ސޯޝަލް މީޑިއާ އެކްޓިވިސްޓް ތައްޔިބު ޝަހީމުގެ ފޯނާއި އިލެކްޓްރޯނިކް ވަސީލަތްތައް ކޯޓު އަމުރެއްގެ ދަށުން ފުލުހުންގެ ބެލުމުގެ ދަށަށް ގެންގޮސްފި އެވެ.
ތައްޔިބު ވަނީ އޭނާ ގޭގައި ހުއްޓައި ފޯނާއި އޭނާ ބޭނުންކުރާ އިލެކްޓްރޯނިކް ވަސީލަތްތައް ކޯޓު އަމުރެއްގެ ދަށުން ފުލުހުން ގެންދިޔަކަން "އަދަދު" ނޫހަށް ކަށަވަރު ކޮށްދީފަ އެވެ.
ފުލުހުންގެ ބެލުމުގެ ދަށަށް މި އެއްޗެހި ގެންދިޔައީ ކޮން މައްސަލައަކާ ގުޅިގެން ކަމެއް ނޭނގެ އެވެ.
"ސައްހަ ނޫން ބަޔާނެއް ފުލުހުންގެ ނަމުގައި ދައުރުކުރަމުންދާ މައްސަލައިގެ ތަހުގީގުގެ ބޭނުމަށް ކޯޓު އަމުރެއްގެ ދަށުން, ތައްޔިބު ޝަހީމުގެ ފޯނާއި އިލެކްޓްރޯނިކް ބައެއް ތަކެތި ވަނީ ހިފަހައްޓާފައި," މި ހަބަރު ޝާއިއު ކުރި ފަހުން މީޑިއާތަކަށް ފޮނުވި މެސެޖެއްގައި ފުލުހުން ބުނެފައިވެ އެވެ.
ފާހަގަކޮށްލަން ޖެހޭ ގޮތުގައި ކުރީގެ ރައީސް އަބްދުالله ޔާމީންގެ ވެރިކަމުގައި ތައްޔިބު އޭރު ގެންގުޅުން ސިމް ފުލުހުން ކްލޯން ކުރި އެވެ. އެއީ ކޯޓު އަމުރެއްގެ ދަށުން ދިރާގުން ފުލުހުންނަށް ފަހިކޮށްދިން ކަމެކެވެ.
ތައްޔިބުގެ ޓްވިޓާ ފޮލޮވަރުންގެ އަދަދު 51,500 އަށްވުރެ އިތުރުއިރު އޭނާ ގެންދަނީ ސަރުކާރަށް ފާޑުކިޔަމުންނެވެ. މިދިޔަ ސަރުކާރުގައި ޓޫރިޒަމް މިނިސްޓްރީގެ ސީނިއާ އެގްޒެކެޓިވް ޑިރެކްޓަރުގެ މަގާމު ވެސް އޭނާ އަދާކުރި އެވެ.
