މާރާމާރީއަކާ ގުޅޭ ތިން ދިވެހިން ބެންކޮކުން ހައްޔަރުކޮށް ރާއްޖެ ގެނެސްފި

ފުލުހުން މީހަކު ހައްޔަރު ކުރުމުގެ ތެރެއިން: މާރާމާރީއަކާ ގުޅޭ ތިން ދިވެހިން ބެންކޮކުން ހައްޔަރުކޮށް ރާއްޖެ ވަނީ ގެނެސްފައި -- ފޮޓޯ: އަދަދު ފައިލް

ފުލުހުން މީހަކު ހައްޔަރު ކުރުމުގެ ތެރެއިން: މާރާމާރީއަކާ ގުޅޭ ތިން ދިވެހިން ބެންކޮކުން ހައްޔަރުކޮށް ރާއްޖެ ވަނީ ގެނެސްފައި -- ފޮޓޯ: އަދަދު ފައިލް

މާރާމާރީއަކާ ގުޅޭ ތިން ދިވެހިން ފިލައިގެން ތައިލެންޑުގައި އުޅެނިކޮށް އަތުލައިގަނެ، ރާއްޖެ ގެނެސްފި އެވެ.

"އަދަދު" އަށް އެނގިފައިވާ ގޮތުގައި އެ ތިން މީހުންނަކީ މިދިޔަ އަހަރުގެ ސެޕްޓެމްބަރުގައި ޗީބޯ ގޯޅި ގަނޑު ތެރޭގައި ހިނގި މަރާމާރީގައި ތުހުމަތު ކުރެވޭ ތިން މީހުންނެވެ.

އެ ތިން މީހުން ފިލައިގެން ދިޔުމާ ގުޅިގެން ފުލުހުން ވަނީ އިންޓަޕޯލް ރެޑް ނޯޓިސްގެ ދަށުން ތައިލެންޑު ފުލުހުން މެދުވެރިކޮށް އެ މީހުން ހައްޔަރުކޮށްފަ އެވެ. ދިވެހި ފުލުހުން އެ ގައުމަށް ގޮސް އެ މީހުން ގެނައީ މިއަދު ކަމަށް އެކަމުގެ މައުލޫމާތު އެނގޭ މީހަކު ބުންޏެވެ.

"ބެންކޮކަށް ފިލައިގެން ގޮސް ތިއްބާ އިންޓަޕޯލް ރެޑްނޯޓިސް ނެރެގެން މިހާރު ތައިލެންޑް ޕޮލިސް ތުރޫކޮށް އެމީހުން އެކޮޅަށް ގޮސްގެން ގޮވައިގެން އައީ. އެކަކު ގޮވައިގެން ކުރިން އައިސް، މިއަދު އަނެއް ދެ މީހުން ގެނައީ،" އޭނާ ބުންޏެވެ.

އެ ތިން މީހުން ރާއްޖެއިން ފުރައިގެން ދިޔައީ މައްސަލައާ ގުޅިގެން ހައްޔަރުގައި ތިއްބައި، ކްރިމިނަލް ކޯޓުން އެ ތިން މީހުން ދޫކޮށްލުމާ ގުޅިގެންނެވެ.

ނަމަވެސް އެ މީހުން ދޫކޮށްލި މައްސަލަ ހައި ކޯޓުގައި އިސްތިއުނާފްކޮށް، ހައްޔަރުކުރުމުގެ އަމުރު ކްރިމިނަލް ކޯޓުން ފަހުން ދިން އިރު އެ މީހުން ވަނީ ފިލާފަ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox