިސަލް ވިދާޅުވި އެވެ.

Advertisement

މަސައްކަތް ހުއްޓިފައިވާ ރަށްތަކުގެ މައުލޫމާތު ސާފުކުރަން އެ ތަންތަން ނަގާފައި ތިބި މީހުންނާއި ވިޔަފާރިތަކާ ޓޫރިޒަމް މިނިސްޓްރީން ބައްދަލުކޮށް، އެ ރަށްތައް ތަރައްގީކުރަން ކުރަމުންދާ މަސައްކަތް ސާފުކޮށްފައިވާނެ ކަމަށް ވެސް މިނިސްޓަރު ވިދާޅުވި އެވެ. މި މައުލޫމާތު ސާފުކުރުމަށް ފަހު ޕޮލިސީ ޕޭޕަރެއް ތައްޔާރުކޮށް، އިކޮނޮމިކް ކައުންސިލުން ގޮތްތަކެއް ފާސްކޮށްފައިވާ ކަމަށް އޭނާ ވިދާޅުވި އެވެ.

އެގޮތުން ޓޫރިޒަމް ގާނޫނަށް ގެންނަން ޖެހޭ ބަދަލުތައް ގެންނަން އަންނަ މަހު މަޖިލީހަށް ހުށަހަޅާނެ ކަމަށް ފައިސަލް ވިދާޅުވި އެވެ. މިގޮތަށް ގާނޫނު ބަދަލުކުރަން ނިންމި ސަބަބު ސާފުކޮށްދެއްވަމުން އޭނާ ވިދާޅުވީ ރަށްތަކުގެ އެއްބަސްވުން ބާތިލުކުރުމުން ކޯޓަށް ގޮސް އެކަށީގެން ނުވާ ބަދަލު ހޯދާފައިވާ ކަމަށާއި، ބޭނުމަކީ އެ ފުރުސަތު ނުދިނުން ކަމަށެވެ.

"އަޅުގަނޑުމެން އެގޮތަށް އިސްލާހު ގެންނަން ހުށަހެޅީ ދިވެހިރާއްޖޭގައި މިގޮތަށް ދޫކުރެވިފައި ހުރި ރަށްތައް ދައުލަތުން، ޓޫރިޒަމް މިނިސްޓްރީން ޓާމިނޭޓު ކުރުމުން އެ ފަރާތްތަކުން ކޯޓަށް ވަޑައިގެން އެކަށީގެން ނުވާ ބަދަލުތަކެއް އޭގެ ތެރެއިން ހޯދަމުންދާކަން ޓޫރިޒަމް މިނިސްޓްރީގެ މައުލޫމާތުތަކުން ބެލިބެލުމުގައި ފާހަގަކުރެވިފައި ވާތީ، އެ ފުރުސަތު ނުދިނުމުގެ ގޮތުން،" އޭނާ ވިދާޅުވި އެވެ.

ނުހެދި ހުރި ރަށްތަކާ ގުޅޭ ގޮތުން ކުރެވުނު މަޝްވަރާތަކުގައި އެ ރަށްތައް ހުއްޓިފައިވާ މައިގަނޑު ސަބަބަކީ ރާއްޖޭގެ ބޭންކުތަކުން އެ ރަށްތައް ތަރައްގީކުރަން ފައިސާ ނުލިބުން ކަމަށް ފައިސަލް ފާހަގަކުރެއްވި އެވެ. އަދި ސަރުކާރުގެ ޑިވެލޮޕްމަންޓު ބޭންކު ވުޖޫދަށް އައުމުން މިކަމަށް ހައްލެއް ލިބޭނެ ކަމަށް އޭނާ ވިދާޅުވި އެވެ.

"ޑިވެލޮޕްމަންޓް ބޭންކު ގާއިމުކުރެވުނީމައި، އެއީ ދިވެހި ޒުވާނުންނަށާއި ދިވެހި ރައްޔިތުންނަށް ހާއްސަކޮށް ދިވެހިރާއްޖޭގެ ޓޫރިޒަމް ސިނާއަތުގައި އިންވެސްްޓް ކުރަން ބޭނުންވާ ފަރާތްތަކަށް ފަހިވެގެންދާނެ ވަރަށް ރަނގަޅު ފުރުސަތެއް ކަމަށް އަޅުގަނޑު ގަބޫލުކުރަން،" ފައިސަލް ވިދާޅުވި އެވެ.

އޭގެ އިތުރުން، ރަށްތައް އަތުލުމުގެ ބަދަލުގައި ރަށްތައް ނަގާފައި ތިބި މީހުންނާއި ރާއްޖެއަށް އިންވެސްޓުކުރަން ބޭނުންވާ ބޭރުގެ އިންވެސްޓަރުންނާ ގުޅުވައި ދިނުމުގެ މަސައްކަތް ކުރަމުން އަންނަ ކަމަށް ވެސް ފައިސަލް ވިދާޅުވި އެވެ. ހަމައެހެންމެ އެ ރަށްތަކުން ލިބެން ޖެހޭ ގިނަ އަދަދެއްގެ ފައިސާ އެބަހުރި ކަމަށާއި، ރަށްތައް މާކެޓަށް ނެރޭ ނަމަ، އެކަމުގައި ވެސް ދެވޭނެ ލުއިތަކެއް ދެނެގަތުމުގެ މަސައްކަތް ކުރަމުންދާ ކަމަށް އޭނާ ވިދާޅުވި އެވެ.

ރިސޯޓު ތަރައްގީކުރަން ނަގާފައިވާ ރަށްތައް ނުނިމި ދިގުލައިގެންދާ މައްސަލައަކީ ރާއްޖޭގައި ވަރަށް ބޮޑު މައްސަލައެކެވެ. ކުރީ ސަރުކާރުގައި ވެސް މިކަން ހައްލުކުރަން މަސައްކަތްތަކެއް ކޮށްފައިވާއިރު، އޭރު ބުނީ އެއްބަސްވުންތަކަށް ބަދަލު ގެނެސް ފަހުން ދިން މުއްދަތުގެ ތެރޭގައި ރަށްތައް ތަރައްގީކޮށް ނުނިންމައިފި ނަމަ އެ ރަށްތައް އަތުލާނެ ކަމަށެވެ. މިހެން ނަމަވެސް މިހާތަނަށް އެއްވެސް ރަށެއްގެ އެއްބަސްވުން ބާތިލެއް ނުކުރެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox