ރައްޔިތުންނަށް ގެއްލުން ލިބޭ ކަންކަމުގައި އެމްޑީޕީން ހިތާމަކޮށް އަޑު އުފުލާނެ: ފައްޔާޒް

އެމްޑީޕީގެ ޗެއާޕާސަން ފައްޔާޒް އިސްމާއިލް (ކ): ދިވެއްސަކަށް ގެއްލުން ލިބޭނަމަ އެމްޑީޕީން ހިތާމަކޮށް އަޑު އުފުލާނެ ކަމަށް ވިދާޅުވި -- ފޮޓޯ: އެމްޑީޕީ

އެމްޑީޕީގެ ޗެއާޕާސަން ފައްޔާޒް އިސްމާއިލް (ކ): ދިވެއްސަކަށް ގެއްލުން ލިބޭނަމަ އެމްޑީޕީން ހިތާމަކޮށް އަޑު އުފުލާނެ ކަމަށް ވިދާޅުވި -- ފޮޓޯ: އެމްޑީޕީ

ދިވެހި ކޮންމެ ރައްޔިތަކަށް ލިބޭ ގެއްލުމަކީ އެމްޑީޕީން އެކަމާ ހިތާމަކޮށް އަޑު އުފުލާނެ ކަންކަން ކަމަށް އެމްޑީޕީގެ ޗެއާޕާސަން ފައްޔާޒް އިސްމާއިލް މިރޭ ވިދާޅުވެއްޖެ އެވެ.

އެމްޑީޕީގެ ގައުމީ މަޖިލީހުގައި ފައްޔާޒް ވިދާޅުވީ އެމްޑީޕީއަށް ނިސްބަތްނުވާ ރައްޔިތެއް ކަމުގައިވީ ނަމަވެސް، ގެއްލުމެއްވާން ނޭދޭ ކަމަށާއި ރައީސް ޑރ. މުހައްމަދު މުއިއްޒު ރައްޔިތުންނަށް ވީ ވައުދާ ހިލާފަށް އެއްވެސް މުވައްޒަފަކު ވަޒީފާއިން ވަކިކޮށްފިނަމަ އެކަމާ އެމްޑީޕީން އަޑު އުފުލާނެ ކަމަށެވެ.

"ވަރަށް ސާފުކޮށް ރައްޔިތުންނާ ރައީސް މުއިއްޒުއާ ވެވުނު ކޮންޓްރެކްޓްގައި ހިމެނޭ އެއްވެސް މީހަކު ވަޒީފާއިން ނުކަނޑާނެ ކަމަށް. އެ ވައުދުގެ މައްޗަށް ބިނާކޮށް ދިވެހި ރައްޔިތުން ވޯޓު ލެއްވީ،" ފައްޔާޒް ވިދާޅުވި އެވެ.

Advertisement

ރައީސް މުއިއްޒު ރައްޔިތުންނަށް ވީ އެ ވައުދު ހިފެހެއްޓުމަށްޓަކައި ވަޒީފާއިން މީހުން ވަކި ކުރާ މައްސަލައިގައި އިތުރަށް ދިރާސާކޮށް މަގުމައްޗަށް ނުކުމެ އެމީހުންނާއެކު އިހުތިޖާޖު ފެށުމަށް ފައްޔާޒް ވަނީ ގައުމީ މަޖިލީހުގެ ތިމަރަފުށި ދާއިރާގެ ރައީސް އަންވަރު އިބްރާހިމް އަރިހުގައި އެދިވަޑައިގެންފަ އެވެ.

މީގެ އިތުރުން އިހުތިޖާޖަށް ބޭނުންވާ ހުރިހާ އެއްބާރުލުމަކާއި އެހީތެރިކަން އެމްޑީޕީން ފޯރުކޮށްދޭނެ ކަމަށް ވެސް ފައްޔާޒް ވަނީ ވިދާޅުވެފަ އެވެ.

ސަރުކާރުގެ އެކި ކުންފުނިތަކަށް ނަގާފައި ތިބި މުވައްޒަފުން އަންނަނީ ވަކިކުރަމުންނެވެ. އޭގެ ތެރޭގައި ފެނަކައިން މަޝްރޫއުތަކަށް ކޮންޓްރެކްޓަށް ނަގާފައި ތިބި 731 މުވައްޒަފުން ހިމެނެ އެވެ.

މި ސަރުކާރުން ވެރިކަމަށް އައުމަށް ވީ ވައުދުގެ ތެރޭގައި ސިޔާސީ މުވައްޒަފުން ވިޔަފައި، އިތުރު އެއްވެސް ތަނަކުން މުވައްޒަފުން ވަކި ނުކުރާނެ ކަމަށް ވައުދުވި އެވެ. ނަމަވެސް އެ ވައުދާ ހިލާފަށް ގިނަ ބަޔަކު އަންނަނީ ވަކި ކުރަމުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox