ހުލާސާކޮށް އިއްޔެ: ފަޒުލް ވަޓްސްއަޕް ގްރޫޕެއް ހަދައިގެން ނާޒިމުގެ "ދުވަސް ދުއްވާލަން" އުޅުން

ހުލާސާކޮށް އިއްޔެ: ފަޒުލް ވަޓްސްއަޕް ގްރޫޕެއް ހަދައިގެން ނާޒިމުގެ "ދުވަސް ދުއްވާލަން" އުޅުން

ޕީއެންސީގެ ބައެއް ވެރިން އަޑީގައި ތިބެގެން ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމުގެ "ދުވަސް ދުއްވާލަން" މަސައްކަތްކުރި ކަމަށް އިއްޔެ ރިޕޯޓުކުރި އެވެ.

އެކަން ފަޅައިއެރީ ޕީއެންސީ އަށް ނިސްބަތްވާ މަޖިލީހުގެ ގިނަ މެންބަރުންތަކެއް ހިމަނައިގެން "ޕީއެންސީ އެމްޕީސް"ގެ ނަމުގައި ހުކުރު ދުވަހު ހަވީރު ވަޓްސްއަޕް ގްރޫޕެއް އުފެއްދުމުންނެވެ.

ޕީއެންސީގެ މަޖިލީހުގެ ބައެއް މެންބަރުންނާއި އެ ޕާޓީގެ އިސް ބައެއް ހަރަކާތްތެރިން އަދަދު ނޫހަށް ވިދާޅުވީ ރަސްމީ ވަޓްސްއަޕް ގްރޫޕުގެ ބޭރުން، ވަކި މެންބަރުންތަކެއް ހިމަނައިގެން އާ ގްރޫޕެއް އުފެއްދީ އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދު ކަމަށެވެ.

Advertisement

އަދަދު ނޫހަށް ލިބިފައިވާ ސްކްރީން ޝޮޓްތަކުން ފެންނަ ގޮތުގައި ގިނަ މެންބަރުން އެ ގްރޫޕަށް އެޑްކުރީ ވެސް ފަޒުލެވެ.

އެ ގްރޫޕް އުފައްދައި މެންބަރުން އެޑްކޮށް، ގްރޫޕްގެ އެޑްމިން އަކަށް ނާޒިމު ބަދަލުކުރުމަށް ފަހު، ފަޒުލް ގްރޫޕުން ބޭރުވި އެވެ. ނަމަވެސް ވަޓްސްއަޕް ގްރޫޕް އުފެއްދި އަދި މެންބަރުން އެޑްކުރީ ކާކުކަން އެނގޭނެ އެވެ.

އެ ވަޓްސްއަޕް ގްރޫޕްގައި މަޖިލީހުގެ ރައީސް އަބްދުއްރަހީމް އަބްދުﷲ އާއި ޕީޖީ ލީޑަރު އިބްރާހިމް ފަލާހު އާއި އަބްދުއްރަހީމްގެ އަރިސް ގިނަ މެންބަރުން އެޑްކޮށްފައި ނެތް ކަމަށް އަދަދު ނޫހާ ވާހަކަ ދެއްކެވި ބައެއް މެންބަރުން ވިދާޅުވި އެވެ.

ފަޒުލް ރަޝީދުއަކީ އަބްދުއްރަހީމްގެ އަރިސް ބޭފުޅެކެވެ.

ބައެއް މެންބަރުން ވިދާޅުވި ގޮތުގައި އެ ގްރޫޕް އުފެއްދީ، ރައީސް ޑރ. މުހައްމަދު މުއިއްޒު އެންމެ ކޯފާވާނެ އެއް ކަމަކީ މަޖިލީހުގެ މެންބަރުންގެ ތެރޭގައި ފެކްޝަންތަކާއި ގްރޫޕްތައް ހެދުން ކަމަށް ވާތީ، ނާޒިމް އެގޮތަށް މަސައްކަތް ކުރާކަން ދެއްކުމަށް ކަމަށެވެ.

"މަޖިލީހަށް އިންތިހާބުވި ޕީއެންސީ މެންބަރުންނާއެކު މުލިއާގޭގައި އެންމެ ފުރަތަމަ ބޭއްވި ބައްދަލުވުމުގައި، ރައީސް ވަރަށް ސާފުކޮށް ވިދާޅުވި ބައިބައިވުން އުފެދޭ ފަދަ ކަންކަން ނުކުރަން. ވަކިވަކި ގްރޫޕްތައް މަޖިލީހުގެ މެންބަރުންގެ ތެރޭގައި އުފެދުނަ ނުދިނުމަށް. ކުރިން ދިމާވި ފަދަ ބައެއް ކަންކަމުގައި ރައީސް އަމަލުކުރައްވާފައިވާ ގޮތުން، ހުރިހާ މެންބަރުންނަށް ވެސް އެނގޭތީވެ، ނާޒިމްގެ ދުވަސް ދުއްވާލަން އެގޮތަށް މަސައްކަތް އެ ކުރީ،" ޕީއެންސީގެ މެންބަރަކު ވިދާޅުވި އެވެ.

"ނަމަވެސް އެކަން އަތަށް ގޮވީ."

ފަޒުލް އުފެއްދި ވަޓްސްއަޕް ގްރޫޕްގެ މައްސަލަ ހޫނުވުމުން، އެއީ ކާކު އުފެއްދި ގްރޫޕެއްތޯ އަބްދުއްރަހީމް، ރަސްމީ ވަޓްސްއަޕް ގްރޫޕްގައި ސުވާލު ކުރި ކަމަށް މަޖިލީހުގެ ބައެއް މެންބަރުން ވިދާޅުވި އެވެ.

ރަސްމީ ވަޓްސްއަޕް ގްރޫޕް ނޫން އެހެން ގްރޫޕްގެ މަޖިލިސް މެންބަރުންގެ ނުހުންނާނެ ކަމަށް ރައީސް މުއިއްޒު ވެސް ލިޔުއްވި ކަމަށް އަދަދު ނޫހާ ވާހަކަ ދެއްކެވި މެންބަރުން ވިދާޅުވި އެވެ.

ހުކުރު ދުވަހު އެ ގްރޫޕް އުފެއްދީ، ހުކުރު ދުވަހު އާންމު ގޮތެއްގައި ނާޒިމް ވަޓްސްއަޕް ބޭނުން ނުކުރައްވާކަން، އެ ކަމުގެ އަޑީގައި ތިއްބެވި ބޭފުޅުންނަށް ރަނގަޅަށް އެނގިވަޑައިގަންނަވާތީ ކަމަށް ވެސް މެންބަރަކު ވިދާޅުވި އެވެ.

"މިއީ ބަޔަކު ޕީއެންސީ އެތެރެ ހަލާކުކޮށްލަން ކުރާ ކަމެއް. ބާރު ހޯދަން ކުރާ ކަމެއް،" މެންބަރަކު ވިދާޅުވި އެވެ.

މިހާރު ހިނގަމުންދާ 20 ވަނަ ރައްޔިތުންގެ މަޖިލީހުގެ 93 މެންބަރުންގެ ތެރެއިން 75 މެންބަރުންނަކީ ޕީއެންސީގެ މެންބަރުންނެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox