ޑެޕިއުޓީ މިނިސްޓަރަކު ބައިޑެންއަށް ފުރައްސާރަ ކުރުމަށް ފަހު ފާޑުކިޔުން އަމާޒުވުމުން ޕޯސްޓު ޑިލީޓުކޮށްފި

އަޒްހަރު އަދި ޓްވީޓު ޑިލީޓު ކުރުމުން އިންނަ ސްކްރީން. މި ސަރުކާރުގެ ސިޔާސީ މަގާމުތަކުގައި ތިއްބެވި ބޭފުޅުން ބޭރު ގައުމުތަކުގެ ވެރިންނަށް ފުރައްސާރަ ކުރާ މައްސަލަތައް ދޭތެރެދޭތެރެއިން ފެންމަތިވޭ --- އާޓް ވޯކް: އިމްދާދު / އަދަދު

އަޒްހަރު އަދި ޓްވީޓު ޑިލީޓު ކުރުމުން އިންނަ ސްކްރީން. މި ސަރުކާރުގެ ސިޔާސީ މަގާމުތަކުގައި ތިއްބެވި ބޭފުޅުން ބޭރު ގައުމުތަކުގެ ވެރިންނަށް ފުރައްސާރަ ކުރާ މައްސަލަތައް ދޭތެރެދޭތެރެއިން ފެންމަތިވޭ --- އާޓް ވޯކް: އިމްދާދު / އަދަދު

މި ސަރުކާރުގެ ހައުސިން މިނިސްޓްރީގެ ޑެޕިއުޓީ މިނިސްޓަރުގެ މަގާމުގައި ހުންނެވި އަޒްހަރު އަބްދުﷲ ސައީދު އެމެރިކާގެ ރައީސް ޖޯ ބައިޑެން އަށް ސޯޝަލް މީޑިއާގައި ފުރައްސާކޮށް, މަލާމަތް ކުރުމަށް ފަހު ސޯޝަލް މީޑިއާގައި ކުރި ޕޯސްޓު ޑިލީޓުކޮށްފި އެވެ.

ޑިމޮކްރަޓިކް ޕާޓީގެ ރިޔާސީ ޓިކެޓު ދޫކޮށްލުމަށް ފަހު ރިޔާސީ ރޭހާ ފެއަށް ޖެހުމަށް ނިންމާފައިވާކަން ބައިޑެން ވަނީ ރޭގެ ވަގުތެއްގައި އިއުލާނު ކުރައްވާފަ އެވެ. އެ ޕޯސްޓު ހިއްސާކުރަމުން އަޒްހަރު ވަނީ "Thanks grandpa, unfit joe," މިފަދައިން ލިޔެފަ އެވެ.

އޭނާ މި ޕޯސްޓުކޮށްފައިވަނީ ސަރުކާރުގެ އިސްވެރިންނަށް އެކްސް އިން ދޭ ވެރިފިކޭޝަން ޓިކުވެސް ހިމެނޭ އެކައުންޓަކުންނެވެ. އަޒްހަރު އަކީ ޑެޕިއުޓީ މިނިސްޓަރެއްގެ އިތުރުން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ބޯޑު މެންބަރެކެވެ.

Advertisement

އޭނާގެ ޕޯސްޓާއެކު އެ ޕޯސްޓު ހިއްސާކޮށް އާންމުންގެ އެކި މީހުން ވަނީ ސޯޝަލް މީޑިއާގައި ފާޑުކިޔުން އަމާޒުކޮށްފަ އެވެ. އަދި، އެއީ ސަރުކާރުގެ މަތީ މަގާމުތަކުގައި ތިބޭ މީހުން އެހެން ގައުމުތަކުގެ ވެރިންނާ މުހާތަބު ކުރަން އެކަށޭނަ ގޮތެއް ނޫން ކަމަށް ބުނެފަ އެވެ. "އަމިއްލަ ފަޔަށް ބަޑި އެ ޖެހީ،" އެކަކު ލިޔެފައިވެ އެވެ.

ނަމަވެސް، ބައެއް މީހުން ވަނީ އެމެރިކާއިން ފުރިހަމައަށް ވާގިވެރިވެގެން އިޒްރޭލުން ފަލަސްތީނުގެ ރައްޔިތުންނާ ދެކޮޅަށް ހިންގާ ގަތުލުއާންމާ ގުޅުވާ އަޒްހަރު ގެ ޕޯސްޓަށް ތާއީދުވެސް ކޮށްފަ އެވެ. އެގޮތުން ބައިޑެން އަކީ އިޒްރޭލުގެ މަދަދުގާރެއް ކަަމަށާއި މިއީ ރަނގަޅު ޕޯސްޓެއް ކަމަށްވެސް އެ މީހުން ލިޔެފައިވެ އެވެ.

"ބައިޑެން ގާޒާއަށް ޖެއްސި ހާލުގެ ސަބަބުން އޭނާއަށް އެއްވެސް އިހުތިރާމެއް ކުރާކަށް ނުޖެހޭ،" އޭގެ ތެރެއިން އެކަކު ލިޔެފައިވެ އެވެ.

ސަރުކާރުގެ އިސްވެރިޔަކު އެމެރިކާގެ ރައީސަށް ފާޑުކިޔާފައި މިވަނީ މި ސަރުކާރުން އެ ގައުމާއެކު ގުޅުން އިތުރަށް ބަދަހިކުރަން ގިނަ މަސައްކަތްތަކެއް ކުރަމުން ދަނިކޮށެވެ. އެގޮތުން ވިޔަފާރި އާއި އަސްކަރީ ގޮތުން އެެމެރިކާއާ އެކު ގުޅުން ބަދަހިކުރަން ގިނަ މަޝްވަރާތަކެއް ސަރުކާރުގެ ފުރަތަމަ އަށް މަސްދުވަސް ތެރޭ ކޮށްފައިވެ އެވެ.

އޭގެއިތުރުން، މި އަހަރުގެ ޖެނުއަރީ މަހު ޔޫތު މިނިސްޓްރީގެ ތިން ޑެޕިއުޓީއަކު އިންޑިއާގެ ބޮޑުވަޒީރު ނަރެންދުރަ މޯދީއަށް ސޯޝަލްމީޑިއާގައި ފުރައްސާރަކުރި މައްސަލަވެސް އަނެއްކާ ފެންމަތިކޮށްފަ އެވެ. އަދި މި ސަރުކާރުގެ އިސްވެރިންގެ ކިބައިގައި އެހެން ގައުމުތަކަށް އިހުތިރާމު ކުރުމުގެ ސިފަ އެއްވެސް ގޮތަކަށް ނެތް ކަމަށް އެކަކު ލިޔެފައިވެ އެވެ.

މޯދީއަށް ފުރައްސާރަކުރީ ޔޫތުގެ ތިން ނައިބުން ކަމަށްވާ މަލްޝާ ޝަރީފާއި މަރިޔަމް ޝިއުނާ އަދި މަހުޒޫމް މާޖިދު އެވެ.

އެ މައްސަލާގައި އެ ތިން ނައިބުން މުއްދަތެއް ނެތް ގޮތަށް ސަސްޕެންޑު ކުރީ ޖެނުއަރީ 7، ގަ އެވެ. މުސާރަ ހިނގާ ގޮތަށް ސަސްޕެންޑުކުރި ބައި މިލިއަނަކަށްވުރެ ގިނަ އަދަދެއްގެ ރުފިޔާ މުސާރާގެ ގޮތުގައި ދައުލަތުގެ ބަޖެޓުން ދީފައިވެ އެވެ.

ރައީސް އޮފީހާއި ޔޫތު މިނިސްޓްރީންވެސް ތަކުރާރުކޮށް ބުނަމުން ދަނީ އެ މައްސަލަ އަދިވެސް ބަލަމުންދާ ކަމަށެވެ.

އިންޑިއާގެ ބޮޑުވަޒީރަށް ފުރައްސާރަކުރި މައްސަލައާ ގުޅިގެން އެ ގައުމުގެ މަޝްހޫރު ފިލްމީ ތަރިންނާއި އެ ގައުމުގެ ރައްޔިތުން ވަނީ ފަތުރުވެރިކަމުގެ މަންޒިލެއްގެ ގޮތުގައި ރާއްޖެ ބޮއިކޮޓު ކުރުމަށް ގޮވާލާ ކެމްޕޭނެއްވެސް ކުރިއަށް ގެންދިޔަ އެވެ. މީގެއިތުރުން މި މައްސަލާގައި ދެ ގައުމުގެ ދެމެދުގައި ހާރިޖީ ބޮޑު ކޯޅުމެއްވެސް ހިނގާދިޔަ އެވެ. އެކަމާ ގުޅިގެން ރާއްޖޭގެ ފަތުރުވެރިކަމަށްވެސް ދަނީ އަސަރުކުރަމުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox