އައިއެސް ނައްތާލަން އެމެރިކާއިން އެކުލަވާލާފައިވާ ބައިނަލްއަގުވާމީ ކޯލިޝަނުގައި ރާއްޖެއިން ބައިވެރިވެއްޖެ

ރައީސް މުއިއްޒު ޑިފެންސް މިނިސްޓަރު ގައްސާން އާ ސަލާމް ކުރައްވަނީ: އައިއެސް ނައްތާލަން އެމެރިކާއިން އެކުލަވާލާފައިވާ ބައިނަލްއަގުވާމީ ކޯލިޝަނާ ރާއްޖެއިން ވަނީ ގުޅިފަ --- ފޮޓޯ: ރައީސް އޮފީސް

ރައީސް މުއިއްޒު ޑިފެންސް މިނިސްޓަރު ގައްސާން އާ ސަލާމް ކުރައްވަނީ: އައިއެސް ނައްތާލަން އެމެރިކާއިން އެކުލަވާލާފައިވާ ބައިނަލްއަގުވާމީ ކޯލިޝަނާ ރާއްޖެއިން ވަނީ ގުޅިފަ --- ފޮޓޯ: ރައީސް އޮފީސް

ޓެރަރިސްޓު ގްރޫޕެއްގެ ގޮތުގައި ދުނިޔޭގެ ގިނަ ގައުމުތަކުން ކަނޑައަޅާފައިވާ އިސްލާމިކް ސްޓޭޓް (އައިއެސް) ނައްތާލުމަށް އެމެރިކާއިން އެކުލަވާލި ބައިނަލްއަގުވާމީ ކޯލިޝަނުގައި ރާއްޖެއިން ބައިވެރިވެއްޖެ އެވެ.

އެ ކޯލިޝަނަކީ 2014 ގައި އައިއެސް އިން އިރާގުގައި ދެމުންދިޔަ ހަމަލާތަކާ ގުޅިގެން އެ ގައުމުގެ އެދުމުގެ މަތިން ކަމަށް ބުނެ އެމެރިކާ އިސްވެ އޮވެ އުފެއްދި ކޯލިޝަނެކެވެ. އެ ކޯލިޝަނާ ރާއްޖެއިން ގުޅުނުކަން ރާއްޖޭގައި ހުންނަ އެމެރިކާގެ އެމްބަސީން ވަނީ ކަށަވަރުކޮށްދީފަ އެވެ.

އެމެރިކާގެ ސްޓޭޓް ޑިޕާޓްމަންޓުގެ ވެބްސައިޓުގައިވާ މި ކޯލިޝަނުގެ މެންބަރު ގައުމުތަކުގެ ލިސްޓުގައި ރާއްޖެ ވަނީ ހިމަނާފަ އެވެ. ނަމަވެސް މިކަމާ ގުޅިގެން ދިވެހި ސަރުކާރުން މިހާތަނަށް އެއްވެސް ބަހެއް ބުނެފައެއް ނުވެ އެވެ.

ރާއްޖެ އަކީ އެ ކޯލިޝަނާ އެންމެ ފަހުން ގުޅުނު ގައުމު ކަމަށް ސްޓޭޓް ޑިޕާޓްމަންޓުން ނެރުނު ބަޔާނެއްގައި ވެސް ބުނެފައިވެ އެވެ. މި ބަޔާނަކީ އެމެރިކާއިން އައިއެސް ނައްތާލުމަށް ކޯލިޝަން އެކުލަވާލިތާ ދަހަރެއް ވުމާ ގުޅިގެން ވޮޝިންޓަނުގައި މެންބަރު ގައުމުތަކުގެ އިސްވެރިން ބޭއްވި މަޝްވަރާތަކަކާ ގުޅިގެން ނެރުނު ބަޔާނެކެވެ.

އެ މަޝްވަރާތަކުގައި ގައުމުތަކުގެ ޑެޕިއުޓީ ޕްރައިމް މިނިސްޓަރުންނާއި ފޮރިން މިނިސްޓަރުން އަދި އިސް އޮފިޝަލުން ބައިވެރިވި ކަމަށްވެ އެވެ. މަޝްވަރާތައް ޗެއާކުރެއްވީ އެމެރިކާގެ ހާރިޖީ ވަޒީރު އެންޓޮނީ ބްލިންކަން އެވެ.

ނަމަވެސް މަޝްވަރާތަކުގައި ރާއްޖެއިން ބައިވެރިވި ކަމެއް ނުވަތަ ބައިވެރިވީ ކޮން އޮފިޝަލުންނެއް ކަމެއް ސާފެއް ނުވެ އެވެ.

އައިއެސް އާ ގުޅިގެން ޖިހާދުކުރުމަށް ސީރިއާއަށް ދިވެހިން ދިޔަ މައްސަލަތަކެއް މީގެ ކުރިން ވެސް ފެންމަތިވި އެވެ. އޭގެ ތެރެއިން ގިނަ ބަޔަކު މަރުވި ކަމަށް ވެސް ރިޕޯޓުކޮށްފައިވެ އެވެ. އަދި ހާލުގައި ޖެހިފައި ތިބި އެމީހުން އާއިލާތަކެއް މި އަހަރު ކުރީކޮޅު އަނބުރާ ރާއްޖެ ގެނެސްފައިވެ އެވެ.

މީގެ އިތުރުން، 2022 ގައި ވަނީ އެ ޖަމާއަތުގައި އިސްކޮށް ހަރަކާތްތެރިވަމުން އަންނަ ދިވެއްސަކު ހައްޔަރުކޮށްފަ އެވެ.

ކުރީގެ ޕޮލިސް ކޮމިޝަނަރު މުހައްމަދު ހަމީދު އޭރު ކުރެއްވި ޓްވީޓެއްގައި ވިދާޅުވީ ޖެނުއަރީ 6، 2022، ގައި އެމެރިކާގެ އެފްބީއައިގެ އިތުރުން ޔޫރަޕިއަން ޔޫނިއަން (އީޔޫ) ގެ ދެ ގައުމެއްގެ އިދާރާތަކާ ގުޅިގެން ހައްޔަރުކޮށްފައިވަނީ 30 އަހަރުގެ ދިވެހި ފިރިހެނެއް ކަމަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox