ގުޅީފަޅުން ގޯތި ލިބުނު މީހުންގެ މެދުގައި އަލުން ގުރުނަގަން ބޭނުންވާ އައިޓީ ސާމާނު ހޯދަނީ

ހައުސިން މިނިސްޓަރު ޑރ. އަލީ ހައިދަރު: އެ މިނިސްޓަރީން މިއަދު ގެޒެޓުކުރި ކުރީ އައި7 ގެ ލެޕްޓޮޕަކާއި 24 އިންޗީގެ މޮނިޓަރެއްގެ އިތުރުން 55 އިންޗީގެ ހަތަރު ޓީވީ ހޯދުމަށް -- ފޮޓޯ: އަދަދު ފައިލް

ހައުސިން މިނިސްޓަރު ޑރ. އަލީ ހައިދަރު: އެ މިނިސްޓަރީން މިއަދު ގެޒެޓުކުރި ކުރީ އައި7 ގެ ލެޕްޓޮޕަކާއި 24 އިންޗީގެ މޮނިޓަރެއްގެ އިތުރުން 55 އިންޗީގެ ހަތަރު ޓީވީ ހޯދުމަށް -- ފޮޓޯ: އަދަދު ފައިލް

ބިންވެރިޔާ ސްކީމުގެ ދަށުން ގުޅީފަޅުން ގޯތި ލިބުނު މީހުންގެ މެދުގައި އަލުން ގުރުއަތު ނެގުމަށް ބޭނުންވާ އައިޓީ ސާމާނު ސަޕްލައި ކޮށްދޭނެ ފަރާތެއް ހޯދަން ހައުސިން މިނިސްޓަރީން އިއުލާނު ކޮށްފި އެވެ.

އެ މިނިސްޓަރީން މިއަދު ސަރުކާރުގެ ގެޒެޓްގައި އިއުލާނުކުރީ އައި7 ގެ ލެޕްޓޮޕަކާއި 24 އިންޗީގެ މޮނިޓަރެއްގެ އިތުރުން 55 އިންޗީގެ ހަތަރު ޓީވީ ހޯދުމަށެވެ.

ބީލަމާ ބެހޭ މައުލޫމާތު ސާފު ކުރުން މާދަމާގެ މެންދުރު 2:00 އަށް ތާވަލުކޮށްފައިވާއިރު، ބީލަން ހުށަހަޅަންޖެހޭ ތާރީހަކީ އަންނަ އާދީއްތަ ދުވަހެވެ.

Advertisement

ބީލަމުގެ މައުލޫމާތު ޝީޓުގައި ބަޔާން ކޮށްފައި ވާގޮތުން ބީލަން ކާމިޔާބު ކުރާ ފަރާތަކުން ސަރުކާރު ބަންދު ދުވަސްތައް ހިމަނައިގެން އެއް ދުވަސް ތެރޭގައި އެ ތަކެތި ހައުސިން މިނިސްޓަރީއާ ހަވާލު ކުރަންޖެހެ އެވެ.

ގުޅީފަޅުން ގޯތި ލިބުނު މީހުންގެ މެދުގައި އަލުން ގުރު ނަގަން ހައުސިން މިނިސްޓަރީން މަސައްކަތް ކުރަނީ އަލަށް ފާސްކުރި ލޭންޑް ޔޫސް ޕްލޭންގެ ސަބަބުން ގޯތި ލިބުނު މީހުންގެ ޕްލޮޓުތަކަށް ބަދަލު އަންނާނެތީ އެވެ.

ގޯތި ލިބުނު މީހުންނަށް ކުރިން ދީފައި ހުރި ޕްލޮޓު ނަންބަރުތައް ބަދަލުވާއިރު، އެކަން ކުރަން އެންމެ އިންސާފުވެރި ގޮތެއް ކަމަށް ގަބޫލު ކުރެވެނީ ގުރުއަތަކަށް ގޮސްގެން ކަމަށް މިނިސްޓަރު ހައިދަރު މީގެ ކުރިން "އަދަދު" އަށް މައުލޫމާތު ދެއްވަމުން ވިދާޅުވި އެވެ.

"ގުރުއަތުލައިގެން އެންމެ އިންސާފުވެރިގޮތެއް ކަމަށް އަޅުގަނޑުމެންނަށް ފެންނަނީ، ޕްލޮޓު ނަންބަރު ޖަހާފައި ގުރުއަތަކަށް ދާނީ،" ހައިދަރު ވިދާޅުވި އެވެ.

ގުރުއަތަކަށް ދިޔުމުގެ ވިސްނުން ހުރި ނަމަވެސް ގޯތި ލިބުނު މީހުންނަށް ދޫކޮށްފައި ހުރި އެގްރީމެންޓުތަކުގައި ކޯޑިނޭޓްސް ޖަހާފައި ހުރުމުން އަލުން ގުރުއަތަކަށް ދިޔުމުގެ ކުރިން އެކަމުގައި ހޯދަންޖެހޭ ގާނޫނީ ލަފާ ހޯއްދަވާނެ ކަމަށް ހައިދަރު އެދުވަހު ވިދާޅުވި އެވެ.

"ތިކަމާ ބެހޭގޮތުން އަޅުގަނޑުމެން ގާނޫނީ ލަފާ ހޯދައިގެން ކުރިއަށް ގެންދާނީ އިނގޭތޯ؟" ހައިދަރު ވިދާޅުވި އެވެ.

ކުރީ ސަރުކާރުން ހެދި ލޭންޑް ޔޫސް ޕްލޭންގެ ބަދަލުގައި އާ ޕްލޭންތަކެއް ހަދަން މި ސަރުކާރުން ނިންމީ ކުރިން އެކަން ކޮށްފައި ހުރީ ރަނގަޅު ޕްލޭނެއް ނެތި ކަމަށް ބުނެ އެވެ.

ގިރާވަރުފަޅާއި ގުޅީފަޅުގެ އާ ލޭންޑް ޔޫސް ޕްލޭން ފާސްކޮށް ގެޒެޓު ކުރީ މިމަހުގެ 16 ވަނަ ދުވަހު އެވެ. އެ ޕްލޭންތަކުގައި ވަނީ ކުރިން، މިދިޔަ ސަރުކާރުން ފާސްކުރި ލޭންޑް ޔޫސް ޕްލޭން އާ ހިލާފަށް ކުޅިވަރު ކުޅެން ހާއްސަ ސަރަހައްދުތަކާއި މުނިސިޕަލް ހިދުމަތްތައް ދޭ ސަރަހައްދުތަކާއި ޓޫރިޒަމަށް ހާއްސަ ކޮށްފައިވާ ސަރަހައްދުތަކުގެ އިތުރުން އިންޑަސްޓްރިއަލް މަސައްކަތްތަކަށް ހާއްސަ ސަރަހައްދުތަކަށް އިތުރު ބިންތައް ކަނޑައަޅައިފަ އެެވެ.

ލޭންޑް ޔޫސް ޕްލޭންތަކަށް ގެނައި އެންމެ ބޮޑު ބަދަލެއްގެ ގޮތުގައި ފެންނަނީ ކުރީ ސަރުކާރުން ގުޅީފަޅުގައި ވިޔަފާރި ބަނދަރު ތަރައްގީ ކުރަން އުޅުނު ސަރަހައްދަށް ގެނެސްފައި އޮތް ބަދަލެވެ.

ކުރީގެ ސަރުކާރުން ނިންމީ ބިންވެރިޔާ ސްކީމަށް ގޯއްޗަށް އެދި ހުށަހެޅި 97 ޕަސެންޓު މީހުންނަށް ގޯތި ދިނުމަށެވެ. އެއީ 18،955 މީހުންނަށް 9001 ގޯއްޗެވެ. ގޯތި ދެނީ ހުޅުމާލެ ދެ ވަނަ ފިޔަވައްސާއި ތިން ވަނަ ފިޔަވައްސާއި ގުޅީފަޅާއި ގިރާވަރުފަޅުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox