ރިސޯޓުތަކުގެ ލީސް އިތުރުކުރަން މަދު ފައިސާ ދައްކަން ލިބޭ މުއްދަތު ދެ އަހަރުން ހަ މަހަށް ކުޑަކުރަނީ

ރާއްޖޭގައި ހިންގާ ރިސޯޓެއް: ގިނަ ރިސޯޓު އޯނަރުން މިހާރު ތަންތަނަ ނަގަނީ 99 އަހަރަށް -- އަދަދު ފައިލް ފޮޓޯ

ރާއްޖޭގައި ހިންގާ ރިސޯޓެއް: ގިނަ ރިސޯޓު އޯނަރުން މިހާރު ތަންތަނަ ނަގަނީ 99 އަހަރަށް -- އަދަދު ފައިލް ފޮޓޯ

ރިސޯޓު ހިންގަން ކުއްޔަށް ދޫކޮށްފައިވާ ރަށްތަކާއި ފަޅުތަކާއި ބިންތައް ކުއްޔަށް ދޫކޮށްފައިވާ މުއްދަތު އިތުރުކުރަން ފައިސާ ދައްކަން ލިބޭ މުއްދަތު ދެ އަހަރުން ހަ މަހަށް ކުޑަކުރަން ޓޫރިޒަމް ގާނޫނު ބަދަލުކުރަން ރައްޔިތުންގެ މަޖިލީހަށް މިއަދު ހުށަހަޅައިފި އެވެ.

ޓޫރިޒަމް ގާނޫނަށް ސަރުކާރުގެ ފަރާތުން، ދަނގެތި ދާއިރާގެ މެމްބަރު އަބްދުﷲ ރަޝީދު ހުށަހެޅި އިސްލާހުގައި ވަނީ ކުލި މުއްދަތު އިތުރުކުރުމާ ގުޅޭ މާއްދާތަކަށް ބަދަލު ގެނައުން އެކަންޏެވެ.

މިހާރު ގާނޫނުގައި އޮތް ގޮތުން، އެ ގާނޫނުގައި އޮތް ތާރީހު (ޑިސެމްބަރު 27، 2020) އިން ފެށިގެން ދެ އަހަރުގެ ތެރޭގައި ފައިސާ ދައްކާ ހަލާސްކުރަން އެއްބަސްވާ ނަމަ އިތުރުކުރާ ކޮންމެ އަހަރަކަށް ދައްކަން ޖެހެނީ އެއް ލައްކަ ޑޮލަރެވެ. އަދި ދެ އަހަރަށް ފަހު ދައްކާ ނަމަ އިތުރުކުރާ ކޮންމެ އަހަރަކަށް ދެ ލައްކަ ޑޮލަރު ދަައްކަން ޖެހެ އެވެ.

Advertisement

ސަރުކާރުން ގާނޫނު ބަދަލުކުރަން ހުށަހަޅާފައި ވަނީ، މިހާރު މަޖިލީހުގައި އޮތް އިސްލާހު ފާސްވެ، އެއަށް އަމަލުކުރަން ފަށާ ތާރީހުން ފެށިގެން ހަ މަސް ދުވަހުގެ ތެރޭގައި ފައިސާ ދައްކާ ނަމަ ކޮންމެ އަހަރަކަށް އެއް ލައްކަ ޑޮލަރު، އަދި އޭގެ ފަހުން ފައިސާ ދައްކާ ނަމަ އިތުރުކުރާ ކޮންމެ އަހަރަކަށް ދެ ލައްކަ ޑޮލަރު ދައްކަން ޖެހޭ ގޮތަށެވެ.

ހަމަ އެހެންމެ، އެކީ އެއް ފަހަރާ ލާރި ދެއްކުމުން 99 އަހަރަށް ކުލި މުއްދަތު އިތުރުކުރަން ފައިސާ ދައްކަން ލިބޭ މުއްދަތު ވެސް ދެ އަހަރުން ހަ މަހަށް ކުޑަކުރަން ވެސް ހުށަހަޅާފައިވެ އެވެ. މި އިސްލާހަށް އަމަލުކުރަން ފެށުމުން ހަ މަސް ދުވަހުގެ ތެރޭގައި ފަސް މިލިއަން ޑޮލަރު ދައްކައިފި ނަމަ ކުލި މުއްދަތު އިތުރުކޮށްދޭނެ އެވެ. އޭގެ ފަހުން ނަމަ 10 މިލިއަން ޑޮލަރު ދައްކަން ޖެހެ އެވެ.

ކުލި މުއްދަތު އިތުރުކުރުމާ ގުޅޭ މާއްދާތަކަށް ގެންނަ ބަދަލާއެކީ، ސެޕްޓެމްބަރު 8، 2010 (ޓޫރިޒަމް ގާނޫނަށް ދެ ވަނަ އިސްލާހު ގެނައި ތާރީހު) ގެ ކުރިން ކުއްޔަށް ދޫކޮށްފައިވާ ތަންތަނަށް ކުލި މުއްދަތު އިތުރުކުރަން އެކަނި ހުށަހެޅޭ ގޮތަށް އޮތް އޮތުން ވެސް އުވިގެންދާނެ އެވެ. ސަރުކާރުން މިހާރު ހުށަހަޅާފައިވާ އިސްލާހުގައި ކުލި މުއްދަތު އިތުރުކުރަން މި ޝަރުތެއް ނެތެވެ.

މިހާރު ގާނޫނު އޮތް ގޮތުން މި ޝަރުތު ހަމަނުވާ ފަރާތްތަކަށް ކުލި މުއްދަތު އިތުރުކުރަން ހުށަހެޅެނީ އެކީ އެއް ފަހަރާ ފައިސާ ދައްކާ ނަމަ އެވެ.

ޓޫރިޒަމް ގާނޫނަށް މި ބަދަލުތައް ގެންނަން ނިންމި ސީދީ ސަބަބެއް ސަރުކާރުން ނުބުނި ނަމަވެސް ބެލެވޭ ގޮތުގައި މިއީ ޓޫރިސްޓު އިންވެސްޓަރުންނަށް އަވަހަށް ފައިސާ ދައްކަން ބާރުއެޅުމުގެ ގޮތުން ގެންނަ ބަދަލެކެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox